Meko 25
25
Vaũlo Aikũlya Ĩkoani yake Yĩkethukĩĩw'e nĩ Mũsumbĩ wa Loma
1Matukũ atatũ ĩtina wa Vesitasi kũvika kĩsionĩ kyake, nĩwaumie Kaisalea athi Yelũsalemu. 2Athembi anene na atongoi ma Ayuti nĩmamũtavisye kana nĩmamũsikatĩte Vaũlo. Nĩmamwĩsũvie 3ameke nesa kwa kũmũete Vaũlo Yelũsalemu, me na mũvango wa kwoveesya Vaũlo nzĩanĩ mamũae. 4Vesitasi nĩwamasũngĩie amea atĩĩ, “Vaũlo e ũsyaĩĩsyonĩ wa asikalĩ kũya Kaisalea, nakwa nĩngũsyoka kw'o o mĩtũkĩ. 5Kwoou ekai atongoi amwe menyu maendany'e nakwa Kaisalea, na ĩndĩ ethĩwa ve ũndũ mũthũku wĩkĩte mamũsikatĩe kũu.”
6Vesitasi nĩwekalile namo vandũ va mĩthenya ta nyanya kana ĩkũmi, na ĩndĩ asyoka Kaisalea. Ũnĩ ũsu nĩwekalile kĩvĩlanĩ kyake kotinĩ wa kũsilĩla makoani, na eeaa Vaũlo aetwe mbee wake. 7Yĩla Vaũlo wavikie, ala Ayuti mookĩte kuma Yelũsalemu nĩmaũngamie mamũthyũlũlũkĩte, mamũsikatĩĩa maũndũ maingĩ mathũku mo ene matatonya kũĩkĩĩthya kana nĩ ma w'o. 8Vaũlo nĩweeteteie asya atĩĩ, “Nyie vai mwĩao wa Ayuti ndũlĩte, kana ngeka ũndũ mũthũku Ĩkalũnĩ, kana kwa mũsumbĩ wa Loma.”
9Nĩvo ĩndĩ Vesitasi ayenda kwendeesya Ayuti wamũkũlilye Vaũlo atĩĩ, “Nũkwenda kũthi Yelũsalemu ũkasilĩĩlwe kw'o mbee wakwa ĩũlũ wa maũndũ asu?”
10Vaũlo amũsũngĩa amwĩa atĩĩ, “Oyu nĩũngyĩ kotinĩ wa mũsumbĩ wa Loma, vala nĩvo naĩlĩte kũsilĩlwa; vai ũndũ nĩvĩtĩsye Ayuti naw'o na we mwene nĩwĩsĩ ũu nesa. 11Ĩndĩ ngethĩwa nĩvĩtĩtye na ngeka ũndũ ũtuma nĩtw'ĩĩwa kũawa, ndiũkĩa kũawa, ĩndĩ ethĩwa vai ũndũ nĩkĩte katĩ wa maũndũ asu meũnzikatĩa, vai mũndũ waĩlĩte kũnengane kũla maĩ. Nĩenda ĩkoani yakwa yĩkethukĩĩw'e nĩ mũsumbĩ wa Loma.”
12Ĩtina wa Vesitasi kũoany'a na nzama yake, nĩwamũsũngĩie Vaũlo amwĩa atĩĩ, “Nũndũ wasya kana wĩenda ĩkoani yaku yĩkethukĩĩw'e nĩ Mũsumbĩ wa Loma, kũu nĩkw'o wĩthi.”
