Jang 17
17
Baak r'bon dan Brah Jê-sus ri
1Tơt lah pal baak nei luôih, Brah Jê-sus nggơơr mat u trôôk u mor laah: “Bươp ơi! Bêl tơt hôm, dan tư wơơl Koon, jah koon kot tư wơơl Bươp. 2Đươm Bươp ja ươn Koon ch'bap kmheng lơ jôm ntil pêêk pai, jah ươn baak rêh yoot yôw aan leq sêch pal bnih Bươp ươn Koon. 3Baak rêh yoot yôw lah chơp gưt Bươp laa Brah Ưn mbu ei u ngan nguôn, pôl Brah Jê-sus Krist laa Yaang Bươp ja maanh lôh. 4Koon ja tư wơơl Bươp a swich teh u lơh sơp kaar Bươp ndơơp aan Koon lơh. 5Bươp ơi! Bei au, dan pơih chring chraang Koon geh ơơm n'hai Bươp bôôk daak tơmbut swich teh baah tư wơơl Koon di mat Bươp.
6Koon ja tơrsau saak Bươp aan bơl bnih Bươp ươn Koon a klung swich teh. Bu pơơn teq u Bươp, Bươp ươn bu aan Koon, u ja prap ơn baak Bươp. 7Bei au, bu gưt laah leq sêch ntil ơơn Bươp ja ươn Koon kot lôh a Bươp. 8Đươm Koon ja ươn aan bu pal baak Bươp ja ươn aan Koon. Bu ja wơơt, gưt Koon lôh a Bươp ngan u jơ laah Bươp ja maanh Koon. 9Koon đươm bu baah r'bon dan, 'bưn geh đươm swich teh baah Koon r'bon dan laang, dôh đươm pal bnih baah Bươp ja ươn aan Koon, đươm bu pơơn teq u Bươp. 10Leq sêch ntil ơơn Koon ri kot laa Bươp ri, leq sêch ntil ơơn Bươp ri laa Koon ri; u rlach bu, Koon kươt tư wơơl. 11Koon 'bưn nh'ơơm gôq swich teh hôm, Koon siq n'hai Bươp, dôh bu nha gôq swich teh. Bươp Jrah ơi! Dan kray nhjrang bu knông saak Bươp, laa saak Bươp ja ươn Koon#17:11 Dan kray nhjrang bu knông saak Bươp, laa saak Bươp ja ươn Koon: Knông m'baak plơơp 'bian ti laa knông saak Bươp Dan kray prap lah saak Bươp ja ươn Koon., jah bu awap but mbu bei Bơl bơn. 12Knông plah nha gôq n'hai bu, Koon ja kray nhjrang bu knông saak Bươp, laa saak Bươp ja ươn aan Koon.#17:12 Koon ja kray nhjrang bu knông saak Bươp, laa saak Bươp ja ươn aan Koon: Knông m'baak plơơp 'bian ti laa Knông saak Bươp, koon ja kray prap bu, lah bơl bnih saak Bươp ja ươn Koon. Koon ja kray bu, 'bưn teq saap di mbu 'bơơn, dơơn mbu koon baak saap luôch ri, jah baak Sm'bưt Brah kươt dip plak.#Ja 13:18. 13Dôh bei au Koon siq n'hai Bươp, u Koon mor pal ntil au plah nha knông swich teh, jah baak broh s'bai Koon kươt bêêng sơp knông nơơm bu. 14Koon ja tơmbơh baak Bươp aan bu, u swich teh a kiêr bu đươm bu 'bưn pơơn teq u swich teh, kot bei Koon 'bưn pơơn teq u swich teh đêêl. 15Koon 'bưn r'bon dan Bươp liêu bu sot rlach swich teh dôh dan Bươp kray nhjrang bu rlach ntil đơơk. 16Bu 'bưn pơơn teq u swich teh kot bei Koon 'bưn pơơn teq u swich teh. 17Dan Bươp nhôq song klanh lơh jrah bu. Baak Bươp ri laa song klanh. 18Bei Bươp ja maanh Koon han knông swich teh nei Koon kot maanh bu han knông swich teh. 19Koon piyơ chhak nơơm đươm bu, jah bu kot kươt lơh jrah knông song klanh.
20Bươp ơi! Koon 'bưn dơơn r'bon dan aan pal bnih au ei, dôh kot aan pal bnih chkhôm baak bu baah jơ Koon nha, 21jah leq sêch kot but mlơm; bei Bươp gôq knông koon u Koon knông Bươp jah bu kot gôq knông Bơl bơn, chkhôm nei swich teh jơ laah Bươp ja maanh Koon tơt. 22Koon jah ươn aan bu chring chraang baah Bươp ja ươn aan Koon, jah bu but bei mbu Bơl Bơn laa mlơm. 23Koon gôq knông bu u Bươp gôq knông Koon, jah bu kươt ta sruôl sơp grơp, chkhôm nei swich teh gưt laah Bươp ja maanh Koon lôh, u Bươp ja srlanh bu bei Bươp ja srlanh Koon. 24Bươp ơi, Koon êch Koon gôq a êch nei bơl bnih Bươp ja ươn aan Koon kot gôq a nei n'hai Koon, jah bu trôông chring chraang pa Bươp ja ươn aan Koon; đươm Bươp ja srlanh Koon a mat tơmbut. 25Bươp sêch song ơi, swich teh 'bưn gưt Bươp, dôh Koon ja gưt Bươp; u pal bnih au gưt laah Bươp ja maanh Koon lôh. 26Koon ja tơrsau saak Bươp aan bu, u Koon a kươi tơrsau nha, jah srlanh pa Bươp ja srlanh Koon gôq knông bu, u Koon kot gôq knông bu hih.”
Valið núna:
Jang 17: SBL2024
Áherslumerki
Deildu
Afrita
Want to have your highlights saved across all your devices? Sign up or sign in
© 2024 Bible Society Vietnam. All rights reserved.