I Versetti Biblici più popolari da Hebriƒuɔ 13

Condividi

Anumi asɔ etegyie-mii na egulabi lɛlɔ. Mmomu bɛya na lɛla lɛni bibo limo-mii. Ɔsika Katɔti ɔ́su ɔnini, “Lɛɛɛdubo-mii bɔnyonu kudii, na neeedie-mii atu lɛnɔ kudii.”

Yesu Kristo ulávumana. Kalɛ kani na úse uwi ɔni návi kemmo ni, lɛni kani na use ɔƒɛni ku uwi ɔni mebo ƒui lɛnɔ kemmo.

Anwuɔsu bɔɔsu ku kayi ƒui bɔnini, “Blɔti ndi mina ubunkune, anwuɔsu lɛɛɛdubo bɔyia. Bi na ukyuli ɔdubɔkana-mi bɔbla?”

Na bitayiƒala ka bɛbla lɛbuni bite lɛlɔ, na bite lɛlɔ ala. Ɔsika akpala ammɔ udu mɔɔda Katɔti kubiti.

Anwuɔsu ni, bɛya na bɔsia Kristo lɛlɔ na buteeti linugya akpala teete Katɔti. Na akpala ammɔ ndi kalɛ na buubó nwuna lɛnyi kedee kudu ku bula kenye.

Ɔgya ku ule ngba bulie ni, ɔdi ka bite-mu ɔbu geen. Na ɔdi utalɛ ɔkpanadi kama. Ɔsika Katɔti ɔdubɔtɛku ukyuli ɔni mɔɔdi kɔsɔnɔ litemi ku bani na lɛyalɛ ala áƒɔ-ma lɛlɔ kemmo.

Na bitayiƒala baƒɔ bɔƒɔ, ɔsika badi báƒɔ Katɔti batu na béduo-ma kudɔ ɔni na baaagyi.

Na muuvele keyi buɛɛ Katɔti ɔni nkɛnku bunyimi bɔwɔdi bɔni nse úsela ƒui ɔsu na ɔ́gyila Yesu Kristo ɔni ndi baƒonu ɔdane buni ɔ́lɛku bekpine akɔ nnii ute-mii ala abuni ani ƒui na bɛkana biti bɛbla nwuna lɛyɔla. Na muuvele-nwu nnii ɔbla lɛla lɛni na ɔɔyɔ́ na bula lɛlɔ kemmo ɔkɛnku Yesu Kristo ɔni námanku úte bumwi uwi ƒui lɛlɔ. Ɔsia lɛni.