Kaulauxais 3
3
1Nej twb nrog Khetos sawv hauv qhovtuag rovqab los lawm, yogli ntawd, nej yuavtsum muab siab rau nrhiav tej uas nyob saum ntuj ceebtsheej, uas yog qhov chaw uas Khetos nyob saum lub zwmtxwv ntawm Vajtswv sab xis. #Nnkauj 110:1 2Nej yuavtsum muab siab npuab rau tej uas nyob saum ntuj ceebtsheej, tsis yog yuav muab siab npuab rau tej uas nyob hauv ntiajteb no. 3Rauqhov nej twb tuag lawm, thiab nej txojsia twb muab zais nrog Khetos nyob rau hauv Vajtswv lawm. 4Khetos yog nej txojsia, thaum Nws rov los nej yuav nrog Nws uake los thiab nrog Nws tau koobmeej ib yam nkaus.
Lub Neej Qub Thiab Lub Neej Tshiab
5Yogli ntawd, ciali muab tej uas ua rau nej lub siab ntshaw ntawm sab nqaijtawv tua kom tuag mus, xwsli: kev nkauj kev nraug, kev ua phem ua qias, kev nyiag nyiam lwmtus, lub siab uas ntshaw ua yam phem, thiab ntshaw luag tug (kev ntshaw luag tug ces zoo ib yam li kev pe dab pe mlom). 6Vim yog muaj tej no ntag lau, Vajtswv thiajli npautaws rau cov neeg uas tsis mloog Nws lus.#3:6: Tej phau ntawv qub uas xuas tes sau, tsis muaj rau cov neeg uas tsis mloog Nws lus. 7Yav tas los nej yeej ua nej lub neej raws nraim li tej kev ntshaw ntawd, rauqhov tej kev ntshaw ntawd tseem tswj nrees nej lub neej.
8Tiamsis nimno nej yuavtsum muab tej no tso povtseg: kev npautaws, kev uanruj uatsiv, kev sibntxub, kev haislus saib tsis taus lwmtus, thiab tej lus tsiv mloog uas tawm hauv nej lub qhovncauj los. 9Nej ib leeg tsis txhob dag ib leeg, rauqhov nej twb muab lub neej qub thiab tej kev phem uas nej ibtxwm ua ntawd tso povtseg #Efex 4:22 10thiab nej twb muaj lub neej tshiab lawm. Lub neej ntawd yog Vajtswv tus uas tsim nej niajhnub muab nej hloov kom nej paub Nws thiab muaj tus hwvxyeej zooli Nws. #Efex 4:24; Chiv 1:26 11Thaum zooli no lawm, yuav tsis muaj qhov uas hais tias, cov no yog neeg Kilis, cov no yog neeg Yudais, cov no yog cov uas ua kevcai txiav thiab cov no yog cov uas tsis ua kevcai txiav, cov no yog neeg txawv teb txawv chaw, cov no yog neeg qus, cov no yog cov ua qhev thiab cov no yog cov uas tsis ua qhev, rauqhov Khetos yog txhua yam thiab Nws nyob rau hauv txhua tus.
12Nej yog Vajtswv haivneeg; Vajtswv hlub nej thiab tau xaiv nej los ua Nws tug lawm, yogli ntawd, nej yuavtsum muaj txoj kev tabncuab lwmtus, muaj lub siabdawb siabzoo, txo hwjchim, muaj lub siab mosmuag, thiab muaj lub siabntev. #Efex 4:2 13Ib leeg yuavtsum ua siabntev rau ib leeg thiab thaum twg uas nej ib leeg tau ua txhaum rau ib leeg lawm, nej yuavtsum sib zamtxim. Nej yuavtsum zamtxim ib yam nkaus li Vajtswv tau zamtxim rau nej lawm. #Efex 4:32 14Qhov uas tseemceeb dua tej ntawd huv tibsi yog nej ib leeg yuavtsum hlub ib leeg tiag-tiag. Qhov kev hlub ntawd thiajli yog qhov uas yuav qaws tau txhua yam los nyob koomxeeb tau uake.
