I Versetti Biblici più popolari da Henplais 10

Condividi

Cia peb tsis txhob tso txoj kev uas tuaj txoos uake tseg, ib yam li qeeleej uas tau tsotseg lawm, tiamsis cia peb ib leeg yuavtsum txhawb ib leeg lub zog ntau dua qub vim peb twb pom lawm hais tias hnub uas tus Tswv rovqab los twb ze zujzus lawm.

Peb yuavtsum ua tibzoo saib seb peb yuav ua licas ib tug thiaj txhawb tau ib tug lub zog rau txoj kev sibhlub thiab txoj kev ua zoo.

Cia peb tuav txoj kev ciasiab uas peb twb tau lees lawm kom ruaj-ruaj, rauqhov Vajtswv tus uas tau coglus tseg lawm, Nws yeej ncajncees.

Nej yuav tau ua siabntev, nej thiaj yuav ua tau rawsli Vajtswv lub siab nyiam thiab tau txais tej uas Nws tau coglus tseg lawm.

yogli ntawd, cia peb txav los ze Vajtswv los ntawm lub siab ncajncees uas puvnpo txoj kev ntseeg, nrog lub siab uas tau raug ntxuav kom dawbhuv thiab lub cev uas raug ntxuav los ntawm cov dej uas ntshiab huvsi.

Yogli ntawd, nej tsis txhob poobsiab, rauqhov yam ntawd yuav coj qhov nqizog uas loj heev los rau nej.

Yog peb tseem txhobtxwm ua kev txhaum tomqab uas peb twb paub qhov tseeb lawm, yeej tsis muaj ib yam dabtsi yuav theej tau peb lub txhoj ntxiv lawm, tsuas yog tshuav kev txhawj-ntshai tos rawv txoj kev txiavtxim thiab cov hluavtaws uas kub heev yuav hlawv cov neeg uas tawmtsam Vajtswv lawm xwb.