Popular Bible Verses from ܡܓܰܠܝܘܢ ܕܝܘܚܢܢ 14

Deildu

ܫܠܳܡܳܐ ܟܛܳܪܶܐ ܐ̱ܢܳܐ ܠܟ̥ܽܘ، ܗ̄ܽܘ ܫܠܳܡܰܝܕ̥ܺܝ ܟܳܗ̄ܒܶܐ ܐ̱ܢܳܐ ܠܟ̥ܽܘ؛ ܠܳܐ ܐܟ̥ ܕܟܳܗ̄ܒܶܐ ܠܶܗ ܗ̄ܽܘ ܥܳܠܡܳܐ ܐܳܢܳܐ ܟܳܗ̄ܒܶܐ ܐ̱ܢܳܐ ܠܟ̥ܽܘ. ܛܪܳܐ ܠܳܐ ܡ݄ܫܓ̥݄ܫ ܠܶܒܰܝܟ̥ܽܘ ܘܠܳܐ ܙܳܝ݄ܥ!

ܐܡ݄ܪ ܠܶܗ ܠܶܗ ܝܶܫܽܘܥ: ”ܐܳܢܳܐ ܐ̱ܢܳܐ ܗ̄ܽܘ ܕܰܪܒܳܐ ܘܽܗ̄ܘ ܫܪܳܪܳܐ ܘܰܚّܰܝ̈ܶܐ. ܢܳܫܳܐ ܠ݄ܐ ܟܳܐܬ̥ܶܐ ܠܓܰܒ ܗ̄ܽܘ ܐܰܒܰܝܕ̥ܺܝ ܐܶ‌ܠܳܐ ܐܶܒܺܝ.

”ܠܳܐ ܡ݄ܫܓ̥݄ܫ ܠܶܒܰܝܟ̥ܽܘ، ܡܗܰܝܡܶܢܽܘ ܒܰܐ‌ܠܳܗܳܐ ܘܶܐܒܺܝ ܡܗܰܝܡܶܢܽܘ.

ܐܶ‌ܠܳܐ ܗ̄ܽܘ ܦܰܪܰܩܠܺܛܳܐ (ܡܥܰܕܪܳܢܳܐ)، ܪܽܘܚܳܐ ܕܩܽܘܕܫܳܐ ܗܰܘܳܐ ܕ݄ܡܫܰܕܰܪ ܠܶܗ ܗ̄ܽܘ ܐܰܒܰܝܕ̥ܺܝ ܒ݄ܐܫܡܺܝ، ܗܺܝّܶܗ ܓܡܰܘܠܰܦܟ̥ܽܘ ܟܽܘܠ ܡܶܕܶܐ، ܘܗܺܝّܶܗ ܓܡܰܡܛܶܐ ܠܒܳܠܰܝܟ̥ܽܘ ܗ̄ܽܘ ܡܶܕܶܐ ܕܟܳܐܡܰܪ ܐ̱ܢܳܐ ܠܟ̥ܽܘ.

”ܡܰܢ ܕܟ݄ܬ ܠܶܗ ܗ̄ܰܦّܽܘܩܕ̈ܳܢܰܝܕ̥ܺܝ ܘܢܳܛܰܪّܶܗ، ܗܰܢܳܐ ܝܳܐ ܕ݄ܟܪܳܚܰܡ ܠܺܝ، ܘܗܰܘܳܐ ܕ݄ܟܪܳܚܰܡ ܠܺܝ ܓ݄ܕܡ݄ܪܚ݄ܡ ܡܽܗ̄ܘ ܐܰܒܰܝܕ̥ܺܝ، ܘܳܐܢܳܐ ܟܪܳܚܰܡܢܶܗ ܘ݄ܟܡܰܚܘܶܢܶܗ ܪܽܘܚܺܝ.“

