Meko 24
24
Ayuti Maimũsikata Vaũlo vala ve Velisi
1Ĩtina wa mĩthenya ĩtano, Anania Mũthembi ũla Mũnene nĩwaendie Kaisalea e na atumĩa amwe na wokili weetawa Telitulo. Nĩmaendie mbee wa ngavana mamũtavya kĩla masikatĩĩte Vaũlo. 2Yĩla Vaũlo weetiwe alike, Telitulo nĩwambĩĩie kũelesya kĩla mamũsikatĩe ayasya atĩĩ,
“Mũkumye Velisi, nũndũ wa ũtongoi waku mũseo, nĩtwĩthĩĩtwe na ĩvinda ĩasa ya mũuo, na o ta ũu nĩkwĩthĩĩtwe na maũalyũku ma kwĩka nthĩ ĩno yaitũ nesa. 3Ithyĩ andũ ma kĩla vandũ nĩtũũkũtũngĩa mũvea kwa nzĩa syonthe nũndũ wa maũndũ asu. 4Nayu ndekwenda kwananga ĩvinda yaku, nĩngũũkũlya kwa ndaĩa ũtwĩthukĩĩsye o vanini. 5#Meko 23.6; Avi 3.5 Tũneethĩie mũndũ ũũ nĩ mũndũ wa ithokoo; okĩlĩtye ithokoo katĩ wa Ayuti kĩla vandũ ĩũlũ wa nthĩ. O ta ũu nĩ mũtongoi wa kĩla kyama kya Anasaleti. 6O na nũnendaa kũvukya Ĩkalũ ĩndĩ twamũkwata, [na tũnaĩ tũmũsilĩle kwĩanana na mĩao yaitũ, 7ĩndĩ Lisiasi, ũla mũnene wa asikalĩ ma Loma, ooka na amũvenana na kaũ mwingĩ kuma vala tũĩ. 8Nĩvo ĩndĩ ũneeaĩie ala manamũsikatĩte moke kwaku.]#24.8 Maandĩko amwe ma tene ma Ndeto ya Ngai nĩmatiĩte mĩsoa ĩno Kwa kũmũkũlya makũlyo we mwene nũũmanya kuma vala ũĩ kĩla tũmũsikatĩe.” 9#Meko 8.3; 22.4-5 Ayuti ala maĩ vau o namo nĩmeekĩie ndeto sya Telitulo vinya, masya kana maũndũ onthe ala waneena nĩ ma w'o.
Vaũlo Ayĩtetea e mbee wa Velisi
10Ngavana nĩwamwonisye Vaũlo na kw'oko aneene, nake Vaũlo asya atĩĩ,
“Nĩnĩsĩ kana wĩthĩĩtwe wĩ mũsili wa mbaĩ ĩno vandũ va myaka mingĩ, kwoou nĩ na ũtanu ngĩtetea mbee waku. 11We mwene ũkakũlya no ũmanye kana ti vathelu mĩthenya ĩkũmi na ĩlĩ kuma nathi Yelũsalemu kũthaitha. 12Andũ aa manzikatĩte mayaambĩthĩa ngĩneenany'a na mũndũ kana ngĩa andũ mokĩlye ithokoo Ĩkalũnĩ, kana nyũmbanĩ ya Ayuti ya kũthaithĩa na kũmbanĩa, kana o vandũ vangĩ nthĩnĩ wa ndũa. 13O na maitonya ũkũĩkĩĩthya kana maũndũ asu meũnzikatĩa kwaku nĩ ma w'o. 14Ĩndĩ kĩla nyie ngwĩtĩkĩla mbee waku nĩ kĩĩ: Nyie nĩthaithaa Ngai wa aaũmae maitũ, kwa kũatĩĩa ĩla Nzĩa Mwĩai woonanisye ĩla mo mekwĩta kyama. O ta ũu nĩnĩĩkĩĩaa maũndũ onthe ala mekwosana na Mĩao ya Mwose, kana maandĩkĩtwe mavukunĩ ma Athani. 15Nĩna wĩkwatyo nthĩnĩ wa Ngai, wĩkwatyo o ũla andũ aa o namo me naw'o, wa kana kũkeethĩwa na ũthayũũkyo wa andũ ala alũngalu, o vamwe na ala mate alũngalu. 16Kwoou nyie nĩndataa na vinya kwĩkalya ngoo yakwa yĩ ntheu mbee wa Ngai na mbee wa andũ.
