Joani 7
7
Jesu na bancegwe
1Zezo aa sezilamani, Jesu kale aja mucilalanda Galileya, takashaka kuja mwa Judeya, ukuti abakulu bo Majuda kame kabashaka akaito ko kumwiyaga. 2Kono umukiti go Majuda go Tabanakele (citebule) seka guli afuwi, 3abancegwe ba Jesu kale batyo kwakwe, “Uzwe mwa Galileya ujende kwa Judeya, buti abazigigwa bako babone imisebezi utenda. 4Takuli muntu uju ashaka kuba no kakumbo ku bantu atenda ibindu mubuzinda. Mi aa utenda zezi zintu uli banaalise kwilonga. 5Mi no bancegwe taa naba zumina kwakwe.
6Cwale Jesu kale gaba lugwila buti, “Inako jangu aano jisini kusika. Kono inako jonse jenu kojili. 7Ilonga taligoli ku mizimba, kono kuti lyasa zimba ime nigama byo misebezi gwalyo buti mibi. 8Inwe mujende ku mukiti. Ime tanikaji kwa gogu mukiti inako jangu jisini kukeza.” 9Aa salamani kugamba zezi, kale akala mwa Galileya.
Jesu aa ja ku mukiti mwa Jelusalema
10Mi bancengwe aa seba laji ku mukiti, naje kale akaja mubuzinda. 11Cwale koko ku Mukiti abakulu bo Majuda kabalolele Jesu no kumubuza, “Kwibo ali?”
12Mi mukati ko bungi bo bantu mo kajili mishoboto jo kushoshota Jesu. Bamwinya buti kaba batyo, “Ninkosi mulotu.” Bamwinya kale betaba, “Awa bantu alyanganisa.” 13Nanga ceciba takuli uju kagola ukugamba za Jesu muku gongoza, kebaka lyo kujoga Amajuda aba ka zumina kwa Jesu.
14Akati ko masiku go mukati, Jesu kale aja mwilapa lyo Tempele no katatika ukuziga. 15Amajuda kale komokwa lwini no kubuza buti, “Buti nakwa kezela buti joju umukwame abe ne nzunu uku taa naga zigigwa?”
16Jesu kale ataba buti, “Ukuziga kwangu tali kwangu, kono kwa Tata kuzwa kwa jojo uju naga ni tuma. 17Umuntu gense uju ali shalila kutenda ici ashaka Nyambe, kuti azibe ubu zigi bwangu uku buzwa kampa kwa Nyambe kampa bwa kuligambila ime mwini. 18Abantu aba baligambila ibi bagaja ka kumbo bashaka, kono uju ashaka kuangikigwa kwa jojo uju naa mutuma muntu gwe conse, mi takuli co manya kwakwe. 19Mushe taa namiwa mulao? Takuli kwenu nanga genke uju amamela umulao. Cinzi aa mushaka ku niyaga?”
20Akagugi kale kataba, “Mayauma ga kukwesi, nini uju ashaka kuku yaga?”
21Jesu kale atyo kwabo, “Nana tenda icisupo co conke, mi mwense namwa komokwa lwini. 22Mushe naga miwa mukanda go kugegeleza (kono tali kwa Mushe ka guzwa, kono kubakulu katanzi), mi mwasa tula muloba mu mukanda lyo Nsabata. 23Cwale ati umuloba natuligwa mu mukanda lyo Nsabata, buti umulao gwa Mushe guleke kucoligwa, cinzi aa muni nyegelela mukuoza mubili gonse go nkosi lyo Nsabata? 24Muleke kuatula ko nsobozi, kono muatule ubu ku jelelee.”
Jesu ni Mesiya
25Cwale bamwinya bantu bamwa Jelusalema kale batatika ubuza buti, “Joju tali nu nkosi bashaka kuyaga? 26Juno kuno! Kame akwesi uku gamba ku gogonza, kame takuli cigambo bagamba kwakwe! Nicote amanduna bali nangwile buti nije Mesiya? 27Kono tuli zekelele joju unkosi uku azwa, Mesiya aa na keze, takuli uju na zekelele uku azwa.”
