Jestira 8
8
E Kserkseso proglas e Jevrejenđe
1Ane gova đive o caro o Kserks dija e caricaće e Jestiraće o imanje e Hamaneso, e Jevrejenđe dušmaneso. A i o Mordehaj iklilo anglo caro, golese so i Jestira vaćarda e carose so si laće vov. 2O caro uljarda pi pečatno angrustik, savi lija taro Haman, thaj dija la e Mordehajese, a i Jestira čhuta e Mordehaje te avol upravitelji pe Hamaneso imanje.
3Pale gova i Jestira palem vaćarda e carosa. Čhudija pe angle lese pingre thaj rojindoj molisada le bašo milost, te ma ćerol kova so manglja o Haman o Agagovco protiv e Jevreja. 4O caro pružisada i zlatno rovli premal i Jestira, voj uštili thaj ačhili angle leste.
5Tegani i Jestira vaćarda: “Te si e carose palo manglipe, thaj te arakhljem milost ane lese jakha, thaj te dija gođi kaj si šukar gija te ćerol pe, thaj te sem me lese palo manglipe, nek pisil pe nevo zakon savo ka ačhavol sa kova so o Haman o Agagovco, o čhavo e Hamedatineso, dija gođi thaj pisisada te mudaren pe e Jevreja ane sa e provincije e carose. 6Golese so, sar bi me šajine te dikhav o bilačhipe savo bi resola mingre narodo? Sar bi me šajine te dikhav o mudaripe mingre familijako?”
7O caro o Kserks vaćarda e caricaće e Jestiraće thaj e Mordehajese e Jevrejese: “Ek, golese so vazdija pe vasta pe Jevreja, umlade le ke vešala thaj leso imanje dijem e Jestiraće. 8Akana tumen ane caroso alav pisin aver proglas e Jevrejenđe thaj gova pečatirin e carose angrustikasa. Golese so nijekh proglas savo si pisime ane caroso alav thaj si pečatirimo lese angrustikasa, našti poništil pe.”
9Tegani, ano bištetrito (23.) đive, ano trito čhon o Sivan, akharde e carskone pisaren thaj von pisisade sa e Mordehajese zapovestura e Jevrejenđe, e upraviteljenđe, e namesnikurenđe thaj e šorutnenđe tare šelubištefta (127) provincije save si tari Indija dži o Kuš. Ani dži jekh provincija sasa bičhaldo posebno proglas savo sasa pisime premalo lil thaj premali čhib dži jekhe narodose ano carstvo e Kserkseso. Gija thaj e Jevrejenđe sasa bičhaldo proglas premale lengo lil thaj premali lenđi čhib. 10O Mordehaj pisisada e lila ano alav e caroso e Kserkseso, pečatirisada e carose angrustikasa thaj bičhalda pale glasnikura save jašin grasten save sigate prasten thaj si andari carosi štala.
11E caroso proglas mukhlja e Jevrejenđe ane dži jekh foro te ćiden pe thaj te branin po džuvdipe, te mudaren thaj te uništin e dušmanurenđe vojska il bilo save narodo il provincije save ka napadil len, te mudaren i lenđe čhaven thaj romnjen thaj te len lendar sa so isi len. 12Sa gova sasa lenđe dozvolimo ano jekh isto đive ane sa e provincije e carose e Kserksese – ane dešutrito (13.) đive ano dešudujto (12.) čhon o Adar. 13Kava prepis trubuja te avol zakon ane sa e provincije thaj te objavil pe sa e narodurenđe, sar bi e Jevreja ane gova đive avena spremna te osvetin pe pumare dušmanurenđe. 14Palo caroso zapovest e glasnikura siđarde e carose emšukare grastencar, a akava proglas sasa pisimo ani palata taro foro Suza.
15Kana o Mordehaj iklilo taro caro, pe leste sasa parne thaj plava carska šeja, bari zlatno kruna thaj purpurno ogrtači taro sano lan. A e manuša taro foro Suza dije vika tari bax thaj veselisajle. 16E Jevrejenđe kava vreme sasa baxtalo, radosno thaj veselo vreme taro baro čast. 17Ani dži jekh provincija thaj ano dži jekh foro, ano dži jekh than ane savo avilo e caroso proglas, sasa radost thaj veselje maškare Jevreja, xape thaj slavipe. Thaj but manuša tare avera narodura postanisade Jevreja golese kaj sasa len dar tare Jevreja.
Pilihan Saat Ini:
Jestira 8: GSP
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk