Matayo 3
3
1En’esik’eho Yoane Bini aoya, ayasumole bosimo ena sengelenge ena Yudea, 2ate, Boyosume en’aoyi’owe, lacina lifoka lina loola yoolama. 3One nko boto onoki Yesaya, bosumoli, otendelak’ale yoi, ate,
Lofoso lon’oto’omoi onololomwa ena sengelenge,
Boongya mboka ena Yawe,
Bonanola mboka inande cilili.
4Yoane mene aolota bisenda bina besa bena ngamela, ko l’okoli bon’ekoto ena nyama ena litenaka linande; ko toma tonande tona ndaka nko mpalika la bohe. 5Ko baise Yelusalema la baise Yudea bahatu, la baise bengili ben’oli la Yoladane bahatu baocoa eneyali ende; 6ko bainama l’ende ena lose lona Yoladane, bayafisole baoyi’owe’aniyo. 7Koko eneki’nd’oenaka bike bona Bafalusi la Basadoke baoya en’inelo enande, amasumola, ate, Ino ban’ana njua, onokolakak’ino lacina bolote bolema bonongoya oka nai? 8Boot’emamo benekoli l’eumbelo en’aoyi’owe. 9Ko botakanelake oyila en’etem’enino, Mbo iso toyali l’afango’oniso oka Abalayama; lacin’oka emi lakosumol’ino, Yakomba anunolisa ban’ana Abalayama nk’ena baufe bane. 10En’esik’ene liswa yilama en’eulu ena bete; lacin’eho, bote l’ote bonofote bemamo ben’olotsi bokotama, ko bookama ena nkoi. 11Solosolo, emi lakin’ino en’asi lacin’en’eumbelo en’aoyi’owe; koko ende onoya ena mbusa enami andek’emi la mpamba, emi mpakoli lacina ntole sapata inande: Ende angokin’ino ena Bolimo bon’olotsi ko l’ena nkoi; 12lifofo linande liyali ena likasa linande, ko angomba botumba bonafifedy’ende bopunga nko njomba mene; ko angosusanya bopunga bonande en’otumba bon’emonyedyo; ohonde angotumba mposo la nkoi inifalime tu.
13En’esik’eho Yesu aumaki ena Ngalilaya, aoya ena Yoladane eneyali Yoane oyinama l’ende. 14Koko Yoane amosimba, ate, Emi lalela njiname l’e, ko oya nde eneyal’emi? 15Koko Yesu amolokwela, ate, Omboila; akoli eneyal’iso tile baoyi bana mbongi bahatu yok’osamb’one. Ko aimedya. 16Koko eneki’nd’oinamaka, Yesu aotefwa isasanga en’asi; ko lenda, loola lokombwa eneyal’ende, ko aena Bolimo bona Yakomba ayakite yok’ekoso, ko aoya eneyal’ende; 17ko lenda, lofoso lookana ena loola, Mbo one Bon’onami ona nganji, onombatel’emi enyanga mene.
Attualmente Selezionati:
Matayo 3: BBY62
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Bokanda Bona Yakomba Bon’ototo © Alliance Biblique de la R. D. Congo, 1962