I Versetti Biblici più popolari da لُوقَا 6

Condividi

عْطِيوْ، وْغَيْتّْعْطَى لِيكُمْ. عَبْرَة مْزْيَانَة وْمْدْكُوكَة، وْمْخَضْخْضَة وْوَافْيَّة غَتّْحَطّْ فْحْجَرْكُمْ، حِيتْ الْعْبَارْ بَاشْ كَتْعَبْرُو، بِيهْ غَيْتّْعْبَرْ لِيكُمْ».

بْنَادْمْ الْمْزْيَانْ كَيْخَرّْجْ الْحْوَايْجْ الْمْزْيَانِينْ مْنْ الْكَنْزْ الْمْزْيَانْ اللِّي فْقَلْبُه، وْبْنَادْمْ الْخَايْبْ كَيْخَرّْجْ الْحْوَايْجْ الْخَايْبِينْ مْنْ الْكَنْزْ الْخَايْبْ اللِّي فْقَلْبُه».

وَلَكِنْ بْغِيوْ عْدْيَانْكُمْ، وْدِيرُو الْخِيرْ وْسَلّْفُو بْلَا مَا تْعَوّْلُو تَاخْدُو حْتَّى شِي حَاجَة، وْهَكَّا غَيْكُونْ أَجْرْكُمْ كْبِيرْ، وْغَتْكُونُو وْلَادْ اللَّهْ الْعَالِي، حِيتْ كَيْنْعَمْ حْتَّى عْلَى نْكَّارِينْ الْخِيرْ وْالْمُدْنِبِينْ.

وْخَاصّْ تْكُونْ فِيكُمْ الرَّحْمَة كِمَا اللَّهْ بَّاكُمْ رْحِيمْ».

«مَا تْحَاكْمُو حَدّْ، وْمَا غَتّْحَاكْمُوشْ. مَا تْحَكْمُو عْلَى حَدّْ، وْمَا غَيْتّْحْكَمْشْ عْلِيكُمْ. غْفْرُو، وْغَيْتّْغْفَرْ لِيكُمْ.

«وَلَكِنْ كَنْݣُولْ لِيكُمْ آ اللِّي كَتْسَمْعُو: بْغِيوْ عْدْيَانْكُمْ، وْدِيرُو الْخِيرْ مْعَ اللِّي كَيْكَرْهُوكُمْ، بَارْكُو اللِّي كَيْسَبُّوكُمْ، وْدْعِيوْ مْعَ هَادُوكْ اللِّي كَيْضَلْمُوكُمْ.

وْدِيرُو مْعَ النَّاسْ كِمَا كَتْبْغِيوْهُمْ يْدِيرُو مْعَاكُمْ.

اللِّي صَرْفْقَكْ عْلَى حْنْكَكْ، ضَوّْرْ لِيهْ لَاخُرْ، وْاللِّي دَّا لِيكْ جْلَّابْتْكْ، سْمَحْ لِيهْ حْتَّى فْالتّْشَامِيرْ دْيَالْكْ. وْاللِّي طْلَبْ مْنّْكْ شِي حَاجَة عْطِيهَا لِيهْ، وْاللِّي دَّا لِيكْ شِي حَاجَة دْيَالْكْ مَا تْعَاوْدْشْ تْطْلَبْهَا مْنُّه.

«الشَّجْرَة الْمْزْيَانَة مَا كَتْعْطِيشْ غْلَّة خَايْبَة، وْالشَّجْرَة الْخَايْبَة مَا كَتْعْطِيشْ غْلَّة مْزْيَانَة.

كُلّْ شَجْرَة كَتّْعْرَفْ مْنْ غَلّْتْهَا، حِيتْ النَّاسْ مَا كَيْجْنِيوْشْ الْكَرْمُوسْ مْنْ الشُّوكْ، وْمَا كَيْجْنِيوْشْ الْعْنَبْ مْنْ السّْدْرَة.