Popular Bible Verses from ܡܓܰܠܝܘܢ ܕܝܘܚܢܢ 13

Deildu

ܦܽܘܩܕܳܢܳܐ ܚܰܕ̱ܬ̥ܳܐ ܟܳܗ̄ܒܶܐ ܐ̱ܢܳܐ ܠܟ̥ܽܘ: ܪܚܰܡܽܘ ܠ݄ܚܕ̥ܳܕ̥̈ܶܐ، ܐܟ̥ ܕܳܐܢܳܐ ܪܚ݄ܡ ܠܺܝ ܠܟ̥ܽܘ ܗܰܬܽܘ ܣܬܶܝ ܪܚܰܡܽܘ ܠ݄ܚܕ̥ܳܕ̥̈ܶܐ. ܒܰܗ̄ܬ̥ܶܐ ܟܽܘܠ ܚܰܕ̱ ܓܕܳܐܕ̥݄ܥ ܕܰܬّܰܠܡܺܝܕ̥̈ܰܝܕ̥ܺܝ ܗܰܬܽܘ، ܐܶܡܰܐ ܕܳܗ̄ܘܰܠܟ̥ܽܘ ܚܽܘܒܳܐ ܠ݄ܚܕ̥ܳܕ̥̈ܶܐ.“

ܘܶܐܢ ܐܳܢܳܐ ܕܟ݄ܬ ܐ̱ܢܳܐ ܗ̄ܽܘ ܡܳܪܰܬ̥ܟ̥ܽܘ ܘܽܗ̄ܘ ܡܰܠܦܳܢܰܬ̥ܟ̥ܽܘ ܡܰܫ݄ܓ̥ ܠܺܝ ܪ̈ܰܓ̥ܠܳܬ̥ܰܝܟ̥ܽܘ، ܡ݄ܩܰܐ ܗܰܬܽܘ ܟܺܝܬ ܐܰܥܠܰܝܟ̥ܽܘ ܕܡܰܫܺܝܓ̥ܺܝܬܽܘ ܗ̄ܰܪّܰܓ̥̈ܠܶܐ ܕ݄ܚܕ̥ܳܕ̥̈ܶܐ. ܗܽܒ̥ ܠܺܝ ܠܟ̥ܽܘ ܗ̄ܽܘ ܡܰܬ̥ܠܰܢܳܐ: ܒܶܗ ܐܰܝܕܰܪܒܳܐ ܐܳܢܳܐ ܣ݄ܡ ܠܺܝ ܐܰ‌ܠܟ̥ܽܘ ܗܰܬܽܘ ܣܬܶܝ ܗܰܘܟ̥ܰܐ ܕܣܰܝܡܺܝܬܽܘ (ܠ݄ܚܕ̥ܳܕ̥̈ܶܐ).

ܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܶܗ ܠܶܗ: ”ܗ̄ܽܘ ܡܶܕܶܐ ܕ݄ܟܣܳܝܰܡ ܐ̱ܢܳܐ، ܗܰܬ ܠ݄ܐ ܟ݄ܐܕ̥ܥܰܬ ܠܶܗ ܐܳܥܕܳܐ، ܐܶ‌ܠܳܐ ܒ݄ܬ̥݄ܪ ܓܕ݄ܐܕ̥ܥܰܬ.“

ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܕܠܰܝܬ ܓܪܶܝܥܳܐ ܪܰܒ ܡܽܗ̄ܘ ܡܳܪܰܝܕ̥ܶܗ، ܘܠܳܐ ܫܠܺܝܚܳܐ ܪܰܒ ܡܰܗ̄ܘܳܐ ܕ݄ܡܫܰܕܰܪ ܠܶܗ.

ܐܶܢ ܗܰܢܺܝ ܕ݄ܐܕ̥ܥܺܝܬܽܘ، ܛܽܘܒܳܢ̈ܶܐ ܗܰܬܽܘ ܗ̄ܺܝ ܢܰܩܠܐ ܕܣܰܝܡܺܝܬܽܘܢّܶܗ.

ܩܰܝ݄ܡ ܡܺܗ̄ܝ ܚܫܰܡܬܳܐ، ܘܡܰܚܬ ܠܶܗ ܗ̄ܰܠܒܽܘܫ̈ܰܝܕ̥ܶܗ، ܘܡ݄ܕ ܠܶܗ ܡܰܢܕܺܝܠܳܐ ܘܡܰܐܣ݄ܪ ܠܶܗ ܒܚܰܨܶܗ. ܘܒ݄ܙ ܠܶܗ ܡܰܝ̈ܶܐ ܒܽܗ̄ܘ ܣܶܦܳܩܳܐ، ܘ݄ܡܫܰܪܶܐ ܠܶܗ ܕܡܰܫ݄ܓ̥ ܪܰܓ̥̈ܠܳܬ̥ܶܗ ܕܰܬّܰܠܡܺܝܕ̥̈ܰܝܕ̥ܶܗ، ܘ݄ܡܟܰܦܰܪّܶܗ ܒܽܗ̄ܘ ܡܰܢܕܺܝܠܳܐ ܕܡܰܐܣ݄ܪ ܠܶܗ ܥܰܠ ܚܰܨܶܗ.