Va le Roma 3
3
1Xini lexi a muJuda a hunzako vanwani ha xona ke? kutani i bhinzu muni hi ku enghena wukwera ke?
2Ina, va bhinzula hi matlhelo wontihe. Hi kusangula hilezi va nga yimiswa a kuva vahlayisi va timhaka ta Nungungulu. Deut. 4:7
3Hakuva zi na ni yini loku vanwani va vona va nga kholwangi ke? A kungakholwi kabye ku ta maha kutsumbeka ka Nungungulu ku nga tiri nchumu ke? Mitse. 23:19; 2 Tim. 2:13; Maheb. 4:2
4Kokwihi! Ngha Nungungulu a kumiwa na a lulamile, hambu loku vanhu vontlhe va kumiwa na va hi vahembi; kota lezi ku tsalilweko ku ngalo:
Kasi u fela ku kumeka na u lulamile timhakeni ta wena,
U hlula loku uya kulamulweni. Joba 40:8; Tis. 51:4; Joh. 3:33
5Kanilezi loku a kungalulami ka hina ku kombisa a nongameto ya Nungungulu, hi taku yini ke? Kasi Nungungulu a nga lulamangi loku a tsayisa hi zanga ke? (Nza wulawula kota vanhu.) Gal. 3:15
6Kokwihi! Hakuva loku zi hi nghaho Nungungulu i ta lamulisa kuyini misava ke? Joba 34:17
7Hakuva loku a wunwa ga mina gi wonekelisa a zinene za Nungungulu gi mu kulisa, hi yini nza ha lamulwako kota muonhi ke?
8Hikuyini hi nga wuliko hiku: A hi maheni kubiha kasi ku fela ku huma kusaseka? (kota lezi vanwani va hi hlevako vaku hi wula zona hina). A kukoniwa ka vakunghahi ku va ringene. Xip. 5:20
9Zo yini makunu ke? Hina vaJuda ha va hunza ke? Kokwihi! Hi sina hi wulile lezaku a vaJuda ni vaGreki hi wumbiri gabye va lahasi ka kuonha. Gal. 3:22
10Kota lezi ku tsalilweko ku ngalo:
A nga kona a lulamileko, ne hambu ni munwe; Tis. 14:1
11A nga kona loyi a zi pimako,
A nga kona loyi a lavako Nungungulu.
12Vontlhe va hambukile tlhelweni, vontlhe va mahile va nga nyawuliko;
A nga kona loyi a mahako kusaseka, ge hambu ni munwe.
13A nkolo wabye xilahla xi vululekileko;
Va khohlisa hi tirimi tabye;
A wuxungu ga tinyoka gi lomu nzeni ka milomu yabye. Tis. 5:9; 140:3
14A nomu wabye wu tele hi tinzhukano ni kubava. Tis. 10:7
15A mikonzo yabye yi na ni mazambo a kuya halata nkhata. Mav. 1:16
16A kuhahlulwa ni kukarateka zi le tindleleni tabye.
17A ndlela ya kurula a va yi tivi.
18A ku kona kuchava Nungungulu mahlweni yabye. Tis. 36:1
19Makunu ha zi tiva lezaku zontlhe lezi a nayo wu zi wulako, wa wula zona ka lava va nga lahasi ka nayo; lezaku kasi ku valiwa milomu yontlhe, ni misava yontlhe yiva ni nanzu mahlweni ka Nungungulu. Ezek. 16:63; Xip. 2:2
20Hakuva a ku na nyama yi ta nga hlayelwa kululama mahlweni kakwe hi mitiro ya nayo; hakuva a nayo wa tivisa hi kuonha. Efe. 2:8, 9; Xip. 7:7; Tis. 143:2; Gal. 2:16; 3:11
A kululama ku nga ka kukholwa.
21Kanilezi makunu ku wonekelisilwe a kululama ka Nungungulu a handle ka nayo, na ku kustumunyelwe hi nayo ni vaprofeti, Maheb. 11:4; 1 Ped. 1:10; 2 Ped. 1:1
22ku nga kululama ka Nungungulu ku tako hi kukholwa ka Jesu Kristu a ka vontlhe va kholwako. A ku na kuhambana, Xip. 4; Kol. 3:11
23hakuva vontlhe va onhile, va vumala a kuhatima ka Nungungulu. Gal. 3:22
24Na va nga hi na fanelo va hlayelwa kululama hi kota ya tipswalo takwe, hi kota ya kutirulwa loku ku nga ka Kristu Jesu; Mat. 20:23; Efe. 1:7; 2:8; Kol. 1:14; 1 Ped. 1:18, 19
25loyi Nungungulu a nga mu yimisa a kuva nzhiho hi nkhata wakwe, wu amukelwako hi kukholwa. Lezi zi kombisa a kululama ka Nungungulu, hakuva kuhuniseleni kakwe i wa tsikile a zionho zi nga mahiwa kale; Levi 18:15; 1 Joh. 4:10
26lezaku a kululama kakwe ku wonekeliswa xikhatini xa makunu, kasi a kumeka na a lulamile, ni lezaku a hlayela kululama loyi a kholwako ka Jesu.
27Makunu ku kwihi a kutikulisa ka hina ke? Ku susilwe! Ku susilwe hi nayo muni? Hi nayo wa mitiro ke? Ahihi, ku susilwe hi nayo wa kukholwa. 1 Kor. 1:29; Efe. 2:9
28Hakuva ha tiyisa lezaku munhu i hlayelwa kululama a handle ka mitiro ya nayo. Gal. 2:16; Tit. 3:5
29Xana Nungungulu i Nungungulu wa vaJuda voce ke? A hi Nungungulu wa vamatiko kambe ke? Ina, ngwa vamatiko kambe,
30kota lezi a nga Nungungulu munwe, loyi a ta nga hlayela kululama a zitshiva hi kota ya kukholwa, ni lavava makhuna hi kona kukholwa.
31Makunu hi fuvisa a nayo wu nga hi nchumu hi kukholwa ke? Kokwihi! ho tiyisa a nayo.
Attualmente Selezionati:
Va le Roma 3: TSC72
Evidenzia
Copia
Confronta
Condividi
Vuoi avere le tue evidenziazioni salvate su tutti i tuoi dispositivi?Iscriviti o accedi
Tshwa Bible © Bible Society in Mozambique, 1972, 2007.
