I Versetti Biblici più popolari da Isaya 60

Condividi

Wuka, woninga, nguko liwoningo lako lata, ni wudhumo wa MKOMA wa humelela txitimwi kwako.

Se matiko ma na tsimbila liwoningoni kwako, ni vafumeli va na tsimbila ka liwoningo li li nga kuveleka.

Nguko wona taku, txidema txi fenengetile mafu, ni kuphuma ku fenengetile vathu, se MKOMA a na humelela txitimwi kwako, ni wudhumo wakwe wu na woneka txitimwi kwako.

Vathu vavadotho va na va 1.000; ni vavadotho ngutu, va na va vathu vavangi ngutu. Ani MKOMA, ngu mbimo ya kona, ni na ti maha eto.

Kha di na mbiswa di kuthumela ditambo kasi ku kuwoninga, hambi kuwoningwa ngu mtxima; aniko MKOMA a na va liwoningo lako la kwa mbi guma, ni Txizimu txako mbudhumo wako.

Kha di na mbi ngadi di txiswa ditambo dako, hambi mtxima wako kha wu na mbifa, nguko MKOMA i nava liwoningo lako yotshe mbimo, ni masiku a m'zila wako ma na guma.

Sekoko u na ti wona, kambe u na woningwa, se mbilu yako yi na ndaka-ndaka, kambe yi na kukumuka ngu kutsaka, nguko kunona ka linene ku na wuyiswa kwako, ni tithomba ta matiko ti nata kwako.

Gula maso ako, u ma rendelekisa ka madhawa otshe, u wona; votshe vava se va sengeletani va ta kwako; vanana vako va majaha va nata ngu kule; ni vanana vako vamahorana va na wunjeka didhawa kwako.

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

Kha ku na mbiswa kambe kupfala kulwisana ditikoni kwako, hambi kuxaselwa ni kukhundumuselwa mihinganoni kwako; aniko u na dhana “Kuhanyisa” ngu magumani kwako, ni matimbani kwako u na khawe “Kudhumisa.”

Se matimba ako ma nava ma di tulekile, hambi ni wusiku mwendo ni mitshikari kha ma na mbi sekwa, kasi kuve kutisela tithomba ta matiko, ni vafumeli va ona va na tsimbitiswa ngu vona.

Mitxhambi yo tala ya makamelu yi na ku fenengeta, a kuta ngu Midhiyani ni Efa; yotshe yi nata ngu Sabha, ya nata ni nzalama ni dibaselo, ve nuwela wudhumo wa MKOMA.

Se vanana va vamatiko va na aka maguma ako, ni vafumeli vako va na kuthumela, nguko, kuheyani kwangu ni ku pekile, aniko ka wunene wangu, ni ku pfete wumbilu.

Na i si nga kutxhipiswa ni kunyenywa kule u nga mahelwa kona, kuhoka ha ko ni wammweyo asi pindi ngu kwako, ni na veka kwako kudhundeka ka kwa mbi gwita, kuzumbiseka ka liveleko ni liveleko.

Kambe u na mama masi a matiko, se u na ti dyisa tikhanani ka vafumeli; u na tiziva ti to ani ngani MKOMA, Muhanyisi wako, Mtiruli wako, ni nyamitamo wa va ka Jakobe.