Kaulauxais 2
2
1Kuv xav kom nej paub tias kuv ua haujlwm khwv npaum licas pab nej thiab pab rau cov ntseeg uas nyob hauv lub nroog Laudikeyas, thiab rau cov neeg uas twb tsis tau pom dua kuv. 2Qhov uas kuv ua li no yog kuv xav txhawb kom lawv ua tau lub siab ruaj-khov thiab muaj kev koomxeeb nyob rau hauv txoj kev hlub, kom lawv thiaj yuav puvnpo txoj kev thoobtsib tonrog. Qhov no thiaj yuav ua rau lawv paub txog zaj uas yav tas los Vajtswv tau muab zais cia tsis pub leejtwg paub, zaj ntawd yog Khetos ntag.#2:2: zaj uas yav tas los Vajtswv tau muab zais cia tsis pub leejtwg paub, zaj ntawd yog Khetos ntag; tej phau ntawv qub uas xuas tes sau, muaj zaj uas Vajtswv muab zais cia lawm; dua lwm phau hais tias zaj uas Vajtswv uas yog Khetos Leejtxiv muab zais cia lawm; dua lwm phau ho hais tias zaj uas Vajtswv thiab Vaj Leejtxiv, thiab Khetos tau muab zais cia lawm. 3Yexus Khetos yog tus yuamsij uas qhib Vajtswv lub txhab tswvyim thiab kev txawjntse uas Vajtswv muab zais cia lawm.
4Kuv qhia rau nej hais tias, tsis txhob cia leejtwg tuaj haub-ntxias tau nej los ntawm lawv tej lus dag uas zoo mloog thiab txaus ntseeg. 5Txawm yog kuv nyob deb nej los kuv lub siab yeej nrognraim nej nyob, thiab kuv zoosiab kawg li, vim kuv pom tias nej sawvdaws koom tau ib lub siab thiab nej txoj kev ntseeg nyob ruaj-khov rau hauv Yexus Khetos.
Lub Neej Puvnpo Uas Nyob Hauv Khetos
6Vim nej twb txais yuav Yexus Khetos los ua nej tus Tswv lawm, nej yuavtsum rausiab ntso ua nej lub neej kom phim qhov uas nej nrog Nws koom ib txojsia. 7Yeejmeem cog nej cov cag kom tob rau hauv Nws, ua nej lub neej rau saum Nws, muab siab rau ntseeg kom ruaj-khov rawsli tej uas nej twb kawm los lawm, thiab puvnpo txoj kev ua Vajtswv tsaug.
8Nej yuavtsum ua tibzoo saib, tsis txhob cia leejtwg ntxias tau nej poob mus ua qhev los ntawm tej zaj uas tsis muaj hauvpaus hauvntsis thiab tej lus dag uas yog neeg tej kev txawjntse. Tej zaj ntawd yog los ntawm tej uas neeg ibtxwm qhia ib tiam dhau ib tiam los, thiab yog los ntawm tej kevcai uas kav lub ntiajteb no xwb, tsis yog los ntawm Yexus Khetos los. 9Rauqhov Vajtswv tus yamntxwv yeej muaj nyob tagnrho rau hauv Khetos uas tau los yug ua neeg, 10thiab Vajtswv twb pub rau nej los muaj lub neej puvnpo koomxeeb nrog Yexus Khetos lawm. Yexus Khetos yog tus uas muaj hwjchim loj dua txhua yam ntsujplig uas kav saum nruabntug thiab hauv ntiajteb no huvsi.
