1 कुरुन्थियों 11
11
1जिय्यां मैं मसीह सांई जिन्दगी जिया करदा है, तिय्यां ही तुसा भी मेरे सांई जिन्दगी जियो।
अराधना ते कलीसिया तांइ अगुवाई
सिर ढकणे रे बारे सवाल
2मैं तुसा री तारिफ करदा की तुसा सब गल्लां बिच मेरे जो याद रखदे, ते जे शिक्षा मैं तुसा जो मनणे तांइ दित्ते री हिन तुसा तिसजो मनदे। 3पर मैं चाह्ंदा की तुसा ए जाणी लेयो की हर इक्क आदमी रा सिर मसीह यीशु ते जनानी रा सिर आदमी है कने मसीह यीशु रा सिर परमेश्वर। 4जे आदमी अराधना बिच सारेयां सामणे सिर ढकी करी प्रार्थना करदा ते परमेश्वर रा बसेख सुणांदा, से मसीह री महिमा जो ढकी दिंदा ते इय्यां करणे कने से मसीह बेजती करदा जे आदमी रा सिर हिन। 5पर जे जनानी सिर बगैर ढके प्रार्थना करदी या परमेश्वर रा बसेख सुणांदी से अपणे लाड़े री बेज़ती करदी जे तिसेरा सिर है। तां फिरी शर्मिंदा होणे रे मामले बिच तिस जनानी बिच ते कुसकी गंजी जनानी बिच कोई फरक नी है। 6जे जनानी सिर ढकणा ना चाह्ंदी हो, से अपणे बाल कटाई लै, जे जनानी इधेरे तांइ बाल कटाणा या गंजी नी होणा चाह्ंदी किजोकी शरम री गल्ल है तां से सिर ढ़के 7आदमी रा अपणा सिर ढकणा ठीक नी, किजोकी परमेश्वर ने आदमी जो अपणी स्वरूप बिच बणाए रा है ते तिसजो अपणे जदेया स्वभाव भी दित्ते रा है, ते इसी तरिक्के कने से परमेश्वर री महिमा जो दर्शांदा है, पर जनानी आदमी री महिमा जो दर्शांदी। 8किजोकी जां परमेश्वर ने पैल्ला मर्द ते पैल्ली जनानी बणाई, तां आदमी रे सरीर का जनानी जो बणाया ना की जनानी रे सरीर का आदमी जो। 9पर परमेश्वर ने जनानी जो मर्द री मदद तांइ बणाया ना कि मर्द जो जनानी री मदद तांइ। 10किजोकी स्वर्गदूत भी दिख्खेया करदे हिन इधेरे तांइ जनानियां जो अपणे सिर पर ओढ़णी रखणा चाएदी। 11प्रभु बिच असा री जिन्दगी अंदर जनानी आदमी का अलग नी है ते ना आदमी जनानी का अलग है। 12हालांकि जिय्यां कि सुरुआत बिच परमेश्वर ने आदमी का जनानी जो बणाया, तिय्यां ही अवे जनानियां मर्दां जो जन्म दिंदी, पर से दोन्नों परमेश्वर का ही पैदा होए रे हिन। 13अवे तुसा अप्पु ही सोच्चो कै जनानी रा बगैर सिर ढके रे परमेश्वर का प्रार्थना करणा गल्त है कि नी? 14आमतौर पर तुसा जाणदे की आदमी तांइ लम्बे बाल रखणा तिसेरे तांइ बेजती री गल्ल है। 15पर जनानियां तांइ लम्बे बाल रखणा ता तिन्हेरे शोभा री गल्ल है, किजोकी तिसजो लम्बे बाल तिन्हेरी ओढ़णी तांइ दित्ते गेरे हिन। तिय्यां ही तिन्हा जो अराधना बिच सारेयां सामणे अपणा सिर ढकणा चाएदा। 16पर जे अगर कोई सोचदा कि मैं जे बोल्लेया करदा है से गलत है तां से ए जाणी लै कि असी ते परमेश्वर री हर कलीसिया ए सारी चीजां मनदे।
प्रभु रे भोज रे बारे बिच