28Cwale Jesu, aa kasikwesi kuziga mwilapa lyo Tempele, kale ga kumba mwijwi inene buti, “Eee, mu lini zekelele! Mi muli zekelele uku nizwa. Tana na keza ke nguzu jangu, kono uju naga ni tuma gwa conse. Tamu muzekelele? 29Kono ime nili muzekelele ukuti kwakwe nizwa mi naa nituma.”
30Cwale kale bajeleka kumu shumina, kono takuli uju naa mukambika iganja, ukuti inako jakwe kajisini kusika. 31Kono ubungi bo bantu kale bazumina kwakwe, mi ka batyo buti, “Mesiya aa na keze, kuti na tende ibisupo biita bya joju umukwame?”
Abalindili bo Tempele aa batumigwa kukashumina Jesu
32Amafalisi kale ba shugwa abantu naba shoshota bya Jesu, cwale Amapulisita bakulu na Mafalisi kale ba tuma abalindili bo Tempele kuka mushumina. 33Jesu kale atyo, “Nisi kele nenwe mwi nako ifuwi bulyo, mi cwale kuti nanikaje kwa jojo naga ni tuma. 34Inwe kuti na muni shake, kono taa namu nigwane, mi uku nani kale, inwe tamu goli kezako.”
35Amajuda kale bali gambaguza mwacabo, “Kwibo joju unkosi uku ashaka ukuja buti mane taa na tu mugwane? Ukuti kuti naje ku minzi jo Magelike uku kujoja Majuda, aka zige Magelike?”
36Cinzi atalusa aa ta buti, kuti namu shake kono taa namu nigwane mi uku nikele tamu goli kezako
Jesu akuluwiza amenzi ga jojisa
37Mwijuba lyo mamaninino na mwijuba inene lyo mukiti, Jesu kale azimana no ku kugiliza mwijwi inene, “Muleke umuntu gense uju afwite inyontwa akeze kwangu akeze anywe. 38Gense uju azumina kwangu, sinagwe in’olo ana lyatyo, mu mojo gwa uju nazumina kwangu, kuti na kungonge lwizi lo menzi ga jojesa.’ ” 39Jesu kame ka gambagula byo Moya, buti babo ka bazumina kwakwe kaba jelele kugu tambula. Ukuti Umoya nagu sini keza, Jesu kasini kulumbigwa.
Inkokani mukati ko Bantu
40Aa nabashugwa gaga majwi, abantu bamwinya kale batyo, “Ni wawa joju unkosi muboni gwa Nyambe.”
41Bamwinya ka batyo buti, “Ni Mesiya.” Kono bamwinya kabatyo buti, “Buti Mesiya agola ku zwilila kwa Galileya? 42Aman’olo tali buti gatyo buti Mesiya kuti nazwilile mu mukoga gwa Deviti no kuzwa mu munzi gwa Beteleema, mu munzi kajoja Deviti?” 43Cwale kale kwaba ne nkokani mukati ko bantu kebaka lya Jesu. 44Bamwinya kabashaka ku mushumina, kono takuli nanga genke uju naga tula iganja kwakwe.
Uku sazumina ko bajendesi bo Majuda
45Kumamanino abalindili bo Tempele kale babogola ku mapulisita abakulu naku Mafalisi aba naba babuza buti, “Cinzi aa tamula muleti?”
46Abalindili kale betaba buti, “Takuli uju ala gamba sinsgwe sinagwe joju unkosi,”
47Amafalisi kale betaba buti, “Buti mutyo nenwe alakamiomi?” 48Kwenu mwe bajendesi kampa kwenu mwe Mafalisi, nini uju naa zumina kwakwe? 49Kono baba abantu aba taba zekelele umulao gwa Mushe, bali kwesi cikuto.”
50Nekudema, uju sali kuja kwa Jesu ku matatikilo, uju kali jumwinya gwa kwabo kale atyo kwabo buti, 51“Kuja ko mulao gwa Mushe, umuntu alagola kuwegwa umulandu tala tegelezwa no kugwana ici naa tenda?”
52Kale betaba buti, “Negwe kwa Galileya uzwa? Ushakisise mu man’olo mi kuti ugwane buti umuboni gwa Nyambe tajelele kuzwa mu Galileya.” 53Ao bonse kale baja ku minzi jabo.
