اوّلتا نامه تیموتائوسِ ره 3
3
کلیسا ناظران و شماسان
1اَ گبَ شه اطمینان کودَن: کی اگه اینفر آرزو دَره کی کلیسا نظارتِ کارَ بدَره، خُبِ کار دُمبال ایسه. 2پس ایتا ناظر بایستی هیچی اونِ زیندگی درون دَنبه کی اونِ واسی سرکوفت بخوره، ایتا زن بدَره، هوشیار بِبه، خو نَفْسِ جلویَ بیگیره، با آبرو بِبه، مهماندوست بِبه، بتانه تعلیم بدِه، 3نه عرق خور، نه زورگو بلکی آرام بِبه، نه جنگی، نه پولدوست. 4اون، بایستی خو خانواده یَ بِخُبی بگردانه، و خو زاکانَ جوری تربیت بُکونه کی اونِ جا تمانِ احترامِ امرا اطاعت بُکونید، 5چونکی اگه ایکس نَدانه کی چُطو بایستی خو خانواده یَ بگردانه، چُطو تانه خُدا کلیسایَ مراقبت بُکونه؟ 6و تازه ایماندار نَبه، نَبه کی غُرور اونَ بیگیره و اِبلیسِ مانستن محکوم بِبه. 7بعلاوه، اون، بایستی کلیسا بیرونِ مردومانِ میانَم خوشنام بِبه تا رُسوا نَبه و اِبلیسِ تله درون دَنکفه. 8هَطو شَماسانَم بایستی باوقار بیبید، دورو نیبید، شرابِ گرفتار نیبید، نادُرستِ سودِ حرصَ نزَنید. 9اوشان بایستی ایمانِ رازَ ایتا پاکِ وجدان امرا بدَرید. 10و اوشان بایستی اول امتحان بیبید؛ بازین اگه ثابت بکودید کی بی عیب ایسید، وَئلید شَماسی کارِ درون خیدمت بُکونید. 11هَطو اوشانِ زناکان بایستی باوقار بیبید، بُهتان زَن نیبید، بلکی هوشیار بیبید و همه چی درون وفادار بیبید. 12هرتا جه شَماسان بایستی ایتا زن بدَره، و خو زاکان و خانواده یَ بخُبی بگَردانه. 13چون اوشانی کی شَماسانِ مقامِ درون خُبِ خیدمت بُکوده بید، ایتا خُب مقام گیریدی و اُ ایمانِ درون کی مسیح عیسی درونِ، پیله اطمینانی بدَس آوریدی. 14اُمید دَرم کی خَیلی زو تی ورجه بایم، ولی اَشانَ تَره نیویسم تا، 15اگه می آمون عقب دَکفته، بدانی کی خُدا خانواده درون کی خُدای زنده کلیسا و ستون و حئیقتِ پِی ایسه، چُطو بایستی رفتار کودَن. 16راس راسی کی دینداری راز خَیلی پیله ایسه:
اون، جسمِ درون ظاهر بُبوست،
بواسطه خُدا روح تصدیق بُبوست،
فیریشته ئان اونَ بیده اید،
ملتّان میان اعلام بُبوست،
دُنیا درون اونَ ایمان باوَردید،
جلالِ درون، بُجور بَبرده بُبوست.
Attualmente Selezionati:
اوّلتا نامه تیموتائوسِ ره 3: GIL
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
@ 2024 Korpu Company