I Versetti Biblici più popolari da Henplais 11

Condividi

Kev ntseeg yog qhov uas peb ruajsiab rau tej uas peb ciasiab rau, thiab yog qhov uas peb tuagsiab rau tej uas peb qhovmuag tsis pom. Twb yog vim cov neeg txheej thaum ub txoj kev ntseeg, Vajtswv thiaj txaussiab rau lawv.

Yog tsis muaj kev ntseeg yeej ua tsis tau haum Vajtswv siab, rauqhov tus uas los cuag Vajtswv, nws yuavtsum ntseeg tias yeej muaj Vajtswv thiab Vajtswv yeej muab nqizog rau tus uas nrhiav Nws.

Los ntawm txoj kev ntseeg peb thiaj totaub hais tias lub ntiajteb no yog tsim los ntawm Vajtswv lolus. Yogli ntawd, yam uas peb qhovmuag pom tau yog tshwm los ntawm yam uas peb qhovmuag tsis pom.

Los ntawm txoj kev ntseeg, Anplahas thiaj mloog Vajtswv lus. Thaum Vajtswv hu kom Anplahas tawm mus rau lub tebchaws uas Vajtswv coglus tseg yuav muab pub rau nws; nws mloog Vajtswv lus nws thiaj tawm hauv nws lub tebchaws mus, tiamsis yeej tsis paub tias xyov nws yuav mus rau qhovtwg li. Los ntawm txoj kev ntseeg, nws thiaj mus nyob rau hauv tej tsevntaub zooli ib tug neeg txawv tebchaws, uas yog nyob rau hauv lub tebchaws uas Vajtswv coglus yuav muab rau nws. Ixaj thiab Yakhauj nkawd los kuj nyob hauv tsevntaub ib yam nkaus, vim Vajtswv coglus tseg rau nkawd ib yam li coglus rau Anplahas thiab.

Los ntawm txoj kev ntseeg, Nau-as thiaj hnov Vajtswv tej lus ceebtoom txog tej uas yuav muaj los rau yav tomntej uas Nau-as tsis tau pom txog. Nau-as mloog Vajtswv lus, nws thiaj txua ib lub nkoj los cawm nws tsev neeg. Thaum kawg, lub ntiajteb tau raug kev puastsuaj tiamsis Vajtswv suav hais tias Nau-as yog tus uas ncajncees vim nws txoj kev ntseeg.

Los ntawm txoj kev ntseeg, Enauj thiaj raug coj mus rau saum ntuj thiab tsis pub nws ntsib txoj kev tuag. Tsis muaj leejtwg nrhiav tau nws vim Vajtswv tau coj nws mus lawm. Vajtswv Txojlus hais tias uantej uas Vajtswv coj Enauj mus, Enauj yog ib tug uas ua haum Vajtswv lub siab nyiam.

Los ntawm txoj kev ntseeg, Anpees thiaj muab tej khoom uas zoo dua Ka-ees li fij rau Vajtswv. Los ntawm Anpees txoj kev ntseeg, Vajtswv thiaj suav tau hais tias nws yog tus ncajncees. Vajtswv txaussiab txais yuav Anpees cov khoom fij ntawd, yog ua povthawj qhia hais tias Anpees yog neeg ncajncees. Txawm yog Anpees twb tuag lawm los nws txoj kev ntseeg tseem niajhnub qhia peb.

Los ntawm txoj kev ntseeg, txawm yog Anplahas twb laus heev thiab Xalas yeej ibtxwm xeeb tsis taus tub los nws ruajsiab hais tias Vajtswv yeej yuav ua rawsli Vajtswv tej lus cogtseg.

Rauqhov Anplahas tabtom tosntsoov lub nroog uas Vajtswv yog tus tawm qauv thiab tsimtsa, lub nroog ntawd yog lub uas ruaj-khov thiab yuav nyob mus ibtxhis li.

Los ntawm txoj kev ntseeg, thaum Mauxes lojhlob lawm, nws tsis pub leejtwg hu hais tias nws yog Falaus tus ntxhais tus tub. Nws yeem nrog Vajtswv haivneeg raug kev txomnyem zoo dua li mus ua tej kev phem kev qias ib nyuag ntu. Nws suav hais tias qhov uas nws tiv kev txomnyem pub rau tus Mexiyas tseem muajnqis tshaj txhua tsavyam zoo uas nyob hauv tebchaws Iziv, rauqhov nws ntsiantsoov rau nws qhov nqizog uas yav tomntej nws yuav tau. Los ntawm txoj kev ntseeg, Mauxes thiaj tawm hauv tebchaws Iziv mus yam tsis ntshai vajntxwv txoj kev npautaws kiag li. Nws ua siabntev tiv yam li nws twb pom Vajtswv tus uas qhovmuag tsis pom lawm.

Los ntawm txoj kev ntseeg, thaum Vajtswv sim Anplahas siab, Anplahas thiaj muab nws tus tub Ixaj ua khoom fij rau Vajtswv. Anplahas twb yog tus uas Vajtswv tau coglus kiag rau los nws tseem zoosiab muab nws tibtug tub coj mus ua khoom fij rau Vajtswv thiab.

Los ntawm txoj kev ntseeg, tus niamntiav uas hu ua Lahaj thiaj tsis tuag nrog cov neeg uas tsis mloog Vajtswv lus, rauqhov nws tostxais cov Yixalayees ob tug tub soj tebchaws.

Los ntawm txoj kev ntseeg, cov Yixalayees thiajli mus phua plhawv hauv hiavtxwv liab ib yam li mus saum nruabnqhuab. Tiamsis thaum cov neeg Iziv sim mus li lawv mus, uaciav dej ciali nphau los npog lawv tuag tag huv tibsi.

Los ntawm txoj kev ntseeg, thaum cov Yixalayees mus ncig lub nroog Yelikaus tau xya hnub, lub nroog ntawd tej ntsayeej txawm vau tag huv tibsi.

Los ntawm txoj kev ntseeg, Mauxes thiaj ua kevcai Hla Dhau thiab kom sawvdaws muab ntshav pleev qhovrooj, kom tus timtswv ntawm txoj kev tuag thiaj tsis tua cov Yixalayees cov tub hlob.

Los ntawm txoj kev ntseeg, thaum Yauxej yuav tuag, nws thiaj hais txog zaj uas cov Yixalayees yuav tawm hauv tebchaws Iziv mus, thiab nws qhia txog qhov uas seb lawv yuav muab nws cov pobtxha ua licas.

Los ntawm txoj kev ntseeg, thaum Yakhauj yuav tuag, nws thiaj foom koobhmoov rau Yauxej ob tug tub thiab muab nws tus cwjnrig los txheem nws lub cev thaum nws pehawm Vajtswv.

Los ntawm txoj kev ntseeg, Ixaj thiaj foom koobhmoov rau Yakhauj thiab Exaus nkawd lub neej rau yav tomntej.