Baroma 14
14
Ukhakhalila Uwashoowo Kumusaango ta
1 #
Kol 2.16
Umuundu uli umutoro mu khufukiilila n'aba wetsile isi muli, ni mumwakaanile akhali khukhaandisana ni naye khu byeesi mwambaasa ta. 2Babaandu balala banyala khuuba ni khufukiilila khubanyalisisa khuulya buli shishiindu shoosi. Ne umuundu umutoro anyala khuuba nga alya tsinyenyi tsimali tsonyene. 3Umuundu ulya buli shishiindu shoosi, akhalekelesa uyo ukhalya bibiindu bilala ta. Ni nooyo naye ukhalya bibiindu bilala ta, akhalekelesa uyo ulya buli shishiindu ta. Khulwekhuba Wele umweene wamala khaale khubafukiilisa. 4Ne iwe niye naanu ukhalila umwakaanisi wabeene kumusaango? Umukoosi weewe niye ukane akhalewo, oba umwakaanisi ali umutuufu mu byeesi akhola namwe ta. Ne umwakaanisi uyo singane akhasikhane ta, khulwekhuba Umukoosi ali ni bunyala bwe khumuyeeta khurura mu byonako byeewe.
5Umuundu umulala ambaasa ari bifukhu bilala bili bye shiriifwa khuminyisakho bibindi. Ne ukuundi wambaasa ari bifukhu byoosi bilekhaana. Buli mundu shaakha amanyile ilala sheesi ambaasa. 6Uyo uyila bifukhu bilala khuuba bikhulu, akhola shino khulw'Omukasya. Ni n'oyo ulya, alya nga esamo Umukasya shiriifwa. Khulwekhuba aba asiima Umukasya khulwe biilyo. Akhaba uyo ukhalya bibiindu bilala ta, alekha khubilya khulwe khukhwisamo Umukasya shiriifwa, nalundi aba asiima Wele. 7Imbaawo na mutweela khusi ifwe uba umulamu khulweewe yenyene ta, namwe ufwa khulweewe yenyene ta. 8Noola khuba balamu, khuba balamu nga b'Omukasya. Noola khufwa, khufwa nga b'Omukasya. Nashiryo, oba khuli balamu, namwe oba khufwa, khuli b'Omukasya. 9Khulwekhuba Kristu afwa, lwanyuma walamukha khukhwaama mu bafu, nio abe Umukasya uwe baafu ni balamu. 10#2 Kor 5.10Khulwashiina ukhalila umufukiilisi uwashoowo kumusaango? Namwe khulwashiina kila ulekelesa uwashoowo? Khulwekhuba fweesi khukheeme mu moni tse shitsoloŋo sha Wele she khukhalilakho kimisaango. 11#Isay 45.23Nga bibyaronebwa bikhosefu ni biloma biri,
“Umukasya aloma ari, khukhwaama nga n'indi Wele umulamu,
buli lisikamo kane lifukhamile ise,
na buli lulimi lulimbuyila ise.”
12Nashiryo buli mutweela khusi ifwe umweene aliikanikhakho isi Wele.
Iwe ukhakila uwashoowo wakhola bibyonako ta
13Ari lekha buli mutweela akamise khukhalila uwasheewe kumusaango. Ne akhali ndi lekha buli mutweela akhalewo khulekha khuratsakawo she khuseya uwashe ta, namwe khulekha khurawo kumureko kukukila wakhola bibyonako ta. 14Ise naashimanya nalundi imandalasila ilala, khubirira mu Mukasya Yezu ndi, imbaawo she khulya shishiili she kumusilo khu bwasho busa ta. Khurusakho shiba she kumusilo isi uyo uwambaasa ari shili she kumusilo. 15Ne noola sheesi iwe ulya shireerera umufukiilisi uwashoowo khumurunyisa, iwe ushikholile uba s'uli ni khukana ta. Ukhakila sheesi iwe ulya shonakisa umuundu ta, khulwekhuba Kristu afwilila umuundu uyo. 16Ukhakila shishiindu shishiili shilayi shalaangibwa khuuba shiibi ta. 17Khulwekhuba Buyiinga bwa Wele si buwaamba busa khu bye khuulya ni bye khuunywa ta. Akhali bumanyisa bukwalaafu, ni lukoosi ni kumwikhoyo kweesi Mwoyo Umukhosefu areera. 18Umuundu uwakaanisa Kristu musaambo indayi yino, Wele amwikhoyela, nalundi ni babaandu bamusiima.
