MAWUTO HA WASU 18
18
1Kyasia kidima Paulo kalekana na kulya Atene kahenda kashika Korinto. 2Kakoya-pfo mndu Myuda ewio rina lyake nyi Akila amfeye kulya Ponto, nao acheye kandi awuka Italia kimu na mka oke Prisikila na kipfa Kaisari Klaudio ewawasa ke Wayuda wose wasame wawuke Roma. Naho kahenda kawaiṟikiṟa. 3Nawo nao ili wupfuru wowo wuwei wumu kakaa kowo wechiṟunda handu hamu. Kyamba wei waarya wesungusia mahema. 4Kyasia kawa molosha ipfo sinagogenyi orio mkonu fo Sabato kechiidiki-shaidikisha Wayuda na Wagriki. 5Kikasia Sila na Timoteo wekisoka wawuka Makedonyia Paulo kaṟungamisha mwongoye na kamu kechiṟingishya Wayuda ke Yesu nyio Kristo. 6Wekilehana nao na iruma kakutakuta nguo tsake kawawia “Mondu fo samu yanu ihoye mdo yanu ii menyi. Inyi njii mharami nayo. Wokya wulalu ngaindukya mkambo ya wandu ingi.” 7Kawuka-pfo kahenda ikaa kanyi ko mndu ewio rina lyake nyi Tito Yusto aowoye Ruwa, mba yake iweṟasanyi na sinagoge. 8Na Kirisipo mnene o sinagoge lilya kaidikya Mndumii wo na wa kanyi koke wose. Wakorinto weengi wakaaadanya idedo wakaidikya wakapatiso. 9Nao Mndumii kadeda na Paulo kui kiwonesyo kya kio kechimbia, “Ma kulawone kochiowuo, kya indi deda tupu ma ulatsie. 10Kyamba inyi njikeri na iyo. Ma kuipfo echikupaya na ikulisa wukiwopfo. Cha kipfa inyi njiwode wandu wai wako sa weengi kunu mṟinyi ifu.” 11Kakaa-pfo hando ha maka fumu na meri iṟandaṟu kawalosha idedo lya Ruwa. 12Nahong'u kiheri kilya Galio alewada wuchili wo kulya Akaya Wayuda walya walesangana kyekumba Paulo wakamduo mengenyi. 13Wehamba, “Mndu chu nyi awa mokuruo wandu kundu wawikye Ruwa wuindi njia ikapanyi na njowawaso tsadu.” 14Oweṟe Paulo arie itambaṟuo dumbu Galio kawia Wayuda walya, “Lanye Wayuda, kima kindo mokiende kiwei kya wukika ang'u wumbafu inyi njiwechimwadanya sumuhana na chile. 15Kya indi ili kyamba nyi mawesanao ha opfundo na marina na mawiko ha ipfo konu nyo muwenyi, ikyo kiringenyi muwenyi, inyi njilakundi iwa modumbwo mondu fo shindo shido.” 16Kawafuna alya mengenyi. 17Nawo wose wakarundukya Sostene mnene o sinagoge wakamkapa alya mengeny na Galio nalasaṟe ke ikyo nyi kindo kyawuto.
Paulo awuya na Antiokia
18 Paulo kaengeṟa ikaa-pfo mfiri ifoi kidima kasamana na wanawawama kahenda kyaṟo kya ngalawenyi kyahenda Siria. Na Prisikila na Akila wakaduana nao kekimaa yoda mdo foke kulya Kenkirea kyamba nyi awewode mbiana. 19Wakashika Efeso kawada-pfo. O amonyi kahenda sinagogenyi kadeda na Wayuda. 20Wakamterewa ke nakae-pfo kiheri kifoifoi nalakunde. 21Nyi alesamana nawo kehamba, “Ruwa kanjiwonya mwaanya njechiwuya na konu kyaṟo kingi.” 22Kekimaa iwuka Kaisaria kado kaiṟikiṟa siṟi iya kasokya Antiokia. 23Kikashika kekikaa-pfo kiheri kimu kawuka-pfo kaida sangenyi lya Galatia na Furigia mṟi kui mṟi kechikapa wa kiloshyonyi owanzo.
Apolo aonguo mbonyi Efeso na Korinto
24Kyasia mndu Myuda rina lyake ewio nyi Apolo amfeye Aleksandria kashika kulya Efeso ai mlaanyi molaya shindo shose awei na mbahanyi ipfo mṟehonyi. 25Mndu chu awei mloshe njia ya Mndumii, nao ili aakye adi mumuyonyi foke kahenda ideda na ilosha kui osaṟe mbonyi tsa Yesu. Nao nyi aweichi wupatiso wo Yohane tupu. 26Kawoka ideida ipfo sinagogeny ai na wuṟamtsu. Kukatana Akila na Prisikila wamwicho wakamduo kowo wakamwoṟowoyaoṟowoya njia ya Ruwa sungusihu lya wueṟa. 27Nao kekikunda yambada ipalyipalyi nahende Akaya wanawawama wakamdimisha wakamṟehya paruo ko walya wa kiloshyonyi yehamba ke wamwambye. Kekishikapfo kaikanya waidiki kawashitsa necha kui wutonga wu wurianyi nao. 28Kyamba nyi alewinza Wayuda na kamu na kamu oshangunyi lo wandu wose kechiwaloṟa kui madedo ha mṟeho ke Yesu nyio Kristo.
Paulo aonguo mbonyi kulya Efeso
Attualmente Selezionati:
MAWUTO HA WASU 18: KIM2
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Kimochi Bible © Bible Society of Tanzania, 2016.