17मैं तुसा जो ए बोलणा चाह्ंदा कि इस मामले बिच मेरे जो तुसा री गल्ल पसंद नी आई किजोकी तुसा रे कठीणे कने फायदा नी पर सिर्फ नुक्सान ही हुंदा। 18किजोकी पैल्ले ता मैं ए सूणदा कि जां तुसा कलीसिया बिच अराधना करणे तांइ कठिदें तां तुसा बिच फूट पे री है, ते मैं मनदा कि इस गल्ल बिच थोडा़-मती सच्चाई भी है। 19हालांकि फूट री वजह कने तुसा बखरे होई गेरे हिन इधेरे तांइ जे मणू सच्चाई कने हिन से असानी कने पहचाणे जाणे। 20जां तुसा असा रे प्रभु यीशु मसीह री कुर्बानी जो चेत्ता करणे तांइ कठिदें तां तुसा जो इस गल्ल रा कोई लिहाज नी हुंदा कि तुसा किय्यां प्रभु-भोज खाणा चाएदा। 21किजोकी मेरे जो दस्सेया गे रा है कि प्रभु भोज खांदे बेल्ले इक्क जणा दूए मणू का पैल्ले ही अपणी रोट्टी खाई लिदां, ते इस तरिक्के कने कोई या ता भूख्खा रेई जांदा ते कोई जादा दाखरस पी करी मतवाल्ला होई जादां। 22तुसा अपणे घरे बिच भी खाई-पी सकदे। तुसा इय्यां समजदे कि परमेश्वर री कलीसिया री कोई अहमीयत नी है, ते तुसा कलीसिया रे गरीब लोक्कां जो शर्मिदां करदे। मैं तुसा जो कै बोल्लां? कै इस गल्ल तांइ मैं तुसा री तारिफ करां? ना! मैं इस गल्ल तांइ तुसा री तारिफ नी करदा। 23किजोकी जे शिक्षा मैं तुसा जो दिंदा से ओ ही शिक्षा है जे मेरे जो प्रभु का मिल्ले री है कि प्रभु यीशु जो जिस रात्ती पकड़वाया गेया, तिस रात तिन्हा ने रोट्टी लित्ती 24ते परमेश्वर रा शुक्रिया करी के तोड़ी ते बोल्लेया, “ए मेरा सरीर है जे तुसा तांइ है मेरी याद बिच इय्यां ही करेया करो।” 25जां से खाई बैठ्ठे तां तिन्हा ने से कटोरे बिच अंगूर रा रस्स भरी करी लेई आए, “ए कटोरा मेरे खून बिच इक्क नौई वाचा है, जां कदी भी पीयो तां मेरी याद बिच इय्यां ही करेया करो।” 26किजोकी जा कदी तुसा इस रोट्टी बिच का खादें या इस कटोरे बिच का अंगूर रा रस्स पिन्दे, जां तांइ प्रभु हटी ना आण तां तांइ तिन्हेरी कुर्बानी रा प्रचार करदे रेयो। 27इस तांइ जे कोई कुचज्जे ढंग कने प्रभु री रोट्टी खाए या तिन्हेरे कटोरे बिच का अंगूर रा रस्स पिए से प्रभु रे सरीर ते खून रा गुनेह्गार ठैहरणा। 28इस तांइ मणू जो अपणा बर्ताव परखी लैणा चाएदा ते इस तरिक्के कने इस रोट्टी बिच का खाए ते इसी कटोरे बिच का अंगूर रा रस्स पिए। 29किजोकी जे अगर कोई प्रभु रे सरीर जो आदरमान दित्ते बगैर प्रभु भोज बिच शामिल हुंदे, तां इय्यां करणे कने तुसा अप्पु पर परमेश्वर री सजा जो अणदे। 30इसी वजह कने तुसा बिच मते जणे सरीर का कमजोर हिन, बिमार हिन ते मते जणे मरी भी गे किजोकी ए तिन्हा पर परमेश्वर री सजा थी। 31जे अगर असी अपणा बर्ताव परखी लिदें तां असी इदेइ सजा नी पांदे। 32पर प्रभु असा जो सजा देई करी असा जो अनुशासित करदे ताकि आखरी बिच असा जो दुनिया कने गुनेह्गार ना ठैहराण। 33इस तांइ ओ मेरे संगी विश्वासियों, जां तुसा प्रभु भोज खाणे तांइ कठिंदे तां इक्क दूए रा इंतजार करेया करो। 34जे अगर कोई भूख्खा हो तां अपणे घरे ही खाई लेया करे जिस कने जां तुसा कठियो तां तुसा चज्ज कने बर्ताव करेया करो ते परमेश्वर तुसा जो सजा ना दैण। बाकि गल्लां जो मैं आई करी सुलझाई दिंगा। मते तरिक्के रे हिन।
Attualmente Selezionati:
1 कुरुन्थियों 11: CDHNT
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Chambeali Bible (चम्बयाळी बाइबिल) 2020 by The Love Fellowship is licensed under a Creative Commons Attribution-ShareAlike 4.0 International License.