Xo̱jo̱n Salmoo̱ 99
99
Jmíjín ingo xi xikoó Néná
1¡Néná boá xi tsꞌénbotixómá!
¡Ngatjatsié má ngayeje xota̱ na̱xi̱ńdaá!
Kuí boá xi botixómá ngi̱jii̱n keruu̱b.
¡Ngatjatsié ngayeje tꞌanangii̱!
2Néná achichí ngaꞌniú xí tjiín ki̱a̱ na̱xi̱ńdáꞌniú Sioo̱n,
kó ngayeje nangi xi tjiín tsꞌéntsjaà Kui.
3Ngayeje xotaa̱ xi ngatsꞌèntsjaà Jaꞌén jèe̱, ko̱jo Jaꞌén xí yandikóo̱n.
¡Tsjie boá Néná!
4Ngaꞌniú xí tjiín Ree̱, ki̱a̱ yaꞌanii̱ kjo̱a̱kixi̱i̱.
Jí boá xi ikꞌíjñí Ji ni xi ngo ndséje̱e̱n,
Jí boá xi kjo̱a̱kixi̱i̱ kiniꞌínkjìn Jí,
kjiꞌanga akatíjée̱ xota̱ tji̱e̱e̱ Jakoo̱b.
5Ti̱ꞌantsjàjnúu̱ Néná.
Kó ki̱a̱ tindyiájnú tikónjnú ngindie se Kui.
¡Tsjie boá Néná!
6Moisee̱ ko̱jo Aaroo̱n boá xi kamá chináꞌmii̱,
kó ko̱jo Samuee̱ boá xi katsꞌénkaxoma Jaꞌeén,
kó kui jaá, tsíchji̱a̱a̱ Néná, kó Néná katsꞌénseén.
7Néná ngi̱jii̱n ngo ṉdi̱ xi ja̱kjiꞌi yásé má kjiꞌi tsíchji̱a̱joni,
kó kui jaá, katsꞌénkjatjosón ni xi katsó Néná,
ko̱jo ni xi kjitꞌa kjo̱a̱botíxoma xi katsjaá.
8Ji Ne, Ji xi Nejne̱, Jí má bo̱a̱ xi kiniꞌínsée̱n,
kó Jí boá xi ngo Ne xi tsꞌénjétakón kamá Ji kjo̱a̱a̱ kui xotaa̱,
ta̱nga ti̱ akatíjéríi̱ kjo̱a̱a̱ jé xí katsꞌén nga.
9Ti̱ꞌantsjàjnúu̱ Néná.
Kó ki̱a̱ tindyiájnú tikónjnú ki̱a̱ xtji̱e̱e̱n nínga tikón na̱xi̱ ndikoón,
ngatꞌa̱ tsjie boá Néná.
Attualmente Selezionati:
Xo̱jo̱n Salmoo̱ 99: MAIX
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014