Kaulauxais 4
4
1Nej cov uas yog tswvqhev, nej yuavtsum ua zoo thiab ua ncaj rau nej cov tubqhe. Ncontsoov tias nej los kuj muaj ib tug Tswv uas nyob saum ntuj ceebtsheej thiab. #Efex 6:9
Tej Lus Qhia
2Nej yuavtsum muab siab rau thov Vajtswv, txhob tsaugzog, thiab ncontsoov ua nws tsaug. 3Tiblub sijhawm ntawd, thov nej thov Vajtswv pub rau peb, kom Vajtswv qhib kev rau peb qhia Txoj Moo Zoo uas hais txog Yexus Khetos zaj uas yav tas los lawm tau muab zais cia tsis muaj leejtwg paub. Twb yog vim kuv qhia zaj ntawd ntag, kuv thiaj raug kaw rau hauv tsev lojcuj no. 4Thiab thov nej thov Vajtswv pub tswvyim rau kuv kom kuv yuav qhia tau zaj ntawd kom meej npaum li meej tau, kom sawvdaws thiajli totaub.
5Thaum nej nrog cov neeg uas tsis tau ntseeg Vajtswv uake, nej yuavtsum coj nej tus cwjpwm li tus neeg ntse. Yuavtsum siv txhua lub sijhawm kom muajnqis. #Efex 5:16 6Tej lus uas nej hais, yuavtsum yog tej lus uas zoo mloog thiab hais kom luag tej xav mloog, kom thaum luag nug nej los nej thiaj yuav paub teb.
Lus Xa Xov Thaum Xaus
7Peb ib tug phoojywg zoo uas yog Tikhikus, nws yog ib tug ncajncees thiab nrog peb ua tus Tswv tes haujlwm, yuav qhia txhua yam rau nej txog kuv. #Teshl 20:4; 2Tim 4:12 8Twb yog vimli ntawd ntag, kuv thiajli txib nws tuaj saib nej; kom nws tuaj txhawb nej lub zog thiab qhia rau nej paub tias peb nyob licas. #Efex 6:21-22 9Auneximus uas yog peb ib tug phoojywg uas peb hlub thiab ntseegsiab tau, nws yuav nrog Tikhikus tuaj saib nej. Nws yog ib tug uas nyob hauv nej pab thiab. Nkawd yuav qhia txhua yam uas tshwmsim tim no rau nej paub. #Filem 10-12
10Alitakhaus uas yog ib tug phoojywg uas nrog kuv raug kaw hauv tsev lojcuj kuj xa lus nojqab nyobzoo tuaj rau nej, thiab Malakaus uas yog Npananpas tus kwvtij los kuj xa lus nojqab nyobzoo tuaj rau nej thiab. (Nej twb tau txais tsab ntawv uas qhia txog hais tias, yog Malakaus tuaj saib nej, ces nej ciali tostxais nws). #Teshl 19:29; 27:2; Filem 24; Teshl 12:12, 25; 13:13; 15:37-39 11Yexus tus uas sawvdaws hu ua Yuxatus los kuj xa lus nojqab nyobzoo tuaj rau nej thiab. Cov Yudais uas ntseeg Yexus lawm tsuas yog muaj lawv peb leeg no thiajli nrog kuv ua haujlwm rau Vajtswv lub Tebchaws xwb, lawv yeej pab tau kuv ntau kawg li.
12Epafas uas yog ib tug hauv nej pab thiab yog Yexus Khetos ib tug tubqhe, nws kuj xa lus nojqab nyobzoo tuaj rau nej thiab. Nws niajhnub kubsiab lug thov Vajtswv pab kom nej sawv khovkho, lojhlob zoo, ntseeg Vajtswv kawg siab kawg ntsws, thiab ua tau nej lub neej raws nraim li Vajtswv tus dejsiab. #Kaulx 1:7; Filem 23 13Kuv muaj peevxwm ua tau timkhawv hais tias nws yeej ua haujlwm khwv kawg li pab nej thiab pab cov ntseeg uas nyob hauv lub nroog Laudikeyas thiab lub nroog Hailapulis. 14Lukas uas yog ib tug kws-khomob uas peb hlub, thiab Demas, nkawd kuj xa lus nojqab nyobzoo tuaj rau nej thiab. #2Tim 4:11; Filem 24; 2Tim 4:10; Filem 24
15Thov nej hais nojqab nyobzoo rau cov kwvtij ntseeg uas nyob hauv lub nroog Laudikeyas, hais rau Nifas, thiab hais rau pawg ntseeg uas tuaj pehawm Vajtswv hauv nws tsev. 16Thaum nej nyeem tsab ntawv no tag lawm, nej ncontsoov muab xa mus rau pawg ntseeg uas nyob hauv lub nroog Laudikeyas tau nyeem thiab. Tiblub sijhawm ntawd, nej ho yuavtsum nyeem tsab ntawv uas pawg ntseeg hauv lub nroog Laudikeyas xa tuaj rau nej ib yam nkaus thiab. 17Thov nej hais rau Akhipaus hais tias kom nws ncontsoov ua tes haujlwm uas Vajtswv muab rau nws ua lawm kom tiav. #Filem 2
18Tsab ntawv no yog kuv, uas yog Paulus txhais tes sau ntag. Thov nej ncontsoov tias kuv tseem raug kaw rau hauv tsev lojcuj.
Thov kom Vajtswv txoj hmoovhlub nyob nrog nej txhua tus.
Attualmente Selezionati:
Kaulauxais 4: MWW2022
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.
