Popular Bible Verses from ܡܓܰܠܝܘܢ ܕܝܘܚܢܢ 15

Deildu

ܐܳܢܳܐ ܐ̱ܢܳܐ ܗ̄ܺܝ ܣܰܬܳܐ ܘܗܰܬܽܘ ܗ̄ܰܟّܰܪ̈ܣܒ̥ܳܢ̈ܶܐ، ܡܰܢ ܕܦܳܝ݄ܫ ܐܶܒܺܝ ܘܳܐܢܳܐ ܐܶܒܶܗ، ܗܰܢܳܐ ܟܳܗ̄ܒܶܐ ܦܺܐܪ̈ܶܐ ܓ̥ܰܠܰܒܶܐ، ܥܰܠ ܕܠܳܐ ܡܶܢܺܝ ܠܰܒܟ̥ܽܘ ܣܰܝܡܺܝܬܽܘ ܡܶܕܶܐ.

ܦܽܘܫܽܘ ܐܶܒܺܝ ܘܳܐܢܳܐ ܐܰܒܟ̥ܽܘ. ܒܶܗ ܐܰܝܕܰܪܒܳܐ ܗ̄ܽܘ ܟܰܪܣܒ̥ܳܢܳܐ ܠܰܝܒܶܗ ܗ̄ܳܒܶܐ ܦܺܐܪ̈ܶܐ ܡܶܢ̱ ܪܽܘܚܶܗ ܕܠܳܐ ܦܳܝ݄ܫ ܒܺܗ̄ܝ ܣܰܬܳܐ، ܗܰܘܟ̥ܰܐ ܣܬܶܝ ܗܰܬܽܘ ܕܠܳܐ ܦܰܝܫܺܝܬܽܘ ܐܶܒܺܝ.

ܘܶܐܢ ܦܰܝܫܺܝܬܽܘ ܐܶܒܺܝ، ܘܰܡّܰܐܡܪ̈ܰܝܕ̥ܺܝ ܟܦܰܝܫܺܝ ܐܰܒܟ̥ܽܘ، ܗ̄ܽܘ ܡܶܕܶܐ ܕܪܳܚܡܺܝܬܽܘ ܕ݄ܡܫܰܐܺܠܺܝܬܽܘ ܓܕܳܗ̄ܘܰܠܟ̥ܽܘ.

ܠܳܐ ܗܰܬܽܘ ܓܒܰܠܟ̥ܽܘ ܠܺܝ، ܐܶ‌ܠܳܐ ܐܳܢܳܐ ܓܒܶܐ ܠܺܝ (ܡܢܰܩܶܐ ܠܺܝ) ܠܟ̥ܽܘ ܘ݄ܡܥܰܝܰܢ ܠܺܝ ܠܟ̥ܽܘ ܠܰܫܰܢ ܕܗܰܬܽܘ ܣܬܶܝ ܕ݄ܐܙّܳܟ̥ܽܘ ܣܰܝܡܺܝܬܽܘ ܦܺܐܪ̈ܶܐ ܘܰܦّܺܐܪ̈ܰܬ̥ܟ̥ܽܘ ܓܦܰܝܫܺܝ، ܕܟܽܘܠ ܡܶܕܶܐ ܕ݄ܡܫܰܐܺܠܺܝܬܽܘ ܡܽܗ̄ܘ ܐܰܒܰܝܕ̥ܺܝ ܒ݄ܐܫܡܺܝ ܓܕܳܗ̄ܒܰܠܟ̥ܽܘ ܝܳܐ.

ܚܽܘܒܳܐ ܕܪܰܒ ܡܰܗ̄ܬ̥ܶܐ ܠܰܝܬ، ܕܢܳܫܳܐ ܡܰܚ݄ܬ ܗ̄ܺܝ ܢܰܦܫܰܝܕ̥ܶܗ ܡܶܢ̱ ܚܠܳܦ ܕܰܚّܰܒܺܝܒ̈ܰܝܕ̥ܶܗ.

ܟܽܘܠ ܟܰܪܣܒ̥ܳܢܳܐ ܕܶܐܒܺܝ ܕܠ݄ܐ ܟܳܗ̄ܒܶܐ ܦܺܐܪ̈ܶܐ ܟܩܳܛܰܥ ܠܶܗ، ܘܰܐܝܢܰܐ ܕܟܳܗ̄ܒܶܐ ܦܺܐܪ̈ܶܐ ܟܟܳܣܰܚ ܠܶܗ ܠܰܫܰܢ ܕܳܗ̄ܒܶܐ ܦܺܐܪ̈ܶܐ ܓ̥ܰܠܰܒܶܐ.

