I Versetti Biblici più popolari da Isaya 61

Condividi

Moya wa MKOMA Txizimu, wu txitimwi kwangu, nguko MKOMA a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa; ni kupeka nyiwo ya dilembe do kateka da MKOMA, ni ditshiku da kuphota ka Txizimu txathu; kuthavelela votshe vale va dilako; ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu MKOMA, kasi ku e mana kudhumiswa.

Ngu mhaka ya tingana tanu to wuyetwa kumbidi ni kuxaniseka kwanu, va na tsaka ngu txyavelo txawe; ngu kumaha keto, ditikoni kwawe, va na mana ngu kuwuyetwa kumbidi, kambe va na va ni kutsaka ko mbi guma.

Ni na tsaka ngutu ka MKOMA, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

Se va na aketa makhalo ale ma nga xaselwa, kambe va na wuseta ni ale ma nga haxulwa kale, ni kuwusa madhoropa ale ma nga xaselwa, ma nga khundumuswa ka liveleko ni liveleko.

Nguko nga kule mafu ma humisako makhukhu a ona, ni ku nga themmbwe yi milisako sile si phaywako ka yona, ngu tona eto MKOMA Txizimu, a na milisa kululama, ni wudhumo ka otshe matiko.

Aniko anu mi na dhanwa ku mi vaphaxeli va MKOMA, kambe va na mi dhana ku mi sithumi sa Txizimu txathu; mi na dya tithomba ta matiko, mi dhumiswa mu ka wudhumo wa ona.

Nguko ani MKOMA, ni randa kululama, ni nyenya wubihi; ani ni na va ninga ngu ditshuri hakhelo yawe, kambe ni na maha navo txitumelelana txo mbi guma.