19Nashiryo lekha khulondelele ibyo bibiireera lukoosi, nalundi bibiiyeeta buli mutweela khukhwikyela umuundu umulayi. 20Biilyo byonyene bikhakila wonakisa buraambi bwa Wele ta. Biilyo byoosi bili bilayi, ne shiba shiibi iwe khukila umuundu wakhola shishonako, khulwekhubeela iwe byeesi ulya. 21Se shiba shilayi iwe khuulya inyama, namwe wanywa iviini, namwe wakhola shishiindu shoosi shishikila umufukiilisi uwashoowo wakwa mu byonako ta. 22Khufukiilila khwoowo khweesi uli ni nakhwo khu biindu bino, khuliindile akari owo ni Wele. Nga bali ni khabi abo babamanya bari si balikho ni kumusaango kwoosi ta, singa baba bakhalilewo khukhola shishiindu shilayi. 23Ne uyo yeesi ulya shishiindu nga ekanakana, Wele ali mukhalila kumusaango, khulwekhuba aba s'alikho akhola shino nga alondelela bye khufukiilila ta. Khulwekhuba buli shoosi shishikhaama mu khufukiilila ta, shiba shishonako.
Pilihan Saat Ini:
Baroma 14: LCE
Sorotan
Salin
Bandingkan
Bagikan
Ingin menyimpan sorotan di semua perangkat Anda? Daftar atau masuk
Lumasaaba Catholic Bible © The Bible Society of Uganda, 2017.
Baroma 14
14
Ukhakhalila Uwashoowo Kumusaango ta
1 #
Kol 2.16
Umuundu uli umutoro mu khufukiilila n'aba wetsile isi muli, ni mumwakaanile akhali khukhaandisana ni naye khu byeesi mwambaasa ta. 2Babaandu balala banyala khuuba ni khufukiilila khubanyalisisa khuulya buli shishiindu shoosi. Ne umuundu umutoro anyala khuuba nga alya tsinyenyi tsimali tsonyene. 3Umuundu ulya buli shishiindu shoosi, akhalekelesa uyo ukhalya bibiindu bilala ta. Ni nooyo naye ukhalya bibiindu bilala ta, akhalekelesa uyo ulya buli shishiindu ta. Khulwekhuba Wele umweene wamala khaale khubafukiilisa. 4Ne iwe niye naanu ukhalila umwakaanisi wabeene kumusaango? Umukoosi weewe niye ukane akhalewo, oba umwakaanisi ali umutuufu mu byeesi akhola namwe ta. Ne umwakaanisi uyo singane akhasikhane ta, khulwekhuba Umukoosi ali ni bunyala bwe khumuyeeta khurura mu byonako byeewe.
