Joani 5
5
Jesu aa oza unkosi go kugolomena ku kaziba lyo Nsabata
1Byebyo aa sebilamani, Jesu kale aja kwa Jelusalema ku mukiti gwa jumwinya bo Majuda. 2Momo mwa Jelusalema afuwi no cinzi ce ngu, ko kali kaziba ka kugigwa Betizata. Mumu shobo go Ebele, aka ka kajakilwe amandandulu go mawisizo jo binzi byajo tosanwe. 3Momo mu binzi kakulele abalwele bangi aba kabali biofu, aba ba tegena, nebo kugolomena. 4Kumwinya ingeloi lya Nyambe kali sezumukanga momo mukaziba, keza ku vwelangula menzi. Umu lwele gwe tanzi uju kashambamo momo mukaziba, amenzi aa se gala vwelauki ko kulwaluka kubulwele bonse ubu kaala. 5Momo moo kakele unkosi uju naga lwala imyaka ja 38 (makumi go tatwe ne tosanwe no totatwe). 6Jesu aa mubona nalele, kale gaziba buti unkosi kaali mulwele e nako moo jinde, kale ga mubuza, “Uli shakite uku lwaluka?”
7“Mfumu,” umulwele kale gataba, “Takuli muntu uju anitimbila mukaziba amenzi aga vwelauka. Kame nikwesi kujeleka kuti ningine mukati, jumwinya kame anitilila.”
8Jesu kale gatyo kwakwe, “Zimana! Uinde ubulo bwako, ujende.” 9Ao bulyo unkosi kale galwaluka, no kuinda ishasha lyakwe. Kame ijuba kalili lyo mukibelo, 10Amajuda kale bazumininana no kutela umukwame uju kali umulwele, “Lyeli lya mukibelo, umulao tagu tuzuminizi kuti igwe uinde ishasha lyako.”
11Kale ga bataba buti, ‘Uinde ubulo bwako ujende.’ ”
12Cwale kale bamu buza, “Nini jojo uju ala kulugwili kuti utende zezi?”
13Uju naga lwalukiswa takezi ubu akalile Jesu, kakuli kagugi ko bantu mucibaka ceco, ao Jesu kale ajobela mukati ko bantu.
14Ao bulyo Jesu kale ga mugwana mu Tempele no kutyo kwakwe, “Tegeleza, ulalwaluki aano, uleke ukutenda ubumangoju ukuti cimangoju cimwinya kuti na ciku bogwele.”
15Unkosi jojo aa kaja kale aja bugambaguza Amajuda buti ni Jesu uju naga ni lwalukisa. 16Amajuda kale batatika uku cana Jesu, ukuti naga tenda lwalukisa mwijuba lyo Nsabata. 17Jesu kale atyo kwabo buti, “Tata kame abeleka muma juba gonse, neme nili swanele kusebeza.”
18Ko kutenda bulyao Amajuda kale ba shaka ukuyaga Jesu kuita etanzi, kono tali bulyo kucola umulao gwe Nsabata, kono no kuti Nyambe nisi, kame alikwesi inguzu jilikana naja Nyambe.
Inguzu jo Mwana Muntu
19Jesu kale abataba, “Kame nimi gambaguza icote, Umwana tagoli kutenda ibintu ije mwini, bulyo agola ukutenda isi atenda.” Kebaka lyo kuti icintu conse Tata naje Mwana kucitenda. 20Tata kame ashaka Mwane no kumulagiza ibi ajelele ukutenda byonse. Kame kuti amulagize ibitendantu binene kuita byebi, kuti mukomoke. 21Sinagwe ni Tata abusa ababa lafwi no kubawa bumi, no Mwana kame awa ubumi kwa baba ashaka. 22Tata ta atuli umuntu, kono naga wa Mwana kuatula ibintu byonse. 23Kuti bonse bakutike Mwana sinagwe ubu bakutikila Tata. Uju takutiki Mwana takutiki na Tata uju naga ni tuma.
24“Nicote nasa milugwila buti, uju ashugwa ijwi lyangu no kuzumina kwa jojo alanitumi kuti agwane ubumi tabumani. Tana batulwe, kono kale balazwi mu, lufu kuja mubumi. 25Kaniti niti kame nimi lugwila buti, inako kame kuti najikeze jejo abafu ao nabashugwe ijwi lyo Mwana Nyambe aba saka bali shugwe kuti babuke. 26Sinagwe Tata akwesi ubumi kwakwe no Mwana bulyo kame nagawa ubumi kwakwe. 27Kame ala muwi ubu jendesi jo kuatula, ukuti ndeje Mwana Muntu. 28Muleke ku komokwa kwa jeji intaba, inako kame jikeza jababo bali mu mabita bonse kuti bashugwe ijwi lyakwe, 29kuti babuke aba balatendi ibilotu bazikukile bumi, babo bala tendi bibi bazikukile inkatulo. 30“Ime nenke takuli ici ni botele ukutenda, kame niatula ubu nishugwila kame inkatulo jangu jili lukite kakuli tani tendi ici cijelele kwangu kono kame nitenda icici botele kwa Tata uju alanitumi.