ܘܳܐܢܳܐ ܓܕܳܐܒܰܥ ܐ̱ܢܳܐ ܡܽܗ̄ܘ ܐܰܒܰܝܕ̥ܺܝ ܕܳܗ̄ܒܰܠܟ̥ܽܘ ܦܰܪܰܩܠܺܛܳܐ (ܡܥܰܕܪܳܢܳܐ) ܚܪܶܢܳܐ ܠܰܫܰܢ ܕܳܗ̄ܘܶܐ ܐܰܥܡܰܝܟ̥ܽܘ ܗܳܠ ܥܳܠܰܡ. ܪܽܘܚܳܐ ܕܽܗ̄ܘ ܫܪܳܪܳܐ ܝܳܐ، ܕܽܗ̄ܘ ܥܳܠܡܳܐ ܠܰܝܒܶܗ ܡܰܩܒܶܠ ܠܶܗ ܥܰܠ ܕܠܳܐ ܚܙܶܐ ܠܶܗ ܘܠܰܐ ܐܕ̥݄ܥ ܠܶܗ. ܐܶ‌ܠܳܐ ܗܰܬܽܘ ܟ݄ܐܕ̥ܥܺܝܬܽܘ ܠܶܗ ܥܰܠ ܕܓܰܒܰܝܟ̥ܽܘ ܟܳܗ̄ܘܶܐ ܘܰܐܒܟ̥ܽܘ ܝܳܐ.

ܘܽܗ̄ܘ ܡܶܕܶܐ ܕ݄ܡܫܰܐܺܠܺܝܬܽܘ ܒ݄ܐܫܡܺܝ ܟܣܳܝܰܡ ܐ̱ܢܳܐ ܠܟ̥ܽܘ ܝܳܐ ܕܡܺܝܫܰܒ݄ܚ ܗ̄ܽܘ ܐܰܒܳܐ ܒܽܗ̄ܘ ܐܰܒܪܰܝܕ̥ܶܗ. ܘܶܐܢ ܕ݄ܡܫܰܐܺܠܺܝܬܽܘ ܒ݄ܐܫܡܺܝ، ܟܣܳܝܰܡ ܐ̱ܢܳܐ.

”ܐܶܢ ܕܪܳܚܡܺܝܬܽܘ ܠܺܝ ܢܛܰܪܽܘ ܗ̄ܰܦّܽܘܩܕ̈ܳܢܰܝܕ̥ܺܝ.

ܓ̥ܰܠܰܒܶܐ ܢܶܝ ܗ̄ܰܕّܽܘ̈ܟܳܬ̥ܳܐ ܒܽܗ̄ܘ ܒܰܝܬܳܐ ܕܽܗ̄ܘ ܐܰܒܰܝܕ̥ܺܝ. ܘܶܐ‌ܠܳܐ ܠܳܐ ܐܡܰܪ ܗ̄ܘܰܝ ܐ̱ܢܳܐ ܠܟ̥ܽܘ ܓܕ݄ܐܙّܺܝ ܡܛܰܝܰܒ ܐ̱ܢܳܐ ܠܟ̥ܽܘ ܐܰܬ̥ܪܳܐ.

ܘܶܐܢ ܐ݄ܙّܺܝ ܐ̱ܢܳܐ ܓ݄ܡܛܰܝܰܒܢܰܢܟ̥ܽܘ ܐܰܬ̥ܪܳܐ ܘܕܳܥܰܪ ܐ̱ܢܳܐ ܐܳܬ̥ܶܐ ܐ̱ܢܳܐ ܘܡܳܝܰܕܢܰܢܟ̥ܽܘ ܓܰܒܺܝ، ܠܰܫܰܢ ܐܰܝܟܳܐ ܕܳܗ̄ܘܶܐ ܐ̱ܢܳܐ ܗܰܬܽܘ ܣܬܶܝ ܓܕܳܗ̄ܘܺܝܬܽܘ.

ܐܡ݄ܪ ܠܶܗ ܠܶܗ ܠܬܳܐܘܡܰܐ: ”ܡܳܪܰܢ، ܠ݄ܐ ܟ݄ܐܕ̥ܥܺܝܢܰܐ ܠܰܐܝܟܳܐ ܐܰܙܳܠܳܐ ܗܰܬ، ܐܰܝܕܰܪܒܳܐ ܟܺܝܒܰܢ ܕܳܐܕ̥ܥܺܝܢܰܐ ܗ̄ܽܘ ܕܰܪܒܳܐ؟“