I Versetti Biblici più popolari da Ekyamateeka Olwokubiri 10

Condividi

“Kale kaakano, Isiraeri, Mukama Katonda wammwe byayagala mukole bye bino: Mutyenga Mukama Katonda wammwe, mutambulirenga mu biragiro bye byonna, mumwagalenga, era mumuweerezenga n'omutima gwammwe gwonna, n'obulamu bwammwe bwonna. Mwekuumenga ebiragiro bya Mukama n'amateeka ge bye mbalagira leero, mulyoke mubeerenga bulungi.

Kubanga Mukama Katonda wammwe ye Katonda omukulu asinga ba katonda abalala bonna; era Mukama w'abafuzi, ow'amaanyi, ow'entiisa, atasaliriza era atalya nguzi.

Kale mugonderenga Mukama Katonda wammwe, so temubanga ba mputtu.

Asala mu bwenkanya omusango gwa bamulekwa ne bannamwandu, era alabirira bannamawanga ng'abawa eby'okulya n'eby'okwambala.

Oyo lye ttendo lyammwe, era ye Katonda wammwe, eyabakolera ebikulu era eby'entiisa, amaaso gammwe bye gaalaba.

Mutyenga Mukama Katonda wammwe; oyo gwe munaaweerezanga; era oyo gwe munegattanga naye, n'erinnya lye lye munaalayiranga.

Laba, Mukama Katonda wammwe ye nnannyini ggulu, n'ensi ne byonna ebirimu.

Kale nammwe mwagalenga bannamawanga; kubanga nammwe mwali bannamawanga mu nsi ey'e Misiri.