I Versetti Biblici più popolari da Henplais 12

Condividi

Peb twb muaj cov timkhawv coob-coob nyob puagncig peb lawm, yogli ntawd, cia peb muab txhua yam uas thaiv peb kev thiab tej kev txhaum uas tuav peb ruaj-ruaj cia ntawd povtseg, thiab cia peb rausiab ntso rau txoj kev sibtw khiav uas tau kom tseg nyob tom peb hauvntej lawm. Cia peb tsa qhovmuag ntsiantsoov Yexus tus uas yog peb lub hauvpaus kev ntseeg thiab ua kom peb kev ntseeg tiav. Nws tiv kev txomnyem saum tus ntoo khaublig thiab raug kev txajmuag los tsis uacas vim Nws paub tias muaj txoj kev zoosiab nyob tos Nws lawm; nimno Nws twb mus nyob rau ntawm Vajtswv lub zwmtxwv sab xis lawm.

Lub sijhawm uas peb raug nplawm, yeej tsis yog kev zoosiab tsuas yog kev tusiab xwb; tiamsis tomqab ntawd tej lus qhuabntuas yuav coj txoj kev ncajncees thiab kev nyabxeeb los rau cov uas raug qhuabntuas.

Nej yuavtsum ua tibzoo nrog txhua tus nyob sib haumxeeb, thiab nej yuavtsum xyaum ua nej lub neej kom dawbhuv, rauqhov tus uas tsis muaj kev dawbhuv, tus ntawd yeej yuav tsis pom tus Tswv.

Nej yuavtsum ncontsoov tej uas Nws tau tiv cov neeg txhaum txoj kev ua limhiam rau Nws, kom nej thiaj yuav tsis qaugzog thiab poobsiab.

Yogli ntawd, peb ciali ua Vajtswv tsaug, rauqhov peb tau lub tebchaws uas tsis txawj uazog koog. Peb yuavtsum ua Nws tsaug thiab pehawm Nws rawsli Nws lub siab nyiam, uas yog los ntawm txoj kev hwm thiab paub ntshai Nws

Nej yuavtsum ua siabntev tiv vim tej ntawd yog kev qhuabntuas; Vajtswv qhuabntuas nej ib yam li nej yog Nws cov menyuam. Puas muaj ib tug menyuam twg uas nws txiv tsis tau qhuabntuas nws?

rauqhov peb tus Vajtswv yog cov nplaimtaws uas kub tau txhua yam yaj tag huv tibsi.

Peb txiv tsuas qhuabntuas peb ib nyuag ntu rawsli lawv pom tias tsimnyog xwb, tiamsis Vajtswv qhuabntuas peb kom muaj nujnqis rau peb, kom peb thiajli yuav muaj feem koom tau nrog Nws txoj kev dawbhuv.

Nyob rau hauv nej txoj kev tawmtsam kev txhaum, nej tseem tsis tau tawmtsam mus txog qib uas ua rau ntshav nrog.