Ubumpaki kuja ka Jesu
31“Ati nanili paka ime mwini, ubu paki bwangu tali bwa conse. 32Jumwinya kwali uju apaka byangu, mi nili zekelele buti ubu mpaki ubu ani mpaka nabo bwa cote. 33Nagwa tuma abatumgwa kwa Joani, mi naje naga mpaka bya cote. 34Tali buti, nila zumina ubu mpaki bo muntu, kono kame niji tungulula bulyo buti mujojeswe. 35Joani kali ituba kali jaka no kuwa ituba, mi namwa lishalila inako jo kulikola ituba lyakwe. 36“Nili kwesi ubu mpaki buita bwa Joani. Ku misebezi jejo naga niwa Tata kumaninina, imisebezi iji nikwesi kutenda jila bonisa buti ni Tata uju naga nituma. 37Mi Tata uju naga ni tuma ali ni zekelele. Kono taa mwa shugwa ijwi lyakwe kampa kubona inkumo jakwe, 38Mi ijwi lyakwe tali kele kwenu, ukuti tamu zumini kwa jojo uju naga tuma. 39Mu balisise aman’olo mu bugongo ukuti kame mugaja buti momo, mulikwesi ubumi tabumani. Gaga ga man’olo aga ga paka byangu. 40Kabo kame mukana keza kwangu buti mube no bumi.
41“Tanishaki kulumbigwa ku bantu, 42kono nilimizi. Nilizi bobo tamukwesi ilato lya Nyambe mu myojo jenu. 43Nila kezi mwizina lya Tata, kono tamu nizumini, kono jumwinya ati nakeza mwizina lyakwe, kuti mumuzumine. 44Buti mugolele ukuzumina ukuti mulazumina ukulumbigwa kuzwa kwenu kono tamu shaki kulumbigwa kwazwa kwa Nyambe genke? 45Kono muleke kugaja buti, kuti kuindikiza Tata nasini. Mulegezi gwenu ni Mushe, uku jili imigajo jenu. 46Ati namwa zumina Mushe, kuti muzumine neme, ukuti naga n’ola ka byangu. 47Kono uku tamuzumini ibi naga n’ola, buti saka mugolele ukuzumina ibi ni gamba?”
Pilihan Saat Ini:
Joani 5: TBTP
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
The Word For The World International
Joani 5
5
Jesu aa oza unkosi go kugolomena ku kaziba lyo Nsabata
1Byebyo aa sebilamani, Jesu kale aja kwa Jelusalema ku mukiti gwa jumwinya bo Majuda. 2Momo mwa Jelusalema afuwi no cinzi ce ngu, ko kali kaziba ka kugigwa Betizata. Mumu shobo go Ebele, aka ka kajakilwe amandandulu go mawisizo jo binzi byajo tosanwe. 3Momo mu binzi kakulele abalwele bangi aba kabali biofu, aba ba tegena, nebo kugolomena. 4Kumwinya ingeloi lya Nyambe kali sezumukanga momo mukaziba, keza ku vwelangula menzi. Umu lwele gwe tanzi uju kashambamo momo mukaziba, amenzi aa se gala vwelauki ko kulwaluka kubulwele bonse ubu kaala. 5Momo moo kakele unkosi uju naga lwala imyaka ja 38 (makumi go tatwe ne tosanwe no totatwe). 6Jesu aa mubona nalele, kale gaziba buti unkosi kaali mulwele e nako moo jinde, kale ga mubuza, “Uli shakite uku lwaluka?”
7“Mfumu,” umulwele kale gataba, “Takuli muntu uju anitimbila mukaziba amenzi aga vwelauka. Kame nikwesi kujeleka kuti ningine mukati, jumwinya kame anitilila.”
8Jesu kale gatyo kwakwe, “Zimana! Uinde ubulo bwako, ujende.” 9Ao bulyo unkosi kale galwaluka, no kuinda ishasha lyakwe. Kame ijuba kalili lyo mukibelo, 10Amajuda kale bazumininana no kutela umukwame uju kali umulwele, “Lyeli lya mukibelo, umulao tagu tuzuminizi kuti igwe uinde ishasha lyako.”
11Kale ga bataba buti, ‘Uinde ubulo bwako ujende.’ ”
12Cwale kale bamu buza, “Nini jojo uju ala kulugwili kuti utende zezi?”
13Uju naga lwalukiswa takezi ubu akalile Jesu, kakuli kagugi ko bantu mucibaka ceco, ao Jesu kale ajobela mukati ko bantu.
14Ao bulyo Jesu kale ga mugwana mu Tempele no kutyo kwakwe, “Tegeleza, ulalwaluki aano, uleke ukutenda ubumangoju ukuti cimangoju cimwinya kuti na ciku bogwele.”