11Qhov uas nej nrog Khetos koomxeeb, ces twb yog nej ua kevcai txiav lawm; tsis yog neeg ob txhais tes ua, tiamsis yog Khetos ua rau nej, los ntawm qhov uas Nws tau tso nej dim ntawm lub neej qub uas pheej nyiam coj nej mus ua kev txhaum, qhov ntawd twb yog Nws muab nej ua kevcai txiav ntag. 12Thaum nej ua kevcai rausdej, yog nej raug muab faus uake nrog Khetos, thiab qhov uas Vajtswv tau tsa nej nrog Khetos sawv rovqab los lawm, twb yog vim nej ntseeg Vajtswv lub hwjchim uas tsa tau Yexus sawv hauv qhovtuag rovqab los. #Loos 6:4
13Yav tas los, nej sab ntsujplig twb tuag lawm vim nej ua txhaum thiab vim nej yog Lwm Haivneeg uas yeej tsis muaj txoj Kevcai kav. Tiamsis nimno Vajtswv twb coj nej los nrog Khetos koom ib txojsia lawm. Vajtswv twb zam peb lub txim huv tibsi; #Efex 2:1-5 14Nws twb muab tej ntaub ntawv uas peb tshuav nqi nrog rau tej kevcai nruj uas kav peb dua tag huvsi thiab Nws twb muab tej ntawd ntsia rau saum ntoo khaublig lawm. #Efex 2:15 15Nyob rau saum tus ntoo khaublig ntawd, Khetos kovyeej tej hwjchim uas kav saum nruabntug thiab hauv ntiajteb no huvsi;#2:15: Khetos kovyeej tej hwjchim uas kav saum nruabntug thiab hauv ntiajteb no huvsi; lossis Khetos rhuav cov uas kav saum nruabntug thiab hauv ntiajteb no tej hwjchim huvsi. Nws rhuav lawv ntsejmuag thiab ua lawv ntej muab lawv cab raws Nws qab ua tsheej npoj qhia kom sawvdaws pom tias Nws yog tus uas kovyeej lawv lawm.
16Yogli ntawd, tsis txhob cia leejtwg thuam nej txog kev noj kev haus, lossis hnub twg thiaj yog hnub dawbhuv, lossis ua koobtsheej nco txog hnub hli xiab, lossis hnub Xanpataus. #Loos 14:1-6 17Txhua yam ntawd tsuas yog ib tug duab ntxoovntxoo uas qhia txog tej uas yuav muaj tshwm los rau yav tomntej xwb, qhov tseeb tiag-tiag ces yog Khetos. 18Tsis txhob pub ib tug twg uas khav hais tias nws zoo dua txhua tus rhuav nej, vim nws pheej khav hais tias nws ua yogtoog pom yam no yam ub, nws uatxuj ua li uas nws txo hwjchim heev, thiab nws hais tias nws pehawm cov timtswv ceebtsheej. Tej ntawd yeej tsis muaj qabhau dabtsi li, nws lam khav qhuav rawsli nws xav xwb. 19Nws yeej tsis txuas rau ntawm Khetos uas yog cov ntseeg lub taubhau. Khetos yog tus uas tswjhwm lub cev, Nws yog tus ntxiv roj ntxiv ntshav rau lub cev, muab tej qibtxha los sibdhos thiab tej leeg los tuav lub cev, ua rau lub cev txawj lojhlob rawsli Vajtswv lub siab nyiam. #Efex 4:16
Ciaj Thiab Tuag Nrog Khetos
20Nej twb nrog Khetos tuag thiab nej twb dim ntawm tej ntsujplig uas ibtxwm kav lub ntiajteb no lawm. Ua licas nej tseem ua nej lub neej ib yam li neeg ntiajteb ua thiab? Ua licas nej tseem coj tej kevcai uas qhia hais tias 21“Tsis txhob tuav, Tsis txhob saj, Tsis txhob kov”? 22Txhua yam no puavleej tsis muaj qabhau yog thaum peb muab siv ib zaug lawm, vim tias tej ntawd tsuas yog neeg tej kevcai thiab kev qhia xwb. 23Tseeb tiag, tej kevcai uas lawv qhia txog kev pehawm cov timtswv ceebtsheej, tej uas lawv uatxuj txo hwjchim, thiab tej uas lawv qhia kom yus yuavtsum tsimtxom yus lub cev, sawvdaws saib kuj yog zoo tswvyim kawg li, tiamsis tej ntawd yeej pab tsis tau kom neeg tswj tau neeg lub siab uas nyiam ua kev phem.
Attualmente Selezionati:
Kaulauxais 2: MWW2022
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.
