Xo̱jo̱n Salmoo̱ 98
98
Kixi̱ boá Néná
Só
1Ndàjnúu̱ Néná ngo só tja̱tsi̱e̱.
Ngatꞌa̱ Kuí boá xi achichí ni xi fíndikónná xi je katsꞌén,
kó tjia xi tsjiee̱, ko̱jo xi tjiín ngaꞌniuú katsꞌénkjién nga katsꞌeén kondraa̱.
2Néná jè akó kjo̱a̱ꞌnaxiéꞌaá, ko̱jo jè akó kjo̱a̱kixi̱i̱,
ngindyi̱ko̱n ngayeje xota̱ na̱xi̱ńdaá.
3Néná jaꞌátsjiee̱n kjo̱a̱ni̱ma̱takoón ko̱jo kjo̱a̱ꞌniátakoón
kjo̱a̱a̱ xota̱ na̱xi̱ńdá Israee̱l.
¡Ngaskande ngi̱ndie nínga ꞌniú kjin xi tjín tꞌanangii̱,
xi je kamábe nga Néná boá xi ꞌboxiéꞌáná!
4¡ꞌNiú chaꞌayàjnú nga tsjakꞌuiéjnú nga ko̱ndókjo̱a̱jnú,
kjo̱a̱a̱ Néná ngayeje nga̱sondiee̱!
¡ꞌNiú ti̱ꞌantsjàjnúu̱, ko̱jo ndàjnúu̱ salmo̱!
5Ndàjnúu̱ salmo̱ Néná nga si̱ꞌankjaniéjnú arpa̱,
jo̱o̱n, arpa̱ ko̱jo salterio̱ ti̱ꞌankjaniéjnú.
6Ti̱ꞌankjiénjnú tjioo̱ ko̱jo ndi̱ja̱a̱ cho̱tsa̱nga̱a̱.
¡Takójnú kjo̱a̱tsjajnú ngindyi̱ko̱n Néná kui xi Rená!
7¡Nijan ngatsꞌèntsjà Néná ndáchíkoón ko̱jo ngayeje ni xi tjiín,
ko̱jo nga̱sondiee̱ ko̱jo kui xi ki̱a̱ síndoo̱!
8¡Xikoó tsi ngatsꞌéntsen tsja ndejeèꞌ,
kó xikoó tsi ta̱ ngo ngatsꞌen yojoo̱ nga tsjatsꞌèn nga sie
ngayeje na̱xi̱i̱ ngindyi̱ko̱n Néná!
9Ngatꞌa̱ Néná ndibákatíjeé kui tꞌanangii̱,
kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱,
kó ndse̱je̱n tsꞌén ko̱tíjeé ngayeje xota̱ na̱xi̱ńdaá.
Attualmente Selezionati:
Xo̱jo̱n Salmoo̱ 98: MAIX
Evidenzia
Condividi
Confronta
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014