ܗܰܢܳܐ ܝܳܐ ܗ̄ܽܘ ܦܽܘܩܕܳܢܰܝܕ̥ܺܝ، ܕܪܳܚܡܺܝܬܽܘ ܠ݄ܚܕ̥ܳܕ̥̈ܶܐ ܐܟ̥ ܕܳܐܢܳܐ ܪܚ݄ܡ ܠܺܝ ܠܟ̥ܽܘ.

ܒܗܰܬ̥ܶܐ ܟܡܺܝܫܰܒ݄ܚ ܗ̄ܽܘ ܐܰܒܳܐ ܕܦܺܐܪ̈ܶܐ ܓ̥ܰܠܰܒܶܐ ܓܣܰܝܡܺܝܬܽܘ ܘܬܰܠܡܺܝܕ̥̈ܶܐ ܐܶ‌ܠܺܝ ܓܕܳܗ̄ܘܺܝܬܽܘ.

”ܐܳܢܳܐ ܐ̱ܢܳܐ ܗ̄ܺܝ ܣܰܬܳܐ ܕܽܗ̄ܘ ܫܪܳܪܳܐ ܘܽܗ̄ܘ ܐܰܒܰܝܕ̥ܺܝ ܗ̄ܽܘ ܦܰܠܳܚܳܐ ܝܳܐ.

ܘܢܳܫܳܐ ܕܠ݄ܐ ܟܦܳܝ݄ܫ ܐܶܒܺܝ ܟܡܺܝܚܰܠ݄ܩ ܠܰܪܒ̥ܰܠ ܐܟ̥ ܕܽܗ̄ܘ ܟܰܪܣܒ̥ܳܢܳܐ ܕܝܳܒ݄ܫ، ܘ݄ܟܡܰܠܬܡܺܝ ܠܶܗ ܘ݄ܡܚܰܠܩܺܝ ܠܶܗ ܒܺܗ̄ܝ ܢܽܘܪܳܐ ܕܝܳܩ݄ܕ̥.

ܗܰܢܺܝ ܫܓ̥݄ܠ ܐ̱ܢܳܐ ܐܰܥܡܰܝܟ̥ܽܘ ܠܰܫܰܢ ܗ̄ܺܝ ܦܨܺܝܚܽܘܬ̥ܰܝܕ̥ܺܝ ܗܳܘܝܳܐ ܐܰܒܟ̥ܽܘ، ܘܺܗ̄ܝ ܦܨܺܝܚܽܘܬ̥ܰܬ̥ܟ̥ܽܘ ܟܝ݄ܪܒ̥ܳܐ ܘܟ݄ܡܠܳܐ.

ܐܶܢ ܢ݄ܛܪܺܝܬܽܘ ܗ̄ܰܦّܽܘܩܕ̈ܳܢܰܝܕ̥ܺܝ ܒܺܗ̄ܝ ܚܽܘܒܰܝܕ̥ܺܝ ܓܦܰܝܫܺܝܬܽܘ، ܐܟ̥ ܕܳܐܢܳܐ ܢܛ݄ܪ ܠܺܝ ܗ̄ܰܦّܽܘܩܕ̈ܳܢܶܐ ܕܽܗ̄ܘ ܐܰܒܰܝܕ̥ܺܝ ܘ݄ܟܦܳܝܰܫ ܐ̱ܢܳܐ ܒܺܗ̄ܝ ܚܽܘܒܰܝܕ̥ܶܗ.

ܗ̄ܰܦّܽܘܩܕ̈ܳܢܰܢܺܝ ܟܳܗ̄ܒܶܢܰܢܟ̥ܽܘ ܕܪܳܚܡܺܝܬܽܘ ܠ݄ܚܕ̥ܳܕ̥̈ܶܐ.

ܘܕܳܗ̄ܘܺܝܬܽܘ ܗ̄ܘܰܘ̱ ܡܽܗ̄ܘ ܥܳܠܡܳܐ، ܗ̄ܽܘ ܥܳܠܡܳܐ ܪܳܚܰܡ ܗ̄ܘܰܐ ܗܰܢܺܝ ܕܕܺܝܕ̥ܶܗ (ܗ̄ܰܢ ܢܳܫ̈ܰܝܕ̥ܶܗ). ܐܶ‌ܠܳܐ ܠܰܐ ܗ̄ܘܺܝܬܽܘ ܡܽܗ̄ܘ ܥܳܠܡܳܐ، ܘܳܐܢܳܐ ܓܒܶܐ ܠܺܝ (ܡܢܰܩܶܐ ܠܺܝ) ܠܟ̥ܽܘ ܡܽܗ̄ܘ ܥܳܠܡܳܐ، ܡܰܗ̄ܘܟ̥ܰܐ ܗ̄ܽܘ ܥܳܠܡܳܐ ܟ݄ܡܥܰܢܰܬ ܡ݄ܢܟ̥ܽܘ.