15Unkosi jojo aa kaja kale aja bugambaguza Amajuda buti ni Jesu uju naga ni lwalukisa. 16Amajuda kale batatika uku cana Jesu, ukuti naga tenda lwalukisa mwijuba lyo Nsabata. 17Jesu kale atyo kwabo buti, “Tata kame abeleka muma juba gonse, neme nili swanele kusebeza.”
18Ko kutenda bulyao Amajuda kale ba shaka ukuyaga Jesu kuita etanzi, kono tali bulyo kucola umulao gwe Nsabata, kono no kuti Nyambe nisi, kame alikwesi inguzu jilikana naja Nyambe.
Inguzu jo Mwana Muntu
19Jesu kale abataba, “Kame nimi gambaguza icote, Umwana tagoli kutenda ibintu ije mwini, bulyo agola ukutenda isi atenda.” Kebaka lyo kuti icintu conse Tata naje Mwana kucitenda. 20Tata kame ashaka Mwane no kumulagiza ibi ajelele ukutenda byonse. Kame kuti amulagize ibitendantu binene kuita byebi, kuti mukomoke. 21Sinagwe ni Tata abusa ababa lafwi no kubawa bumi, no Mwana kame awa ubumi kwa baba ashaka. 22Tata ta atuli umuntu, kono naga wa Mwana kuatula ibintu byonse. 23Kuti bonse bakutike Mwana sinagwe ubu bakutikila Tata. Uju takutiki Mwana takutiki na Tata uju naga ni tuma.
24“Nicote nasa milugwila buti, uju ashugwa ijwi lyangu no kuzumina kwa jojo alanitumi kuti agwane ubumi tabumani. Tana batulwe, kono kale balazwi mu, lufu kuja mubumi. 25Kaniti niti kame nimi lugwila buti, inako kame kuti najikeze jejo abafu ao nabashugwe ijwi lyo Mwana Nyambe aba saka bali shugwe kuti babuke. 26Sinagwe Tata akwesi ubumi kwakwe no Mwana bulyo kame nagawa ubumi kwakwe. 27Kame ala muwi ubu jendesi jo kuatula, ukuti ndeje Mwana Muntu. 28Muleke ku komokwa kwa jeji intaba, inako kame jikeza jababo bali mu mabita bonse kuti bashugwe ijwi lyakwe, 29kuti babuke aba balatendi ibilotu bazikukile bumi, babo bala tendi bibi bazikukile inkatulo. 30“Ime nenke takuli ici ni botele ukutenda, kame niatula ubu nishugwila kame inkatulo jangu jili lukite kakuli tani tendi ici cijelele kwangu kono kame nitenda icici botele kwa Tata uju alanitumi.
Ubumpaki kuja ka Jesu
31“Ati nanili paka ime mwini, ubu paki bwangu tali bwa conse. 32Jumwinya kwali uju apaka byangu, mi nili zekelele buti ubu mpaki ubu ani mpaka nabo bwa cote. 33Nagwa tuma abatumgwa kwa Joani, mi naje naga mpaka bya cote. 34Tali buti, nila zumina ubu mpaki bo muntu, kono kame niji tungulula bulyo buti mujojeswe. 35Joani kali ituba kali jaka no kuwa ituba, mi namwa lishalila inako jo kulikola ituba lyakwe. 36“Nili kwesi ubu mpaki buita bwa Joani. Ku misebezi jejo naga niwa Tata kumaninina, imisebezi iji nikwesi kutenda jila bonisa buti ni Tata uju naga nituma. 37Mi Tata uju naga ni tuma ali ni zekelele. Kono taa mwa shugwa ijwi lyakwe kampa kubona inkumo jakwe, 38Mi ijwi lyakwe tali kele kwenu, ukuti tamu zumini kwa jojo uju naga tuma. 39Mu balisise aman’olo mu bugongo ukuti kame mugaja buti momo, mulikwesi ubumi tabumani. Gaga ga man’olo aga ga paka byangu. 40Kabo kame mukana keza kwangu buti mube no bumi.
41“Tanishaki kulumbigwa ku bantu, 42kono nilimizi. Nilizi bobo tamukwesi ilato lya Nyambe mu myojo jenu. 43Nila kezi mwizina lya Tata, kono tamu nizumini, kono jumwinya ati nakeza mwizina lyakwe, kuti mumuzumine. 44Buti mugolele ukuzumina ukuti mulazumina ukulumbigwa kuzwa kwenu kono tamu shaki kulumbigwa kwazwa kwa Nyambe genke? 45Kono muleke kugaja buti, kuti kuindikiza Tata nasini. Mulegezi gwenu ni Mushe, uku jili imigajo jenu. 46Ati namwa zumina Mushe, kuti muzumine neme, ukuti naga n’ola ka byangu. 47Kono uku tamuzumini ibi naga n’ola, buti saka mugolele ukuzumina ibi ni gamba?”
Pilihan Saat Ini:
:
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
The Word For The World International