17“Ĩtina wa kwĩkala nza wa mũsyĩ wa Yelũsalemu vandũ va myaka mingĩ, nĩnasyokie kũu nĩtwae ũtethyo kwa andũ ma mbaĩ yaitũ, na ngyumya nthembo. 18Nĩendee na kwĩka ũu, nĩmambĩthĩie Ĩkalũnĩ nĩnamina kwĩthesya, na vau vayaĩ ĩkomano kana ithokoo. 19Ĩndĩ vaĩ Ayuti amwe maĩ ma kuma nthĩ ya Asia, na nĩmaĩlĩte kwĩthĩwa vaa mbee waku maneene ethĩwa me na ũndũ matonya kũnzikatĩa. 20#Meko 9.20; 28.29 Kana ũekane na aa me vaa mawete nĩ ĩvĩtyo yaũ meethĩie nĩkĩte yĩla nasilĩlawa mbee wa nzama, 21eka o kĩndũ kĩmwe naneenie na wasya mũnene nĩũngeme mbee woo nasya, ‘Atĩ nĩ kwondũ wa kũĩkĩĩa kana kũkeethĩwa na ũthayũũkyo wa akw'ũ nyie ngũsilĩlwa ũmũnthĩ mbee wenyu!’ ”
22Nĩvo ĩndĩ Velisi, nũndũ nĩweesĩ nesa maũndũ ma ĩla Nzĩa Mwĩai woonanisye, wakũĩĩisye ĩkoani yĩu asya atĩĩ, “Ngaumya ũtw'ĩo wa ĩkoani yĩĩ yenyu Lisiasi ũla mũnene wa asikalĩ ngili ooka kũũ.” 23#Ĩsa 42.6; 49.6; 1Ako 15.20 Nĩweeaĩie mũnene wa asikalĩ ĩana nĩaie Vaũlo ũsyaĩĩsyonĩ wa asikalĩ, ĩndĩ ethĩawe na ũthasyo mũna, na anyanyae make maikasiĩĩawe maimũtetheesya mavatanĩ make.
Vaũlo e Mbee wa Velisi na Ndulusila
24Ĩtina wa mĩthenya mĩvũthũ, Velisi nĩwookie na mũka wake Ndulusila ũla waĩ Mũyuti na atũmana Vaũlo. Nĩweethukĩĩisye Vaũlo aineena ĩũlũ wa kwĩthĩwa na mũĩkĩĩo nthĩnĩ wa Klĩsto Yesũ. 25Ĩndĩ yĩla Vaũlo wambĩĩie kũneena ĩũlũ wa sila wa katĩ, ĩũlũ wa wĩting'o na ũsilĩlo ũla ũkoka, Velisi nĩwakwatiwe nĩ w'ĩa na amwĩa atĩĩ, “We, amba kũthi; nakwata mwanya ngakwĩta ĩngĩ.” 26Ĩvindanĩ o yĩu Velisi oonaa Vaũlo ta ũtonya kũmũnenga mbesa, na kwoou nĩwamwĩtangaa mavinda kwa mavinda makaea ngewa.
27Ĩtina wa myaka ĩlĩ, Volikio Vesitasi nĩwalikile kĩlionĩ kya Velisi ta ngavana. Velisi ayenda endeesye Ayuti nĩwatiie Vaũlo yela.
Pilihan Saat Ini:
Meko 24: KAMBA
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
BIBLE SOCIETY OF KENYA © 2011
Meko 24
24
Ayuti Maimũsikata Vaũlo vala ve Velisi
1Ĩtina wa mĩthenya ĩtano, Anania Mũthembi ũla Mũnene nĩwaendie Kaisalea e na atumĩa amwe na wokili weetawa Telitulo. Nĩmaendie mbee wa ngavana mamũtavya kĩla masikatĩĩte Vaũlo. 2Yĩla Vaũlo weetiwe alike, Telitulo nĩwambĩĩie kũelesya kĩla mamũsikatĩe ayasya atĩĩ,
“Mũkumye Velisi, nũndũ wa ũtongoi waku mũseo, nĩtwĩthĩĩtwe na ĩvinda ĩasa ya mũuo, na o ta ũu nĩkwĩthĩĩtwe na maũalyũku ma kwĩka nthĩ ĩno yaitũ nesa. 3Ithyĩ andũ ma kĩla vandũ nĩtũũkũtũngĩa mũvea kwa nzĩa syonthe nũndũ wa maũndũ asu. 4Nayu ndekwenda kwananga ĩvinda yaku, nĩngũũkũlya kwa ndaĩa ũtwĩthukĩĩsye o vanini. 5#Meko 23.6; Avi 3.5 Tũneethĩie mũndũ ũũ nĩ mũndũ wa ithokoo; okĩlĩtye ithokoo katĩ wa Ayuti kĩla vandũ ĩũlũ wa nthĩ. O ta ũu nĩ mũtongoi wa kĩla kyama kya Anasaleti. 6O na nũnendaa kũvukya Ĩkalũ ĩndĩ twamũkwata, [na tũnaĩ tũmũsilĩle kwĩanana na mĩao yaitũ, 7ĩndĩ Lisiasi, ũla mũnene wa asikalĩ ma Loma, ooka na amũvenana na kaũ mwingĩ kuma vala tũĩ. 8Nĩvo ĩndĩ ũneeaĩie ala manamũsikatĩte moke kwaku.]#24.8 Maandĩko amwe ma tene ma Ndeto ya Ngai nĩmatiĩte mĩsoa ĩno Kwa kũmũkũlya makũlyo we mwene nũũmanya kuma vala ũĩ kĩla tũmũsikatĩe.” 9#Meko 8.3; 22.4-5 Ayuti ala maĩ vau o namo nĩmeekĩie ndeto sya Telitulo vinya, masya kana maũndũ onthe ala waneena nĩ ma w'o.
Vaũlo Ayĩtetea e mbee wa Velisi
10Ngavana nĩwamwonisye Vaũlo na kw'oko aneene, nake Vaũlo asya atĩĩ,
“Nĩnĩsĩ kana wĩthĩĩtwe wĩ mũsili wa mbaĩ ĩno vandũ va myaka mingĩ, kwoou nĩ na ũtanu ngĩtetea mbee waku. 11We mwene ũkakũlya no ũmanye kana ti vathelu mĩthenya ĩkũmi na ĩlĩ kuma nathi Yelũsalemu kũthaitha. 12Andũ aa manzikatĩte mayaambĩthĩa ngĩneenany'a na mũndũ kana ngĩa andũ mokĩlye ithokoo Ĩkalũnĩ, kana nyũmbanĩ ya Ayuti ya kũthaithĩa na kũmbanĩa, kana o vandũ vangĩ nthĩnĩ wa ndũa. 13O na maitonya ũkũĩkĩĩthya kana maũndũ asu meũnzikatĩa kwaku nĩ ma w'o. 14Ĩndĩ kĩla nyie ngwĩtĩkĩla mbee waku nĩ kĩĩ: Nyie nĩthaithaa Ngai wa aaũmae maitũ, kwa kũatĩĩa ĩla Nzĩa Mwĩai woonanisye ĩla mo mekwĩta kyama. O ta ũu nĩnĩĩkĩĩaa maũndũ onthe ala mekwosana na Mĩao ya Mwose, kana maandĩkĩtwe mavukunĩ ma Athani. 15Nĩna wĩkwatyo nthĩnĩ wa Ngai, wĩkwatyo o ũla andũ aa o namo me naw'o, wa kana kũkeethĩwa na ũthayũũkyo wa andũ ala alũngalu, o vamwe na ala mate alũngalu. 16Kwoou nyie nĩndataa na vinya kwĩkalya ngoo yakwa yĩ ntheu mbee wa Ngai na mbee wa andũ.
17“Ĩtina wa kwĩkala nza wa mũsyĩ wa Yelũsalemu vandũ va myaka mingĩ, nĩnasyokie kũu nĩtwae ũtethyo kwa andũ ma mbaĩ yaitũ, na ngyumya nthembo. 18Nĩendee na kwĩka ũu, nĩmambĩthĩie Ĩkalũnĩ nĩnamina kwĩthesya, na vau vayaĩ ĩkomano kana ithokoo. 19Ĩndĩ vaĩ Ayuti amwe maĩ ma kuma nthĩ ya Asia, na nĩmaĩlĩte kwĩthĩwa vaa mbee waku maneene ethĩwa me na ũndũ matonya kũnzikatĩa. 20#Meko 9.20; 28.29 Kana ũekane na aa me vaa mawete nĩ ĩvĩtyo yaũ meethĩie nĩkĩte yĩla nasilĩlawa mbee wa nzama, 21eka o kĩndũ kĩmwe naneenie na wasya mũnene nĩũngeme mbee woo nasya, ‘Atĩ nĩ kwondũ wa kũĩkĩĩa kana kũkeethĩwa na ũthayũũkyo wa akw'ũ nyie ngũsilĩlwa ũmũnthĩ mbee wenyu!’ ”
22Nĩvo ĩndĩ Velisi, nũndũ nĩweesĩ nesa maũndũ ma ĩla Nzĩa Mwĩai woonanisye, wakũĩĩisye ĩkoani yĩu asya atĩĩ, “Ngaumya ũtw'ĩo wa ĩkoani yĩĩ yenyu Lisiasi ũla mũnene wa asikalĩ ngili ooka kũũ.” 23#Ĩsa 42.6; 49.6; 1Ako 15.20 Nĩweeaĩie mũnene wa asikalĩ ĩana nĩaie Vaũlo ũsyaĩĩsyonĩ wa asikalĩ, ĩndĩ ethĩawe na ũthasyo mũna, na anyanyae make maikasiĩĩawe maimũtetheesya mavatanĩ make.
Vaũlo e Mbee wa Velisi na Ndulusila
24Ĩtina wa mĩthenya mĩvũthũ, Velisi nĩwookie na mũka wake Ndulusila ũla waĩ Mũyuti na atũmana Vaũlo. Nĩweethukĩĩisye Vaũlo aineena ĩũlũ wa kwĩthĩwa na mũĩkĩĩo nthĩnĩ wa Klĩsto Yesũ. 25Ĩndĩ yĩla Vaũlo wambĩĩie kũneena ĩũlũ wa sila wa katĩ, ĩũlũ wa wĩting'o na ũsilĩlo ũla ũkoka, Velisi nĩwakwatiwe nĩ w'ĩa na amwĩa atĩĩ, “We, amba kũthi; nakwata mwanya ngakwĩta ĩngĩ.” 26Ĩvindanĩ o yĩu Velisi oonaa Vaũlo ta ũtonya kũmũnenga mbesa, na kwoou nĩwamwĩtangaa mavinda kwa mavinda makaea ngewa.
27Ĩtina wa myaka ĩlĩ, Volikio Vesitasi nĩwalikile kĩlionĩ kya Velisi ta ngavana. Velisi ayenda endeesye Ayuti nĩwatiie Vaũlo yela.
Pilihan Saat Ini:
:
Sorotan
Bagikan
Salin
Ingin menyimpan sorotan di semua perangkat Anda? Daftar atau masuk
BIBLE SOCIETY OF KENYA © 2011