Psalms 3
3
1အို ဘုရားရှင်၊ အကျွန်ုပ်၏ ရန်သူတို့သည် များပြားလှပါ၏။ များစွာသောသူတို့သည်လည်း အကျွန်ုပ်အား ဆန့်ကျင်၍ ပုန်ကန်ထကြွကြပါ၏။ 2များစွာသောသူတို့က "ဘုရားရှင်သည် သူ့အား ကယ်တင်တော်မူမည်မဟုတ်" ဟုအကျွန်ုပ်နှင့် ပတ်သက်၍ ပြောဆိုနေကြပါ၏။ 3သို့သော် အို ဘုရားရှင်၊ ကိုယ်တော် ကျွန်ုပ်အား ကာကွယ်ဝန်းရံထားသည့် ဒိုင်းလွှားဖြစ်ပြီး အကျွန်ုပ်၏ ဘုန်းအသရေနှင့် ဦးခေါင်းအားလည်း ချီးမြှောက်တော်မူသော အရှင်ဖပါ၏။ 4ငါသည် ဘုရားရှင်ထံသို့ ကူညီမစတော်မူရန် အော်ဟစ်တောင်းလျှောက်သည့်အခါ ကိုယ်တော်သည် သန့်ရှင်းမြင့်မြတ်ရာတောင်ပေါ်မှ ငါ၏ဆုတောင်းသံကို ကြားတော်မူ၏။ 5ဘုရားရှင်သည် ငါ့အား ကွယ်ကာစောင့်ရှောက်တော်မူသောကြောင့် ငါသည် လဲလျောင်း၍ အိပ်ပျော်ရသောအခွင့်နှင့် နိုးထရသောအခွင့်ကို ရရှိ၏။ 6ငါ့အား ဆန့်ကျင်လျက်ရှိကြသော ငါ၏ပတ်ပတ်လည်တွင် ဝန်းရံထားသော လူတို့အား ငါသည် ကြောက်ရွံ့မည်မဟုတ်။ 7အို ဘုရားရှင်၊ ကြွလာတော်မူပါ။ အကျွန်ုပ်၏ ဘုရားရှင် အကျွန်ုပ်အား ကယ်တင်တော်မူပါ။ အမှန်စင်စစ် ကိုယ်တော်သည် ကျွန်ုပ်၏ ရန်သူဖြစ်ကြသူ လူအပေါင်းတို့အား ပါးကိုရိုက်၍ သူတို့၏သွားများကိုလည်း ချိုးတော်မူ၏။ 8ကယ်တင်ခြင်းသည် ဘုရားရှင်ထံတော်မှ လာခြင်းဖြစ်၏။ ကိုယ်တော်၏ ကောင်းချီမင်္ဂလာသည် ကိုယ်တော်၏လူမျိုးတော်အပေါ်သို့ သက်ရောက်ခြင်းရှိပါစေ။
Pilihan Saat Ini:
Psalms 3: TPV-RV
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.