I Versetti Biblici più popolari da Va le Roma 3

Condividi

hakuva vontlhe va onhile, va vumala a kuhatima ka Nungungulu. Na va nga hi na fanelo va hlayelwa kululama hi kota ya tipswalo takwe, hi kota ya kutirulwa loku ku nga ka Kristu Jesu

ku nga kululama ka Nungungulu ku tako hi kukholwa ka Jesu Kristu a ka vontlhe va kholwako. A ku na kuhambana

loyi Nungungulu a nga mu yimisa a kuva nzhiho hi nkhata wakwe, wu amukelwako hi kukholwa. Lezi zi kombisa a kululama ka Nungungulu, hakuva kuhuniseleni kakwe i wa tsikile a zionho zi nga mahiwa kale; lezaku a kululama kakwe ku wonekeliswa xikhatini xa makunu, kasi a kumeka na a lulamile, ni lezaku a hlayela kululama loyi a kholwako ka Jesu.

Hakuva a ku na nyama yi ta nga hlayelwa kululama mahlweni kakwe hi mitiro ya nayo; hakuva a nayo wa tivisa hi kuonha.

Kota lezi ku tsalilweko ku ngalo: A nga kona a lulamileko, ne hambu ni munwe; A nga kona loyi a zi pimako, A nga kona loyi a lavako Nungungulu. Vontlhe va hambukile tlhelweni, vontlhe va mahile va nga nyawuliko; A nga kona loyi a mahako kusaseka, ge hambu ni munwe.

Hakuva ha tiyisa lezaku munhu i hlayelwa kululama a handle ka mitiro ya nayo.

Kokwihi! Ngha Nungungulu a kumiwa na a lulamile, hambu loku vanhu vontlhe va kumiwa na va hi vahembi; kota lezi ku tsalilweko ku ngalo: Kasi u fela ku kumeka na u lulamile timhakeni ta wena, U hlula loku uya kulamulweni.