Popular Bible Verses from Matayos 24

Deildu

Sharta oo badatay darteedna dad badan jaceylkooda ayaa yaraan doona, laakiin kan illaa dhamaadka adkeysta ayaa badbaadi doona.

Warkan wanaagsan ee boqortooyada Illaaheyna waxaa lagu wacdin doonaa aduunka oo dhan si uu marqaatifur ugu noqdo quruumaha oo dhan, markaas kadib ayaa dhamaadka aduunkan la gaari doonaa.

Waxaad maqli doontaan dagaallo iyo waxyaalo ku saabsan dagaal, laakiin ha cabsanina. Waxyaalahan oo kale waa iney dhacaan, laakiin dhamaadka aduunka weli lama gaarin.

Qowmiyadna qowmiyadda kale ayey ka hor imaan doontaa, boqortooyana boqortooyada kale ayey ka hor imaan doontaa. Waxaana meelo badan ka dhici doona abaar iyo dhul gariir. Laakiin waxan oo dhan waa bilowga dhibaatooyinka.

Cirka iyo dhulku wey dhamaan doonaan, laakiin ereyadaydu weligood ma dhamaan doonaan.

Waayo kuwa badan ayaa magacayga ku imaan doona, oo dad badan ayey khiyaani doonaan iyagoo dhahaya, ‘Waxaan ahay Masiixa.’

“Kadib waxaa la idiin gacangelin doonaa si la idiin silciyo oo la idiin dilo, dadka oo dhanna waxey idiin nici doonaan aniga daraadey. Waqtigaas dad badan ayaa iimaanka ka laaban doona, qaarkiinna qaarka kale ayuu khiyaani doonaa oo nici doonaa. Waxaana soo bixi doona nebiyo been ah dad badan ayeyna khiyaani doonaan.

Ciise ayaa ugu jawaabay, “Iska ilaaliya in uusan qofna idin khiyaanin.

Sidaa darteed idinkuna waa inaad diyaar noqotaan, waayo Wiilka Aadanahu wuxuu imaan doonaa waqti aadan filaneynin.

“Sidaa darteed is ilaaliya, waayo ma garaneysaan maalinta uu Sayidkiinu imaan doono.

“Laakiin maalinta iyo waqtiga qiyaamaha qofna ma garanayo, xitaa malaa’igta jannada iyo Wiilku ma garanayaan, laakiin Aabaha oo kaliya ayaa garanaya.

Waayo waxaa imaan doona masiixyo been ah iyo nebiyo been ah, waxeyna sameyn doonaan mucjisooyin waaweyn oo layaab leh si ey dadka ugu khiyaanaan, xitaa waxey isku dayi doonaan iney khiyaanaan dadka uu Illaahey doortay.

Sida ey ahayd maalmihii Nuux ayey ahaan doontaa waqtiga imaanshaha Wiilka Aadanaha. Waayo daadku inta uusan dhicin ka hor, dadku wax ayey cunayeen, cabayeen, weyna guursanayeen waana la guursanayay, illaa laga gaaray maalintii Nuux uu galay doonta, waxa soo socdana war kama hayn illaa daadkii yimid kuligoodna baabi’iyay. Sidaas oo kale ayeyna noqon doontaa imaanshaha Wiilka Aadanaha.