اوّلتا نامه تیموتائوسِ ره 2
2
همتان ره دعا بُکونید
1پس، قبلِ هرچی، خوائم کی خواسته ئان، دعائان، شفاعت ئان و شُکر کودَن ئان، تمانِ مردوم ره بجا باوَرده بِبه، 2پادشائان و صاحب منصبانِ ره، تا بتانیم آرام و راحتِ زیندگی بدَریم، کی جه هر بابت دینداری و وقار امرا بِبه. 3اَن، اَمی نجات دهنده خُدا نظر درون خُب و اونِ باب دیلِ، 4کی خوائه تمانِ مردوم نجات بیگیرید و حئیقتَ بشناسید. 5چونکی فقط ایتا خُدا ایسَه، و خُدا و آدمانِ میان فقط ایتا واسطه ایسَه، یعنی اُ انسان کی مسیحْ عیسیِ، 6اونکی خو جانِ فَدَنِ امرا، تمانِ آدمانِ خون بهایَ فدَه. اَ حئیقت مناسب وقت درون شهادت بدَه بُبوسته. 7چونکی من هنه واسی مُعین بُبوستَم تا غیر یهودیانِ ره ایتا تعلیم دَهنده و ایتا رسول و ایتا معلمِ ایمان, حئقیت درون بَبم- حئیقتَ گفتن دَرم و دوروغ نگم. 8پس می آرزو اَنه کی مرداکان همه جا، دعا بُکونید و مقدّس دسانَ بی غیظ و دعوا مرافه دعا ره بُجور بَبرید؛ 9هَطوئم خوائم کی زناکان آبرومندِ رختان دکونید، نیجابت و حیا امرا نه ببافته مو، یا زر و مروارید یا گران قیمتِ رختانِ امرا، 10بلکی خُبِ کارانِ امرا، هُطوکی لایق اُ زناکانی ایسه کی دینداری ادعایَ دَریدی. 11زن بایستی تام بزنه و کاملِ اطاعتِ امرا تعلیم بیگیره. 12من وَئلانَم کی ایتا زَن تعلیم بِده یا ایتا مَردِ سر تسلط بدَره، بلکی بایستی تام بزنه. 13چونکی آدم، اول خلق بُبوسته، بازون حَوّا؛ 14و آدم گول نخورد، بلکی زن بو کی گول بخورده و نافرمان بُبوست. 15ولی زن زای آوردَن امرا نجات گیره، اگر ایمان و محبت و مقدّس بودَنِ درون نیجابتِ امرا بمانه.
Attualmente Selezionati:
اوّلتا نامه تیموتائوسِ ره 2: GIL
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
@ 2024 Korpu Company