5Umuundu umulala ambaasa ari bifukhu bilala bili bye shiriifwa khuminyisakho bibindi. Ne ukuundi wambaasa ari bifukhu byoosi bilekhaana. Buli mundu shaakha amanyile ilala sheesi ambaasa. 6Uyo uyila bifukhu bilala khuuba bikhulu, akhola shino khulw'Omukasya. Ni n'oyo ulya, alya nga esamo Umukasya shiriifwa. Khulwekhuba aba asiima Umukasya khulwe biilyo. Akhaba uyo ukhalya bibiindu bilala ta, alekha khubilya khulwe khukhwisamo Umukasya shiriifwa, nalundi aba asiima Wele. 7Imbaawo na mutweela khusi ifwe uba umulamu khulweewe yenyene ta, namwe ufwa khulweewe yenyene ta. 8Noola khuba balamu, khuba balamu nga b'Omukasya. Noola khufwa, khufwa nga b'Omukasya. Nashiryo, oba khuli balamu, namwe oba khufwa, khuli b'Omukasya. 9Khulwekhuba Kristu afwa, lwanyuma walamukha khukhwaama mu bafu, nio abe Umukasya uwe baafu ni balamu. 10#2 Kor 5.10Khulwashiina ukhalila umufukiilisi uwashoowo kumusaango? Namwe khulwashiina kila ulekelesa uwashoowo? Khulwekhuba fweesi khukheeme mu moni tse shitsoloŋo sha Wele she khukhalilakho kimisaango. 11#Isay 45.23Nga bibyaronebwa bikhosefu ni biloma biri,
“Umukasya aloma ari, khukhwaama nga n'indi Wele umulamu,
buli lisikamo kane lifukhamile ise,
na buli lulimi lulimbuyila ise.”
12Nashiryo buli mutweela khusi ifwe umweene aliikanikhakho isi Wele.
Iwe ukhakila uwashoowo wakhola bibyonako ta
13Ari lekha buli mutweela akamise khukhalila uwasheewe kumusaango. Ne akhali ndi lekha buli mutweela akhalewo khulekha khuratsakawo she khuseya uwashe ta, namwe khulekha khurawo kumureko kukukila wakhola bibyonako ta. 14Ise naashimanya nalundi imandalasila ilala, khubirira mu Mukasya Yezu ndi, imbaawo she khulya shishiili she kumusilo khu bwasho busa ta. Khurusakho shiba she kumusilo isi uyo uwambaasa ari shili she kumusilo. 15Ne noola sheesi iwe ulya shireerera umufukiilisi uwashoowo khumurunyisa, iwe ushikholile uba s'uli ni khukana ta. Ukhakila sheesi iwe ulya shonakisa umuundu ta, khulwekhuba Kristu afwilila umuundu uyo. 16Ukhakila shishiindu shishiili shilayi shalaangibwa khuuba shiibi ta. 17Khulwekhuba Buyiinga bwa Wele si buwaamba busa khu bye khuulya ni bye khuunywa ta. Akhali bumanyisa bukwalaafu, ni lukoosi ni kumwikhoyo kweesi Mwoyo Umukhosefu areera. 18Umuundu uwakaanisa Kristu musaambo indayi yino, Wele amwikhoyela, nalundi ni babaandu bamusiima.
19Nashiryo lekha khulondelele ibyo bibiireera lukoosi, nalundi bibiiyeeta buli mutweela khukhwikyela umuundu umulayi. 20Biilyo byonyene bikhakila wonakisa buraambi bwa Wele ta. Biilyo byoosi bili bilayi, ne shiba shiibi iwe khukila umuundu wakhola shishonako, khulwekhubeela iwe byeesi ulya. 21Se shiba shilayi iwe khuulya inyama, namwe wanywa iviini, namwe wakhola shishiindu shoosi shishikila umufukiilisi uwashoowo wakwa mu byonako ta. 22Khufukiilila khwoowo khweesi uli ni nakhwo khu biindu bino, khuliindile akari owo ni Wele. Nga bali ni khabi abo babamanya bari si balikho ni kumusaango kwoosi ta, singa baba bakhalilewo khukhola shishiindu shilayi. 23Ne uyo yeesi ulya shishiindu nga ekanakana, Wele ali mukhalila kumusaango, khulwekhuba aba s'alikho akhola shino nga alondelela bye khufukiilila ta. Khulwekhuba buli shoosi shishikhaama mu khufukiilila ta, shiba shishonako.
Pilihan Saat Ini:
:
Sorotan
Salin
Bandingkan
Bagikan
Ingin menyimpan sorotan di semua perangkat Anda? Daftar atau masuk
Lumasaaba Catholic Bible © The Bible Society of Uganda, 2017.