Vesitasi Aielesya Akiliva Ũvoo wa Vaũlo
13Ĩtina wa matukũ meana ũndũ mũna, Mũsumbĩ Akiliva na mũndũ mũka weetawa Mbanisi nĩmavikie Kaisalea kũmũthokya Vesitasi. 14Nĩmekalile kũu mĩthenya mingĩ, na kwoou Vesitasi atavya mũsumbĩ ĩũlũ wa ĩkoani ya Vaũlo amwĩa atĩĩ, “Vaa ve mũndũ watiiwe nĩ Velisi ũsyaĩĩsyonĩ wa asikalĩ. 15Yĩla naendie Yelũsalemu athembi anene na atongoi nĩmamũsikatie vala nĩĩ, na mangũlya nĩmũtw'ĩĩe kana nũvĩtĩtye. 16Nyie nakwa nĩnamasũngĩie namea kana ti kĩthĩo kya Alomi kũnengane mũndũ kwa ala mamũsikatĩte, atambĩte kũkomana namo metho kwa metho akethĩwa na mwanya wa kwĩtetea ĩũlũ wa maũndũ ala ũsikatĩwe. 17Kwoou yĩla andũ asu mookie kũu, ũnĩ ũsu ndekwananga saa nĩnekalile kĩvĩlanĩ kyakwa kotinĩ wa kũsilĩla makoani, na neeyĩaa mũndũ ũsu aetwe mbee wakwa. 18Yĩla andũ ala mamũsikatĩte mookĩlile, mayaamũsikata na maũndũ mathũku ũndũ nasũanĩaa. 19Kĩla kyaĩ vo no tũmaũndũ matetanĩasya nake ĩũlũ wa mĩĩkĩĩo yoo, na ĩũlũ wa mũndũ ũmwe wakwie weetawa Yesũ, ĩndĩ Vaũlo waasya e thayũ. 20Nĩnasaanĩiw'e ndonya kwĩkana ata na maũndũ ma mũthemba ũsu, na kwoou nakũlya Vaũlo kana nũkwenda kũthi Yelũsalemu nĩ kana akasilĩlwe kw'o ĩũlũ wa maũndũ asu. 21Ĩndĩ yĩla nake waisye nĩaekwe ũsyaĩĩsyonĩ wa asikalĩ ĩkoani yake yĩtuwe nĩ mũsumbĩ wa Loma, nyie nakwa nasya nĩasungwe nginya yĩla ngethĩwa ndonya kũmũtwaa kwa mũsumbĩ wa Loma.”
22Nĩvo ĩndĩ Akiliva wamwĩie Vesitasi atĩĩ, “Nĩngwenda kwĩw'a mũndũ ũsu nyie mwene.”
Vesitasi amũsũngĩa, “Ũkamwĩw'a ũnĩ.”
Vaũlo e mbee wa Akiliva na Mbanisi
23Mũthenya ũsu waatĩĩe Akiliva na Mbanisi nĩmookie monanĩtye ndaĩa na ũnene woo, malika nyũmbanĩ ya kũmbanĩa me na anene ma asikalĩ ma Loma, na andũ ala me nguma ma ndũa ĩsu. Vesitasi nĩweeaie Vaũlo aetwe nyũmbanĩ ĩsu. 24Nĩvo ĩndĩ Vesitasi waisye atĩĩ, “Kwa Mũsumbĩ Akiliva na andũ onthe ala mwĩ vaa, mũndũ ũũ mũkwona vaa nĩwasikatiwe kwakwa nĩ Ayuti onthe ma Yelũsalemu na ma kũũ Kaisalea, mayasya kana ndaĩlĩte kwĩthĩwa thayũ. 25Ĩndĩ nyie ndyaaona ĩvĩtyo wĩkĩte yĩtuma oawa, na nũndũ nũnakũlilye ĩkoani yake yĩkethukĩĩw'e nĩ mũsumbĩ wa Loma, nyie navanga kũmũtwaa kũu. 26Ĩndĩ nyie ndi na kĩndũ ndonya kũandĩkĩa mũsumbĩ wa Loma ĩũlũ wake, na kwoou nĩnamũete mbee wenyu, na mũno mũno mbee waku we Mũsumbĩ Akiliva, nĩ kana ĩtina wa kũmũkũlya makũlyo nĩthĩwe na kĩndũ ndonya kũandĩka. 27Ndikwona wĩ waĩlu kũtwaa mwovwa kwa mũsumbĩ wa Loma vate kwonany'a asikatĩĩtwe kyaũ.”