Kaulauxais 4
4
1Nej cov uas yog tswvqhev, nej yuavtsum ua zoo thiab ua ncaj rau nej cov tubqhe. Ncontsoov tias nej los kuj muaj ib tug Tswv uas nyob saum ntuj ceebtsheej thiab. #Efex 6:9
Tej Lus Qhia
2Nej yuavtsum muab siab rau thov Vajtswv, txhob tsaugzog, thiab ncontsoov ua nws tsaug. 3Tiblub sijhawm ntawd, thov nej thov Vajtswv pub rau peb, kom Vajtswv qhib kev rau peb qhia Txoj Moo Zoo uas hais txog Yexus Khetos zaj uas yav tas los lawm tau muab zais cia tsis muaj leejtwg paub. Twb yog vim kuv qhia zaj ntawd ntag, kuv thiaj raug kaw rau hauv tsev lojcuj no. 4Thiab thov nej thov Vajtswv pub tswvyim rau kuv kom kuv yuav qhia tau zaj ntawd kom meej npaum li meej tau, kom sawvdaws thiajli totaub.
5Thaum nej nrog cov neeg uas tsis tau ntseeg Vajtswv uake, nej yuavtsum coj nej tus cwjpwm li tus neeg ntse. Yuavtsum siv txhua lub sijhawm kom muajnqis. #Efex 5:16 6Tej lus uas nej hais, yuavtsum yog tej lus uas zoo mloog thiab hais kom luag tej xav mloog, kom thaum luag nug nej los nej thiaj yuav paub teb.
Lus Xa Xov Thaum Xaus
7Peb ib tug phoojywg zoo uas yog Tikhikus, nws yog ib tug ncajncees thiab nrog peb ua tus Tswv tes haujlwm, yuav qhia txhua yam rau nej txog kuv. #Teshl 20:4; 2Tim 4:12 8Twb yog vimli ntawd ntag, kuv thiajli txib nws tuaj saib nej; kom nws tuaj txhawb nej lub zog thiab qhia rau nej paub tias peb nyob licas. #Efex 6:21-22 9Auneximus uas yog peb ib tug phoojywg uas peb hlub thiab ntseegsiab tau, nws yuav nrog Tikhikus tuaj saib nej. Nws yog ib tug uas nyob hauv nej pab thiab. Nkawd yuav qhia txhua yam uas tshwmsim tim no rau nej paub. #Filem 10-12
10Alitakhaus uas yog ib tug phoojywg uas nrog kuv raug kaw hauv tsev lojcuj kuj xa lus nojqab nyobzoo tuaj rau nej, thiab Malakaus uas yog Npananpas tus kwvtij los kuj xa lus nojqab nyobzoo tuaj rau nej thiab. (Nej twb tau txais tsab ntawv uas qhia txog hais tias, yog Malakaus tuaj saib nej, ces nej ciali tostxais nws). #Teshl 19:29; 27:2; Filem 24; Teshl 12:12, 25; 13:13; 15:37-39 11Yexus tus uas sawvdaws hu ua Yuxatus los kuj xa lus nojqab nyobzoo tuaj rau nej thiab. Cov Yudais uas ntseeg Yexus lawm tsuas yog muaj lawv peb leeg no thiajli nrog kuv ua haujlwm rau Vajtswv lub Tebchaws xwb, lawv yeej pab tau kuv ntau kawg li.
12Epafas uas yog ib tug hauv nej pab thiab yog Yexus Khetos ib tug tubqhe, nws kuj xa lus nojqab nyobzoo tuaj rau nej thiab. Nws niajhnub kubsiab lug thov Vajtswv pab kom nej sawv khovkho, lojhlob zoo, ntseeg Vajtswv kawg siab kawg ntsws, thiab ua tau nej lub neej raws nraim li Vajtswv tus dejsiab. #Kaulx 1:7; Filem 23 13Kuv muaj peevxwm ua tau timkhawv hais tias nws yeej ua haujlwm khwv kawg li pab nej thiab pab cov ntseeg uas nyob hauv lub nroog Laudikeyas thiab lub nroog Hailapulis. 14Lukas uas yog ib tug kws-khomob uas peb hlub, thiab Demas, nkawd kuj xa lus nojqab nyobzoo tuaj rau nej thiab. #2Tim 4:11; Filem 24; 2Tim 4:10; Filem 24
15Thov nej hais nojqab nyobzoo rau cov kwvtij ntseeg uas nyob hauv lub nroog Laudikeyas, hais rau Nifas, thiab hais rau pawg ntseeg uas tuaj pehawm Vajtswv hauv nws tsev. 16Thaum nej nyeem tsab ntawv no tag lawm, nej ncontsoov muab xa mus rau pawg ntseeg uas nyob hauv lub nroog Laudikeyas tau nyeem thiab. Tiblub sijhawm ntawd, nej ho yuavtsum nyeem tsab ntawv uas pawg ntseeg hauv lub nroog Laudikeyas xa tuaj rau nej ib yam nkaus thiab. 17Thov nej hais rau Akhipaus hais tias kom nws ncontsoov ua tes haujlwm uas Vajtswv muab rau nws ua lawm kom tiav. #Filem 2
18Tsab ntawv no yog kuv, uas yog Paulus txhais tes sau ntag. Thov nej ncontsoov tias kuv tseem raug kaw rau hauv tsev lojcuj.
Thov kom Vajtswv txoj hmoovhlub nyob nrog nej txhua tus.
Attualmente Selezionati:
:
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© 2022 United Bible Societies. All rights reserved.