I Versetti Biblici più popolari da Hebriƒuɔ 12

Condividi

Anwuɔsu ka bubo bekyuli pii bamɛni udu bani muudie bɔƒɔtaadi bɔmɛni kenye ni, bɛya buti ala ani muutile-bu kuƒi mmɔ ku ekpidi ani mɔɔbala-bu uwi pii buvaakun. Na bukeli usi ɔni ntɛ-bu anumi ku lɛnungyie. Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.

Kɔtu bɔni biala buláyu ukyuli emini na uwi ɔmmɔ kemmo. Mmomu bɔɔyu ɔlɛ. Nsu ɔmmɔ kama ni, bani na báni-ma kɔtu lɛni ni, baabla ala abuni na ulu siin lɛlɔ, na baakɛ́ keyi buɛɛ.

Bɛsia ulu biala lɛlɔ na keyi buɛɛ kakya amii ku bekyuli ƒui ntɛ na bɛbla kedee. Ɔsika ɔdi biala ulakana na wanu Katɔti si uuuse kedee.

Bɛtɛya Yesu ɔni nákya ɔkplu na úbo abi na ala ekpidi bablane bamɛni enu kemmo, kalɛ na enu alaƒɛ-mii na binwini kama.

Anwuɔsu ka lɛga kadikɔ kani kemmo na bɔdubuduo kalákunku ɔsu ni, bɛya na bɔgya Katɔti enu na bumwi-nwu na ulu ɔni námanku lɛlɔ ku ɔbu ku bɔyia.

Binye lɛbibo biala kenye aani kɔtu bɔni bɔni na ubi ɔti uute ubi. Na ɔmɛni ɔɔtina ka Katɔti mɔɔní-mii kɔtu lɛni aani nwuna bebi. Ɔsika ubi ɔti ɔdi uuubo ɔni na ulani ubidi kɔtu.

Ɔsika bula Katɔti use aani ogya ɔni mɔɔkyula ala.

Bula bati bani na bubo mɛni baaní-bu kɔtu uwi klukui ɔdi kemmo kani kalɛ na bánu ka ɔ́manku-bu. Nsu Katɔti ɔɔní-bu kɔtu kalɛ na ɔdia ute-bu na abu lɛnɔ bɔbla kedee aani kalɛ na use.

Lɛlɔ lɛni na biikpóku kalɛ na bɛdi likpidi lɛlɔ ni, útedu tɔ kalɛ na bina ubugya uwi kalɔ.