Kaulauxais 2
2
1Kuv xav kom nej paub tias kuv ua haujlwm khwv npaum licas pab nej thiab pab rau cov ntseeg uas nyob hauv lub nroog Laudikeyas, thiab rau cov neeg uas twb tsis tau pom dua kuv. 2Qhov uas kuv ua li no yog kuv xav txhawb kom lawv ua tau lub siab ruaj-khov thiab muaj kev koomxeeb nyob rau hauv txoj kev hlub, kom lawv thiaj yuav puvnpo txoj kev thoobtsib tonrog. Qhov no thiaj yuav ua rau lawv paub txog zaj uas yav tas los Vajtswv tau muab zais cia tsis pub leejtwg paub, zaj ntawd yog Khetos ntag.#2:2: zaj uas yav tas los Vajtswv tau muab zais cia tsis pub leejtwg paub, zaj ntawd yog Khetos ntag; tej phau ntawv qub uas xuas tes sau, muaj zaj uas Vajtswv muab zais cia lawm; dua lwm phau hais tias zaj uas Vajtswv uas yog Khetos Leejtxiv muab zais cia lawm; dua lwm phau ho hais tias zaj uas Vajtswv thiab Vaj Leejtxiv, thiab Khetos tau muab zais cia lawm. 3Yexus Khetos yog tus yuamsij uas qhib Vajtswv lub txhab tswvyim thiab kev txawjntse uas Vajtswv muab zais cia lawm.
4Kuv qhia rau nej hais tias, tsis txhob cia leejtwg tuaj haub-ntxias tau nej los ntawm lawv tej lus dag uas zoo mloog thiab txaus ntseeg. 5Txawm yog kuv nyob deb nej los kuv lub siab yeej nrognraim nej nyob, thiab kuv zoosiab kawg li, vim kuv pom tias nej sawvdaws koom tau ib lub siab thiab nej txoj kev ntseeg nyob ruaj-khov rau hauv Yexus Khetos.
Lub Neej Puvnpo Uas Nyob Hauv Khetos
6Vim nej twb txais yuav Yexus Khetos los ua nej tus Tswv lawm, nej yuavtsum rausiab ntso ua nej lub neej kom phim qhov uas nej nrog Nws koom ib txojsia. 7Yeejmeem cog nej cov cag kom tob rau hauv Nws, ua nej lub neej rau saum Nws, muab siab rau ntseeg kom ruaj-khov rawsli tej uas nej twb kawm los lawm, thiab puvnpo txoj kev ua Vajtswv tsaug.
8Nej yuavtsum ua tibzoo saib, tsis txhob cia leejtwg ntxias tau nej poob mus ua qhev los ntawm tej zaj uas tsis muaj hauvpaus hauvntsis thiab tej lus dag uas yog neeg tej kev txawjntse. Tej zaj ntawd yog los ntawm tej uas neeg ibtxwm qhia ib tiam dhau ib tiam los, thiab yog los ntawm tej kevcai uas kav lub ntiajteb no xwb, tsis yog los ntawm Yexus Khetos los. 9Rauqhov Vajtswv tus yamntxwv yeej muaj nyob tagnrho rau hauv Khetos uas tau los yug ua neeg, 10thiab Vajtswv twb pub rau nej los muaj lub neej puvnpo koomxeeb nrog Yexus Khetos lawm. Yexus Khetos yog tus uas muaj hwjchim loj dua txhua yam ntsujplig uas kav saum nruabntug thiab hauv ntiajteb no huvsi.
11Qhov uas nej nrog Khetos koomxeeb, ces twb yog nej ua kevcai txiav lawm; tsis yog neeg ob txhais tes ua, tiamsis yog Khetos ua rau nej, los ntawm qhov uas Nws tau tso nej dim ntawm lub neej qub uas pheej nyiam coj nej mus ua kev txhaum, qhov ntawd twb yog Nws muab nej ua kevcai txiav ntag. 12Thaum nej ua kevcai rausdej, yog nej raug muab faus uake nrog Khetos, thiab qhov uas Vajtswv tau tsa nej nrog Khetos sawv rovqab los lawm, twb yog vim nej ntseeg Vajtswv lub hwjchim uas tsa tau Yexus sawv hauv qhovtuag rovqab los. #Loos 6:4
13Yav tas los, nej sab ntsujplig twb tuag lawm vim nej ua txhaum thiab vim nej yog Lwm Haivneeg uas yeej tsis muaj txoj Kevcai kav. Tiamsis nimno Vajtswv twb coj nej los nrog Khetos koom ib txojsia lawm. Vajtswv twb zam peb lub txim huv tibsi; #Efex 2:1-5 14Nws twb muab tej ntaub ntawv uas peb tshuav nqi nrog rau tej kevcai nruj uas kav peb dua tag huvsi thiab Nws twb muab tej ntawd ntsia rau saum ntoo khaublig lawm. #Efex 2:15 15Nyob rau saum tus ntoo khaublig ntawd, Khetos kovyeej tej hwjchim uas kav saum nruabntug thiab hauv ntiajteb no huvsi;#2:15: Khetos kovyeej tej hwjchim uas kav saum nruabntug thiab hauv ntiajteb no huvsi; lossis Khetos rhuav cov uas kav saum nruabntug thiab hauv ntiajteb no tej hwjchim huvsi. Nws rhuav lawv ntsejmuag thiab ua lawv ntej muab lawv cab raws Nws qab ua tsheej npoj qhia kom sawvdaws pom tias Nws yog tus uas kovyeej lawv lawm.
16Yogli ntawd, tsis txhob cia leejtwg thuam nej txog kev noj kev haus, lossis hnub twg thiaj yog hnub dawbhuv, lossis ua koobtsheej nco txog hnub hli xiab, lossis hnub Xanpataus. #Loos 14:1-6 17Txhua yam ntawd tsuas yog ib tug duab ntxoovntxoo uas qhia txog tej uas yuav muaj tshwm los rau yav tomntej xwb, qhov tseeb tiag-tiag ces yog Khetos. 18Tsis txhob pub ib tug twg uas khav hais tias nws zoo dua txhua tus rhuav nej, vim nws pheej khav hais tias nws ua yogtoog pom yam no yam ub, nws uatxuj ua li uas nws txo hwjchim heev, thiab nws hais tias nws pehawm cov timtswv ceebtsheej. Tej ntawd yeej tsis muaj qabhau dabtsi li, nws lam khav qhuav rawsli nws xav xwb. 19Nws yeej tsis txuas rau ntawm Khetos uas yog cov ntseeg lub taubhau. Khetos yog tus uas tswjhwm lub cev, Nws yog tus ntxiv roj ntxiv ntshav rau lub cev, muab tej qibtxha los sibdhos thiab tej leeg los tuav lub cev, ua rau lub cev txawj lojhlob rawsli Vajtswv lub siab nyiam. #Efex 4:16
Ciaj Thiab Tuag Nrog Khetos
20Nej twb nrog Khetos tuag thiab nej twb dim ntawm tej ntsujplig uas ibtxwm kav lub ntiajteb no lawm. Ua licas nej tseem ua nej lub neej ib yam li neeg ntiajteb ua thiab? Ua licas nej tseem coj tej kevcai uas qhia hais tias 21“Tsis txhob tuav, Tsis txhob saj, Tsis txhob kov”? 22Txhua yam no puavleej tsis muaj qabhau yog thaum peb muab siv ib zaug lawm, vim tias tej ntawd tsuas yog neeg tej kevcai thiab kev qhia xwb. 23Tseeb tiag, tej kevcai uas lawv qhia txog kev pehawm cov timtswv ceebtsheej, tej uas lawv uatxuj txo hwjchim, thiab tej uas lawv qhia kom yus yuavtsum tsimtxom yus lub cev, sawvdaws saib kuj yog zoo tswvyim kawg li, tiamsis tej ntawd yeej pab tsis tau kom neeg tswj tau neeg lub siab uas nyiam ua kev phem.
Attualmente Selezionati:
:
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.