Pilihan Saat Ini:
Meko 25: KAMBA
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
BIBLE SOCIETY OF KENYA © 2011
Meko 25
25
Vaũlo Aikũlya Ĩkoani yake Yĩkethukĩĩw'e nĩ Mũsumbĩ wa Loma
1Matukũ atatũ ĩtina wa Vesitasi kũvika kĩsionĩ kyake, nĩwaumie Kaisalea athi Yelũsalemu. 2Athembi anene na atongoi ma Ayuti nĩmamũtavisye kana nĩmamũsikatĩte Vaũlo. Nĩmamwĩsũvie 3ameke nesa kwa kũmũete Vaũlo Yelũsalemu, me na mũvango wa kwoveesya Vaũlo nzĩanĩ mamũae. 4Vesitasi nĩwamasũngĩie amea atĩĩ, “Vaũlo e ũsyaĩĩsyonĩ wa asikalĩ kũya Kaisalea, nakwa nĩngũsyoka kw'o o mĩtũkĩ. 5Kwoou ekai atongoi amwe menyu maendany'e nakwa Kaisalea, na ĩndĩ ethĩwa ve ũndũ mũthũku wĩkĩte mamũsikatĩe kũu.”
6Vesitasi nĩwekalile namo vandũ va mĩthenya ta nyanya kana ĩkũmi, na ĩndĩ asyoka Kaisalea. Ũnĩ ũsu nĩwekalile kĩvĩlanĩ kyake kotinĩ wa kũsilĩla makoani, na eeaa Vaũlo aetwe mbee wake. 7Yĩla Vaũlo wavikie, ala Ayuti mookĩte kuma Yelũsalemu nĩmaũngamie mamũthyũlũlũkĩte, mamũsikatĩĩa maũndũ maingĩ mathũku mo ene matatonya kũĩkĩĩthya kana nĩ ma w'o. 8Vaũlo nĩweeteteie asya atĩĩ, “Nyie vai mwĩao wa Ayuti ndũlĩte, kana ngeka ũndũ mũthũku Ĩkalũnĩ, kana kwa mũsumbĩ wa Loma.”
9Nĩvo ĩndĩ Vesitasi ayenda kwendeesya Ayuti wamũkũlilye Vaũlo atĩĩ, “Nũkwenda kũthi Yelũsalemu ũkasilĩĩlwe kw'o mbee wakwa ĩũlũ wa maũndũ asu?”
10Vaũlo amũsũngĩa amwĩa atĩĩ, “Oyu nĩũngyĩ kotinĩ wa mũsumbĩ wa Loma, vala nĩvo naĩlĩte kũsilĩlwa; vai ũndũ nĩvĩtĩsye Ayuti naw'o na we mwene nĩwĩsĩ ũu nesa. 11Ĩndĩ ngethĩwa nĩvĩtĩtye na ngeka ũndũ ũtuma nĩtw'ĩĩwa kũawa, ndiũkĩa kũawa, ĩndĩ ethĩwa vai ũndũ nĩkĩte katĩ wa maũndũ asu meũnzikatĩa, vai mũndũ waĩlĩte kũnengane kũla maĩ. Nĩenda ĩkoani yakwa yĩkethukĩĩw'e nĩ mũsumbĩ wa Loma.”
12Ĩtina wa Vesitasi kũoany'a na nzama yake, nĩwamũsũngĩie Vaũlo amwĩa atĩĩ, “Nũndũ wasya kana wĩenda ĩkoani yaku yĩkethukĩĩw'e nĩ Mũsumbĩ wa Loma, kũu nĩkw'o wĩthi.”
