ईशायाह 4
4
1तैहा धैल़ी ज़ेभै नगरीए सोभ मर्ध मारी पाणै, कि दुशमण तिन्नां गलामी दी निंए, तेभै ढाकणअ साता बेटल़ी एक मर्ध संघा बोल़णअ इहअ, “खाणां-पिणां लै खटणअ हाम्हां आप्पै, झिकल़ै बी बान्हणैं हाम्हां आपणैं! तूह कर सिधअ हाम्हां संघै बैह कि हाम्हैं बोली सके कि तूह आसा म्हारअ मर्ध, अर ऐहा गल्ला लै हाम्हां शर्मिंदै निं हणअ पल़े ईंयां आसा घअरै कुंआरी बेठी दी।”
एरुशलेम नगरी बसाऊंणी भिई
2सह बगत बी एछणअ ज़ेभै बिधाता ऐहा ज़ैगा फल़दै-फुलदै डाल़-बूट भिई पज़ेरनै। तेभै इज़राईली परज़ा मांझ़ै ज़ुंण ज़िऊंदै हणैं, तिंयां हणैं खुशी अर ज़ुंण ऐहा ज़ैगा का साल-फसल निखल़णीं, तेते करनी तिन्नां बड़ैई।#जेर. 23:5; ईशा. 27:6 3ज़ुंण तेभै एरुशलेम नगरी बच़ै दै हणैं, ज़ुंण बिधाता तिन्नां धैल़ै भाल़णा लै छ़ांटै कि तिंयां ज़िऊंदै रहे, तिन्नां लै बोल़णअ पबित्र।#प्रका. 17:8; 20:15 4ईंयां गल्ला हणीं तेभै, ज़ेभै मालका नसाफ करनअ, देशे शुधी करे, सियोन नगरीए परज़ो दोश दूर करे अर तेऊ लोहू दूर करे ज़ुंण काट-मार करी एरुशलेम नगरी बहाऊअ त। 5तेभै घोर्हनै सियोन धारा अर तिधी आऐ दै सोभी लोगा प्रैंदै घणैं बादल़। धैल़ी हणीं धूँईं अर राची हणीं तेता का घणीं आग लागी दी ज़ल़दी। बिधातो प्रतप्प हणअ सारी नगरी फेर लागअ द। 6धैल़ी हणीं तिन्नां बादल़ा करै चटाक्क धुप्पै का बच़णा लै छ़ैल्ली सह हणीं पाणींए हर्हल-खर्हल अर ढिश-बागरी का शरण लणें ज़ैगा ज़ेही।
Pilihan Saat Ini:
ईशायाह 4: OSJ
Sorotan
Salin
Bandingkan
Bagikan
Ingin menyimpan sorotan di semua perangkat Anda? Daftar atau masuk
This work is licensed under Creative Commons Attribution-ShareAlike 4.0 License.