15Qhov uas Khetos hu nej los koom ua ib lub cev twb yog Nws xav kom nej muaj kev kajsiab ntag. Yogli ntawd, nej yuavtsum cia Yexus Khetos txoj kev kajsiab ntawd ua qhov uas tswj nej lub siab. Nej ciali ua Vajtswv tsaug. 16Cia Yexus Khetos tej lus nyob puvnpo rau hauv nej lub siab. Nej ib leeg yuavtsum ua tibzoo qhia thiab qhuabntuas ib leeg los ntawm txhua yam tswvyim. Nej ciali siv Daviv tej nkauj, tej nkauj qhuas Vajtswv, thiab tej nkauj uas hais txog kev ntseeg; nej ciali hunkauj qhuas Vajtswv thiab ua nws tsaug hauv nej lub siab. 17Yogli ntawd, txhua yam uas nej ua lossis nej hais, yuavtsum yog ua nyob rau hauv tus Tswv Yexus lub npe, thiab ciali ua Vajtswv uas yog peb Leejtxiv tsaug los ntawm Yexus lub npe. #Efex 5:19-20
Kev Sib Raugzoo Ntawm Tus Ntseeg Uas Muaj Lub Neej Tshiab
18Nej cov uas yog pojniam, nyias yuavtsum mloog nyias tus txiv lus, vim qhov ntawd yog yam uas tsimnyog cov ntseeg Yexus yuavtsum tau ua. #Efex 5:22; 1Pet 3:1
19Nej cov uas yog txiv, nyias yuavtsum hlub nyias tus pojniam thiab tsis txhob ua limhiam rau nws. #Efex 5:25; 1Pet 3:7
20Nej cov uas yog menyuam, vim nej yog cov ntseeg Yexus Khetos lawm, yeej yog nej lub luag haujlwm uas nej yuavtsum mloog nej niam nej txiv lus, rauqhov qhov ntawd yog ib yam uas haum Vajtswv siab. #Efex 6:1
21Nej cov uas yog leejtxiv, nej tsis txhob lam tau lam ua rau nej cov menyuam chim, nyobtsam lawv yuav qaugzog. #Efex 6:4
22Nej cov uas yog tubqhe, nej yuavtsum mloog nej cov tswv uas yog neeg nqaijtawv lus txhua lo, tsis txhob yog thaum lawv ntsiantsoov nej xwb vim nej xav kom lawv qhuas nej; tiamsis nej yuavtsum ua nej tes haujlwm los ntawm lub siab ncajncees vim qhov uas nej hwm tus Tswv. #Efex 6:5-8 23Txhua yam uas nej ua, kavtsij rausiab ntso ua ib yam li nej ua rau tus Tswv, tsis yog ua rau tibneeg. 24Ncontsoov tias tus Tswv yuav muab tej nqizog uas Nws twb khaws cia rau Nws haivneeg lawm. Rauqhov Khetos yog tus Tswv uas nej ua haujlwm rau. 25Txhua tus uas ua phem yeej yuav tau txais rawsli tej uas nws ua phem ntawd, rauqhov Vajtswv yuav txiavtxim tsis xaiv leejtwg ntsejmuag kiag li. #2Kev 10:17; Efex 6:9
Attualmente Selezionati:
Kaulauxais 3: MWW2022
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.
Kaulauxais 3
3
1Nej twb nrog Khetos sawv hauv qhovtuag rovqab los lawm, yogli ntawd, nej yuavtsum muab siab rau nrhiav tej uas nyob saum ntuj ceebtsheej, uas yog qhov chaw uas Khetos nyob saum lub zwmtxwv ntawm Vajtswv sab xis. #Nnkauj 110:1 2Nej yuavtsum muab siab npuab rau tej uas nyob saum ntuj ceebtsheej, tsis yog yuav muab siab npuab rau tej uas nyob hauv ntiajteb no. 3Rauqhov nej twb tuag lawm, thiab nej txojsia twb muab zais nrog Khetos nyob rau hauv Vajtswv lawm. 4Khetos yog nej txojsia, thaum Nws rov los nej yuav nrog Nws uake los thiab nrog Nws tau koobmeej ib yam nkaus.
Lub Neej Qub Thiab Lub Neej Tshiab
5Yogli ntawd, ciali muab tej uas ua rau nej lub siab ntshaw ntawm sab nqaijtawv tua kom tuag mus, xwsli: kev nkauj kev nraug, kev ua phem ua qias, kev nyiag nyiam lwmtus, lub siab uas ntshaw ua yam phem, thiab ntshaw luag tug (kev ntshaw luag tug ces zoo ib yam li kev pe dab pe mlom). 6Vim yog muaj tej no ntag lau, Vajtswv thiajli npautaws rau cov neeg uas tsis mloog Nws lus.#3:6: Tej phau ntawv qub uas xuas tes sau, tsis muaj rau cov neeg uas tsis mloog Nws lus. 7Yav tas los nej yeej ua nej lub neej raws nraim li tej kev ntshaw ntawd, rauqhov tej kev ntshaw ntawd tseem tswj nrees nej lub neej.
8Tiamsis nimno nej yuavtsum muab tej no tso povtseg: kev npautaws, kev uanruj uatsiv, kev sibntxub, kev haislus saib tsis taus lwmtus, thiab tej lus tsiv mloog uas tawm hauv nej lub qhovncauj los. 9Nej ib leeg tsis txhob dag ib leeg, rauqhov nej twb muab lub neej qub thiab tej kev phem uas nej ibtxwm ua ntawd tso povtseg #Efex 4:22 10thiab nej twb muaj lub neej tshiab lawm. Lub neej ntawd yog Vajtswv tus uas tsim nej niajhnub muab nej hloov kom nej paub Nws thiab muaj tus hwvxyeej zooli Nws. #Efex 4:24; Chiv 1:26 11Thaum zooli no lawm, yuav tsis muaj qhov uas hais tias, cov no yog neeg Kilis, cov no yog neeg Yudais, cov no yog cov uas ua kevcai txiav thiab cov no yog cov uas tsis ua kevcai txiav, cov no yog neeg txawv teb txawv chaw, cov no yog neeg qus, cov no yog cov ua qhev thiab cov no yog cov uas tsis ua qhev, rauqhov Khetos yog txhua yam thiab Nws nyob rau hauv txhua tus.
12Nej yog Vajtswv haivneeg; Vajtswv hlub nej thiab tau xaiv nej los ua Nws tug lawm, yogli ntawd, nej yuavtsum muaj txoj kev tabncuab lwmtus, muaj lub siabdawb siabzoo, txo hwjchim, muaj lub siab mosmuag, thiab muaj lub siabntev. #Efex 4:2 13Ib leeg yuavtsum ua siabntev rau ib leeg thiab thaum twg uas nej ib leeg tau ua txhaum rau ib leeg lawm, nej yuavtsum sib zamtxim. Nej yuavtsum zamtxim ib yam nkaus li Vajtswv tau zamtxim rau nej lawm. #Efex 4:32 14Qhov uas tseemceeb dua tej ntawd huv tibsi yog nej ib leeg yuavtsum hlub ib leeg tiag-tiag. Qhov kev hlub ntawd thiajli yog qhov uas yuav qaws tau txhua yam los nyob koomxeeb tau uake.
15Qhov uas Khetos hu nej los koom ua ib lub cev twb yog Nws xav kom nej muaj kev kajsiab ntag. Yogli ntawd, nej yuavtsum cia Yexus Khetos txoj kev kajsiab ntawd ua qhov uas tswj nej lub siab. Nej ciali ua Vajtswv tsaug. 16Cia Yexus Khetos tej lus nyob puvnpo rau hauv nej lub siab. Nej ib leeg yuavtsum ua tibzoo qhia thiab qhuabntuas ib leeg los ntawm txhua yam tswvyim. Nej ciali siv Daviv tej nkauj, tej nkauj qhuas Vajtswv, thiab tej nkauj uas hais txog kev ntseeg; nej ciali hunkauj qhuas Vajtswv thiab ua nws tsaug hauv nej lub siab. 17Yogli ntawd, txhua yam uas nej ua lossis nej hais, yuavtsum yog ua nyob rau hauv tus Tswv Yexus lub npe, thiab ciali ua Vajtswv uas yog peb Leejtxiv tsaug los ntawm Yexus lub npe. #Efex 5:19-20
Kev Sib Raugzoo Ntawm Tus Ntseeg Uas Muaj Lub Neej Tshiab
18Nej cov uas yog pojniam, nyias yuavtsum mloog nyias tus txiv lus, vim qhov ntawd yog yam uas tsimnyog cov ntseeg Yexus yuavtsum tau ua. #Efex 5:22; 1Pet 3:1
19Nej cov uas yog txiv, nyias yuavtsum hlub nyias tus pojniam thiab tsis txhob ua limhiam rau nws. #Efex 5:25; 1Pet 3:7
20Nej cov uas yog menyuam, vim nej yog cov ntseeg Yexus Khetos lawm, yeej yog nej lub luag haujlwm uas nej yuavtsum mloog nej niam nej txiv lus, rauqhov qhov ntawd yog ib yam uas haum Vajtswv siab. #Efex 6:1
21Nej cov uas yog leejtxiv, nej tsis txhob lam tau lam ua rau nej cov menyuam chim, nyobtsam lawv yuav qaugzog. #Efex 6:4
22Nej cov uas yog tubqhe, nej yuavtsum mloog nej cov tswv uas yog neeg nqaijtawv lus txhua lo, tsis txhob yog thaum lawv ntsiantsoov nej xwb vim nej xav kom lawv qhuas nej; tiamsis nej yuavtsum ua nej tes haujlwm los ntawm lub siab ncajncees vim qhov uas nej hwm tus Tswv. #Efex 6:5-8 23Txhua yam uas nej ua, kavtsij rausiab ntso ua ib yam li nej ua rau tus Tswv, tsis yog ua rau tibneeg. 24Ncontsoov tias tus Tswv yuav muab tej nqizog uas Nws twb khaws cia rau Nws haivneeg lawm. Rauqhov Khetos yog tus Tswv uas nej ua haujlwm rau. 25Txhua tus uas ua phem yeej yuav tau txais rawsli tej uas nws ua phem ntawd, rauqhov Vajtswv yuav txiavtxim tsis xaiv leejtwg ntsejmuag kiag li. #2Kev 10:17; Efex 6:9
Attualmente Selezionati:
:
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.