Vesitasi Aielesya Akiliva Ũvoo wa Vaũlo
13Ĩtina wa matukũ meana ũndũ mũna, Mũsumbĩ Akiliva na mũndũ mũka weetawa Mbanisi nĩmavikie Kaisalea kũmũthokya Vesitasi. 14Nĩmekalile kũu mĩthenya mingĩ, na kwoou Vesitasi atavya mũsumbĩ ĩũlũ wa ĩkoani ya Vaũlo amwĩa atĩĩ, “Vaa ve mũndũ watiiwe nĩ Velisi ũsyaĩĩsyonĩ wa asikalĩ. 15Yĩla naendie Yelũsalemu athembi anene na atongoi nĩmamũsikatie vala nĩĩ, na mangũlya nĩmũtw'ĩĩe kana nũvĩtĩtye. 16Nyie nakwa nĩnamasũngĩie namea kana ti kĩthĩo kya Alomi kũnengane mũndũ kwa ala mamũsikatĩte, atambĩte kũkomana namo metho kwa metho akethĩwa na mwanya wa kwĩtetea ĩũlũ wa maũndũ ala ũsikatĩwe. 17Kwoou yĩla andũ asu mookie kũu, ũnĩ ũsu ndekwananga saa nĩnekalile kĩvĩlanĩ kyakwa kotinĩ wa kũsilĩla makoani, na neeyĩaa mũndũ ũsu aetwe mbee wakwa. 18Yĩla andũ ala mamũsikatĩte mookĩlile, mayaamũsikata na maũndũ mathũku ũndũ nasũanĩaa. 19Kĩla kyaĩ vo no tũmaũndũ matetanĩasya nake ĩũlũ wa mĩĩkĩĩo yoo, na ĩũlũ wa mũndũ ũmwe wakwie weetawa Yesũ, ĩndĩ Vaũlo waasya e thayũ. 20Nĩnasaanĩiw'e ndonya kwĩkana ata na maũndũ ma mũthemba ũsu, na kwoou nakũlya Vaũlo kana nũkwenda kũthi Yelũsalemu nĩ kana akasilĩlwe kw'o ĩũlũ wa maũndũ asu. 21Ĩndĩ yĩla nake waisye nĩaekwe ũsyaĩĩsyonĩ wa asikalĩ ĩkoani yake yĩtuwe nĩ mũsumbĩ wa Loma, nyie nakwa nasya nĩasungwe nginya yĩla ngethĩwa ndonya kũmũtwaa kwa mũsumbĩ wa Loma.”
22Nĩvo ĩndĩ Akiliva wamwĩie Vesitasi atĩĩ, “Nĩngwenda kwĩw'a mũndũ ũsu nyie mwene.”
Vesitasi amũsũngĩa, “Ũkamwĩw'a ũnĩ.”
Vaũlo e mbee wa Akiliva na Mbanisi
23Mũthenya ũsu waatĩĩe Akiliva na Mbanisi nĩmookie monanĩtye ndaĩa na ũnene woo, malika nyũmbanĩ ya kũmbanĩa me na anene ma asikalĩ ma Loma, na andũ ala me nguma ma ndũa ĩsu. Vesitasi nĩweeaie Vaũlo aetwe nyũmbanĩ ĩsu. 24Nĩvo ĩndĩ Vesitasi waisye atĩĩ, “Kwa Mũsumbĩ Akiliva na andũ onthe ala mwĩ vaa, mũndũ ũũ mũkwona vaa nĩwasikatiwe kwakwa nĩ Ayuti onthe ma Yelũsalemu na ma kũũ Kaisalea, mayasya kana ndaĩlĩte kwĩthĩwa thayũ. 25Ĩndĩ nyie ndyaaona ĩvĩtyo wĩkĩte yĩtuma oawa, na nũndũ nũnakũlilye ĩkoani yake yĩkethukĩĩw'e nĩ mũsumbĩ wa Loma, nyie navanga kũmũtwaa kũu. 26Ĩndĩ nyie ndi na kĩndũ ndonya kũandĩkĩa mũsumbĩ wa Loma ĩũlũ wake, na kwoou nĩnamũete mbee wenyu, na mũno mũno mbee waku we Mũsumbĩ Akiliva, nĩ kana ĩtina wa kũmũkũlya makũlyo nĩthĩwe na kĩndũ ndonya kũandĩka. 27Ndikwona wĩ waĩlu kũtwaa mwovwa kwa mũsumbĩ wa Loma vate kwonany'a asikatĩĩtwe kyaũ.”
Pilihan Saat Ini:
:
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
BIBLE SOCIETY OF KENYA © 2011