मत्ती किताबौ परिचय
किताबौ परिचय
इसे सेछ समाचारौ किताब मत्तीये रीक्च हो। इचे पहिला लकीङ न प्रतिज्ञा जाट्च मुक्तिदाता येशू न हो डेयार थाहा याल्हे। पूरानो कराराङ परमेश्वरै लहो भर्मी यहूदीकोलाक काट मुक्तिदाता बीर्न्हकाच प्रतिज्ञा जाट्नन्या। होसे प्रतिज्ञा चहिँ परमेश्वरै येशूकी संसाराङ बीर्न्हकार पूरा जाटा। इसे सेछ समाचार चहिँ यहूदी जाति, कुला येशूओ जन्म छाना र होसकुङ जीवन बीतडीसा होखुरीकुङ लागि मट्टै होइन तर संसारुङ पट्ट न भर्मीकुङ लागि र हो।
मत्तीये रीक्च सेछ समाचार मीङारै खाटाकार डामने। इला येशू डीन्छ लकीङ सीच र होसको फेरि जीवाम सोच कुराकुङ बयान जाट्नने। इला होसको डीन्छ, बप्तिस्मा, परीक्षा र होसकै गालीलाङ जाट्च प्रचार, शिक्षा र गेपाक्च कामकुङ विषयाङ रीक्ङने। होसको यरूशलेम नुङ्च, होला होसकै अन्तिम हप्ता बीतडीच, क्रूसाङ सीच र फेरि जीवाम सोच कुराको रीक्ङने।
इसे सेछ समाचारै येशूकी व्यवस्था र स्वर्ग राज्यौ अर्थ खोलीच अधिकार डुप्च कह्राङ्छ गुरु डेयार रीक्ङने। होसकुङ वास्टै शिक्षाको इसे बारेयाङ ले:
(१) डाँडुङ उपदेश: स्वर्ग राज्युङ भर्मीकोलाक चहडीस्च गुणकुङ बारेयाङ इला रीक्ङने (अध्याय ५-७)
(२) बाह्र जना चेलाकोलाक प्रचारौ आज्ञा (अध्याय १०)
(३) स्वर्ग राज्यौ कथाको (अध्याय १३)
(४) चेलापनौ अर्थ (अध्याय १८)
(५) छीनी पीउह्राकुङ युगौ टुङ्गो र येशू ख्रीष्ट दोस्रो खेप राछ बारेयाङ शिक्षा (अध्याय २४-२५)
टुन्छ विषय-सूची
येशू ख्रीष्टौ वंशावली र जन्म१:१–२:२३
बप्तिस्मा याछ यूहन्नौ सेवाकाइ३:१-१२
येशूओ बप्तिस्मा र परीक्षा३:१३–४:११
येशूये गालीलाङ जाट्च सेवाकाइ४:१२–१८:३५
गालील लकीङ यरूशलेमसम्म१९:१–२०:३४
यरूशलेमाङ येशूओ अन्तिम हप्ता२१:१–२७:६६
येशू सीच लकीङ जीवाम सोच र चेलाकुङ मीघ्याङ डाङ्च२८:१-२०
Pilihan Saat Ini:
मत्ती किताबौ परिचय: EMGP
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
© 2025 by Mother Tongue Translators Society and Wycliffe Bible Translators, Inc.