Pilihan Saat Ini:
Joani 7: TBTP
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
The Word For The World International
Joani 7
7
Jesu na bancegwe
1Zezo aa sezilamani, Jesu kale aja mucilalanda Galileya, takashaka kuja mwa Judeya, ukuti abakulu bo Majuda kame kabashaka akaito ko kumwiyaga. 2Kono umukiti go Majuda go Tabanakele (citebule) seka guli afuwi, 3abancegwe ba Jesu kale batyo kwakwe, “Uzwe mwa Galileya ujende kwa Judeya, buti abazigigwa bako babone imisebezi utenda. 4Takuli muntu uju ashaka kuba no kakumbo ku bantu atenda ibindu mubuzinda. Mi aa utenda zezi zintu uli banaalise kwilonga. 5Mi no bancegwe taa naba zumina kwakwe.
6Cwale Jesu kale gaba lugwila buti, “Inako jangu aano jisini kusika. Kono inako jonse jenu kojili. 7Ilonga taligoli ku mizimba, kono kuti lyasa zimba ime nigama byo misebezi gwalyo buti mibi. 8Inwe mujende ku mukiti. Ime tanikaji kwa gogu mukiti inako jangu jisini kukeza.” 9Aa salamani kugamba zezi, kale akala mwa Galileya.
Jesu aa ja ku mukiti mwa Jelusalema
10Mi bancengwe aa seba laji ku mukiti, naje kale akaja mubuzinda. 11Cwale koko ku Mukiti abakulu bo Majuda kabalolele Jesu no kumubuza, “Kwibo ali?”
12Mi mukati ko bungi bo bantu mo kajili mishoboto jo kushoshota Jesu. Bamwinya buti kaba batyo, “Ninkosi mulotu.” Bamwinya kale betaba, “Awa bantu alyanganisa.” 13Nanga ceciba takuli uju kagola ukugamba za Jesu muku gongoza, kebaka lyo kujoga Amajuda aba ka zumina kwa Jesu.
14Akati ko masiku go mukati, Jesu kale aja mwilapa lyo Tempele no katatika ukuziga. 15Amajuda kale komokwa lwini no kubuza buti, “Buti nakwa kezela buti joju umukwame abe ne nzunu uku taa naga zigigwa?”
16Jesu kale ataba buti, “Ukuziga kwangu tali kwangu, kono kwa Tata kuzwa kwa jojo uju naga ni tuma. 17Umuntu gense uju ali shalila kutenda ici ashaka Nyambe, kuti azibe ubu zigi bwangu uku buzwa kampa kwa Nyambe kampa bwa kuligambila ime mwini. 18Abantu aba baligambila ibi bagaja ka kumbo bashaka, kono uju ashaka kuangikigwa kwa jojo uju naa mutuma muntu gwe conse, mi takuli co manya kwakwe. 19Mushe taa namiwa mulao? Takuli kwenu nanga genke uju amamela umulao. Cinzi aa mushaka ku niyaga?”
20Akagugi kale kataba, “Mayauma ga kukwesi, nini uju ashaka kuku yaga?”
21Jesu kale atyo kwabo, “Nana tenda icisupo co conke, mi mwense namwa komokwa lwini. 22Mushe naga miwa mukanda go kugegeleza (kono tali kwa Mushe ka guzwa, kono kubakulu katanzi), mi mwasa tula muloba mu mukanda lyo Nsabata. 23Cwale ati umuloba natuligwa mu mukanda lyo Nsabata, buti umulao gwa Mushe guleke kucoligwa, cinzi aa muni nyegelela mukuoza mubili gonse go nkosi lyo Nsabata? 24Muleke kuatula ko nsobozi, kono muatule ubu ku jelelee.”
Jesu ni Mesiya
25Cwale bamwinya bantu bamwa Jelusalema kale batatika ubuza buti, “Joju tali nu nkosi bashaka kuyaga? 26Juno kuno! Kame akwesi uku gamba ku gogonza, kame takuli cigambo bagamba kwakwe! Nicote amanduna bali nangwile buti nije Mesiya? 27Kono tuli zekelele joju unkosi uku azwa, Mesiya aa na keze, takuli uju na zekelele uku azwa.”
28Cwale Jesu, aa kasikwesi kuziga mwilapa lyo Tempele, kale ga kumba mwijwi inene buti, “Eee, mu lini zekelele! Mi muli zekelele uku nizwa. Tana na keza ke nguzu jangu, kono uju naga ni tuma gwa conse. Tamu muzekelele? 29Kono ime nili muzekelele ukuti kwakwe nizwa mi naa nituma.”
30Cwale kale bajeleka kumu shumina, kono takuli uju naa mukambika iganja, ukuti inako jakwe kajisini kusika. 31Kono ubungi bo bantu kale bazumina kwakwe, mi ka batyo buti, “Mesiya aa na keze, kuti na tende ibisupo biita bya joju umukwame?”
Abalindili bo Tempele aa batumigwa kukashumina Jesu
32Amafalisi kale ba shugwa abantu naba shoshota bya Jesu, cwale Amapulisita bakulu na Mafalisi kale ba tuma abalindili bo Tempele kuka mushumina. 33Jesu kale atyo, “Nisi kele nenwe mwi nako ifuwi bulyo, mi cwale kuti nanikaje kwa jojo naga ni tuma. 34Inwe kuti na muni shake, kono taa namu nigwane, mi uku nani kale, inwe tamu goli kezako.”
35Amajuda kale bali gambaguza mwacabo, “Kwibo joju unkosi uku ashaka ukuja buti mane taa na tu mugwane? Ukuti kuti naje ku minzi jo Magelike uku kujoja Majuda, aka zige Magelike?”
36Cinzi atalusa aa ta buti, kuti namu shake kono taa namu nigwane mi uku nikele tamu goli kezako
Jesu akuluwiza amenzi ga jojisa
37Mwijuba lyo mamaninino na mwijuba inene lyo mukiti, Jesu kale azimana no ku kugiliza mwijwi inene, “Muleke umuntu gense uju afwite inyontwa akeze kwangu akeze anywe. 38Gense uju azumina kwangu, sinagwe in’olo ana lyatyo, mu mojo gwa uju nazumina kwangu, kuti na kungonge lwizi lo menzi ga jojesa.’ ” 39Jesu kame ka gambagula byo Moya, buti babo ka bazumina kwakwe kaba jelele kugu tambula. Ukuti Umoya nagu sini keza, Jesu kasini kulumbigwa.
Inkokani mukati ko Bantu
40Aa nabashugwa gaga majwi, abantu bamwinya kale batyo, “Ni wawa joju unkosi muboni gwa Nyambe.”
41Bamwinya ka batyo buti, “Ni Mesiya.” Kono bamwinya kabatyo buti, “Buti Mesiya agola ku zwilila kwa Galileya? 42Aman’olo tali buti gatyo buti Mesiya kuti nazwilile mu mukoga gwa Deviti no kuzwa mu munzi gwa Beteleema, mu munzi kajoja Deviti?” 43Cwale kale kwaba ne nkokani mukati ko bantu kebaka lya Jesu. 44Bamwinya kabashaka ku mushumina, kono takuli nanga genke uju naga tula iganja kwakwe.
Uku sazumina ko bajendesi bo Majuda
45Kumamanino abalindili bo Tempele kale babogola ku mapulisita abakulu naku Mafalisi aba naba babuza buti, “Cinzi aa tamula muleti?”
46Abalindili kale betaba buti, “Takuli uju ala gamba sinsgwe sinagwe joju unkosi,”
47Amafalisi kale betaba buti, “Buti mutyo nenwe alakamiomi?” 48Kwenu mwe bajendesi kampa kwenu mwe Mafalisi, nini uju naa zumina kwakwe? 49Kono baba abantu aba taba zekelele umulao gwa Mushe, bali kwesi cikuto.”
50Nekudema, uju sali kuja kwa Jesu ku matatikilo, uju kali jumwinya gwa kwabo kale atyo kwabo buti, 51“Kuja ko mulao gwa Mushe, umuntu alagola kuwegwa umulandu tala tegelezwa no kugwana ici naa tenda?”
52Kale betaba buti, “Negwe kwa Galileya uzwa? Ushakisise mu man’olo mi kuti ugwane buti umuboni gwa Nyambe tajelele kuzwa mu Galileya.” 53Ao bonse kale baja ku minzi jabo.
Pilihan Saat Ini:
:
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
The Word For The World International