I Versetti Biblici più popolari da Yakobo 1

Condividi

Banwa, lɛlɔ litaayɔ-mii si ala lidu lidu eekpóku-mii. Ɔsika si bɛ́kana na bɛ́di ala ani muukpóku-mii lɛlɔ ka bɛ́ƒɔ Kristo Yesu bɛ́di ɔsu ni, ɔdubo-mii bubunku na bɛdubɔkana na binye lɛla biala kenye kpakplaa.

Si bina akɔ ɔdi ɔɔyaki lɛnunda ni, ɔlɛka uvele Katɔti na ɔdubuti-ni ute-nwu, ɔsika Katɔti uuti-ni teete ukyuli biala ku kaƒɔ ƒaa.

Banwa bayɔne, binyimo na ukyuli biala use atu unu lɛla biala. Na uwi lɛlɔ na ɔkɔsi bɔtɛmi. Na uteteeti kɔnyi pla pla.

Bɛya na kalɛ na binye kpakplaa mɛni usie anumi ubu na ɔlɛ-mii kɔsia ɔwɔlɔ. Na bɛbla baƒɔtaadine babuni bani na lɛbuni bɔbla bɔ́ƒɔ-ma lɛlɔ kemmo ƒui.

Ɔdi ka bitaabla taasiaku lɛla lɛni na litemi buni lɛmmɔ lɛɛtina lɛlɔ. Na ɔɔɔdi ka binu-ni kani. Si ɔɔɔdi lɛni ni, na bɛɛtɔ́lɔ lɛlɔ.

Lɛlɔ lɛdubɔyɔ ukyuli ɔni náƒɔ ɔ́di na unye kpakplaa na ɔɔsiáku ala ani ƒui muukpóku-nwu. Ɔsika si enu átaƒɛ-nwu ni, ɔdubɔkɛ ngba ƒui lɛyuƒɔla lɛni na Katɔti ɔ́su úse ka ɔdubute bekyuli bani mɔɔyɔ́-nwu.

Ala abuni ani ƒui na bubo na bɔɔnu ka adia geen sɔsɔ ni, Katɔti kudɔ na aasí. Na ulávumana iye udie-bu atu aani ɔƒɛ ku kɔbuli kɔni nédie kuse na buduo lɛdisa kemmo.

Ɔsika ukyuli ɔni na bunu kani na uunú litemi buni lɛmmɔ na ulábla taasiaku-ni lɛlɔ ni, use aani ukyuli ɔni na úti asogya na ɔ́nu kalɛ na nwuna anumi ese. Nsu kɔnakunwi ka ɔ́gyu lɛgba na mmɔ ni, ɔ́yiƒala kalɛ na use.

Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.

Si lɛla lɛdi liikpóku ukyuli ɔdi taanu ni, utasu ɔnii Katɔti muukpóku-nwu taanu. Ɔsika lɛla lɛdi lilekpoku Katɔti taanu. Anwuɔsu anwu lɛnɔ ulekpoku ukyuli ɔdi ɔnii ɔbla likpidi. Mmomu ɔlɔna alaekpidi ani mɔɔda ukyuli ɔkwɛ ni, anya muunwíni teekpoku-nwu.

Si Katɔti ɔ́talaku ɔƒɔtaadine ɔni ndi ɔwabane katɔ ni, ɔya na lɛlɔ litaayɔ-nwu.