I Versetti Biblici più popolari da Luk 6

Condividi

Muɔcɛ nɛy kɔ̱kiɛn, kä ba yɛ moc. Kɛ thuɔ̱k ba yɛ moc kɛ theem mi ro̱ŋ, kä ca yɔ̱k, kä lɛny wi̱cdɛ jɔ̱ɔ̱r, ba jɛ la̱th buɔ̱ɔ̱ru. Kɛ ɣöö theem in bia thöp, ɛ jɛn min ba luɔ̱c yɛ.”

Ram mi gɔaa bä ti gɔw raar rɛy lɔaacdɛ mi gɔaa. Kä ram mi jiäk bä lät ti jiäk raar rɛy lɔaacdɛ mi jiääk. Kɛ ɣöö ruac raan kɛ tin te lɔɔcdɛ.”

Kä yɛn, nhɔakɛ ji̱ tɛ̈run, la̱tdɛ kɛ kä gɔy, kä ka̱mɛ kɛ ŋua̱l a thilɛ mi bia lɛ go̱r thi̱n. Bi mucdun di̱t, kä bi yɛn a gaat Kuɔth in Di̱t ni jɛn. Kɛ ɣöö gɔaa lɔcdɛ kɛ nɛy tin jiäk kɛnɛ ji̱ dueeri.

A lo̱ckun kɔ̱c, ce̱tkɛ min kɔ̱c lɔc Guurun in te nhial.”

“/Cuarɛ naath luk, kɛ ɣöö /ca yɛ bi luk. /Cuarɛ naath kueth duer, kɛ ɣöö /ca yɛ bi kueth duer. Pa̱lɛ naath dueerkiɛn, kä ba yɛ pa̱l dueerkun.

“Ɣän la̱rä jɛ yɛ, yɛn nɛy tin li̱ŋ ɛn ɣöö, nhɔakɛ ji̱ tɛ̈run. Kä la̱tdɛ nɛy tin nyiɛrkɛ yɛ kä gɔy. Puɔthɛ nɛy tin lamkɛ yɛ, kä palɛ Kuoth kɛ kui̱ nɛɛni tin kuëthkɛ yɛ.

Kä la̱tdɛ nɛy tin kɔ̱kiɛn kä min görɛ i̱ dëë lät kä yɛ.

Mi ci raan raŋdu pat, ri̱tni jɛ pek in dɔ̱ŋ bä. Kä mi wä raan bi̱i̱ kɔ̱a̱cdu ka̱n, /cu jɛ pen käni biey mi luɔ̱t bä. Moc nɛy diaal ti liɛmkɛ ji̱. Kä mi ci raan nyinku ka̱n, /cukɛ lɛ nyɔk kɛ thiec kä jɛ.

“Thilɛ jiath mi gɔaa mi kui̱r kɛ dɛy ti jiäk, kä thilɛ jiath mi jiääk mi kui̱r kɛ dɛy ti gɔw.

Kɛ ɣöö jiath ŋa̱ckɛ jɛ kɛ dɛykɛ. /Ca dɛy ŋɔa̱a̱p dee pon kä jiɛn kuiyni. Kä /ca dɛy buɔ̱cä dee pon kä tɔalɔar.