Baroma 13
13
Bawuli be mu shiibala
1 #
Makh 6.3
Buli muundu ashiile awulile bawuli be mu shiibala. Khulwekhuba bunyala bwe khuba bawuli bwoosi bwama isi Wele. Ni bawuli babaaliwo Wele niye uwabarawo. 2Nashiryo uyo yeesi ukhaandisa bawuli aba alikho amiinyalila sheesi Wele amala khukhalawo. Abo babaminyaalila Wele, babeene bereerera kumusaango. 3Khulwekhuba bawuli si baliwo khulwe khuriisariisa abo babakhola bibiindu bilayi ta. Babaandu babakhola bibiindu biibi nibo babeyembeelela bawuli. Noola s'ukana khuuba ni khukhwiyembelela isi bawuli ta, khola bibiindu bilayi. Ni babaali mu buwuli kane bakhusiime. 4Khulwekhuba bawuli bali babakaanisi ba Wele, khulwe bulayi bweenywe. Ne noola uli umuundu ukhola bibiindu biibi, uli ni khukhwiyembelela be buwuli, khulwekhuba si bali ni bunyala bwa busa ta. Bunyala bulimo kamakhula kaamwo: bawuli bali babakaanisi ba Wele, nashiryo bokesanisa lirima lya Wele, isi abo babakhola buubi. 5Nashiryo khulwe ilomo yino, mwashiile khuurya bawuli, shiili bari khulwe khukhwiyembelela muri munafuna shitaambiso shishaama isi Wele ta, ne khulondekhana ni byeesi kimyoyo kyenywe kibaboolela.
6 #
Mat 22.21; Mrk 12.17; Luk 20.25 Ni khulwe lomo yino, nanywe ni muwanatsakeyo kimisolo, khulwekhuba bawuli bali babakaanisi ba Wele. Ni baba babuusa kimisolo, baba balikho bakaanisa Wele. 7Nashiryo ni muwanatsakeyo isi bawuli ibyo byoosi byeesi bakhiile khufuna. Ni muwaaneyo kimisolo isi abo babashiile khukibuusa; muwe shiriifwa isi ibo babashila khufuna shiriifwa. Ni mwokesanise khuurya isi abo beesi mwashiile khuurya.
Bufunisi bwa buli mundu isi uwashe
8Mukhabatsaka ni likobi isi umuundu yeesi ta, khurusakho likobi lye khukanana mwenyene na mwenyene. Khulwekhuba ukana uwashe aba wolelesile kamakaambila. 9#Luky 20.14; Maka 5.18 Luky 20.13; Maka 5.17 Luky 20.15; Maka 5.19 Luky 20.17; Maka 5.21 Lev 19.18Kamakaambila kaloma kari, “Ukhakhola bye buyeyani ta, ukheera ta, ukheeba ta, ukhekoomba bibiindu bya beene ta,” ni kamakaambila kakaramile koosi, bakabusilisila mu likaambila litweela liliiloma liri, “Kanatsaka umwesanwa woowo, nga ni wikana wamweene.” 10Buli mundu ukana uwasheewe, s'anyala wamukholakho buubi bwoosi ta. Nashiryo umuundu n'aba ni khukana aba wolelesile kamakaambila.
11Inywe mwamanya nga inyaanga n'ili alunaari. Mwamanya muri imbuka yoolele isi inywe mwakhiile khusisimukha khukhwaama mwiilo. Khulwekhuba buwonesi ari buli ambi, khuminyisa nga ni khwambaasa amataayi, isi khwekyelela bafukiilisi mu Wele. 12Shiilo shaweelekho, ari antsye bukana khusha. Nashiryo kha khwiyabule bikholwa bye shishilima, khukwaare bikwaaro bye khusoolanilamo mu buwaanga. 13Lekha khwibirise bulayi nga babakyeendela mu buwaanga, ne shiili nga babaali khukalulukhila mu bumeesi, namwe mu buyeyani, namwe mu lukhobe, namwe mu khulomana ni mu libuba ta. 14Ni mukwaare Umukasya Yezu Kristu, mulekhe khukhwibaasilisila mu khukhola bibyonako, khusangaasa kumubili nga ni kukana ta.
Pilihan Saat Ini:
Baroma 13: LCE
Sorotan
Salin
Bandingkan
Bagikan
Ingin menyimpan sorotan di semua perangkat Anda? Daftar atau masuk
Lumasaaba Catholic Bible © The Bible Society of Uganda, 2017.
Baroma 13
13
Bawuli be mu shiibala
1 #
Makh 6.3
Buli muundu ashiile awulile bawuli be mu shiibala. Khulwekhuba bunyala bwe khuba bawuli bwoosi bwama isi Wele. Ni bawuli babaaliwo Wele niye uwabarawo. 2Nashiryo uyo yeesi ukhaandisa bawuli aba alikho amiinyalila sheesi Wele amala khukhalawo. Abo babaminyaalila Wele, babeene bereerera kumusaango. 3Khulwekhuba bawuli si baliwo khulwe khuriisariisa abo babakhola bibiindu bilayi ta. Babaandu babakhola bibiindu biibi nibo babeyembeelela bawuli. Noola s'ukana khuuba ni khukhwiyembelela isi bawuli ta, khola bibiindu bilayi. Ni babaali mu buwuli kane bakhusiime. 4Khulwekhuba bawuli bali babakaanisi ba Wele, khulwe bulayi bweenywe. Ne noola uli umuundu ukhola bibiindu biibi, uli ni khukhwiyembelela be buwuli, khulwekhuba si bali ni bunyala bwa busa ta. Bunyala bulimo kamakhula kaamwo: bawuli bali babakaanisi ba Wele, nashiryo bokesanisa lirima lya Wele, isi abo babakhola buubi. 5Nashiryo khulwe ilomo yino, mwashiile khuurya bawuli, shiili bari khulwe khukhwiyembelela muri munafuna shitaambiso shishaama isi Wele ta, ne khulondekhana ni byeesi kimyoyo kyenywe kibaboolela.
6 #
Mat 22.21; Mrk 12.17; Luk 20.25 Ni khulwe lomo yino, nanywe ni muwanatsakeyo kimisolo, khulwekhuba bawuli bali babakaanisi ba Wele. Ni baba babuusa kimisolo, baba balikho bakaanisa Wele. 7Nashiryo ni muwanatsakeyo isi bawuli ibyo byoosi byeesi bakhiile khufuna. Ni muwaaneyo kimisolo isi abo babashiile khukibuusa; muwe shiriifwa isi ibo babashila khufuna shiriifwa. Ni mwokesanise khuurya isi abo beesi mwashiile khuurya.
Bufunisi bwa buli mundu isi uwashe
8Mukhabatsaka ni likobi isi umuundu yeesi ta, khurusakho likobi lye khukanana mwenyene na mwenyene. Khulwekhuba ukana uwashe aba wolelesile kamakaambila. 9#Luky 20.14; Maka 5.18 Luky 20.13; Maka 5.17 Luky 20.15; Maka 5.19 Luky 20.17; Maka 5.21 Lev 19.18Kamakaambila kaloma kari, “Ukhakhola bye buyeyani ta, ukheera ta, ukheeba ta, ukhekoomba bibiindu bya beene ta,” ni kamakaambila kakaramile koosi, bakabusilisila mu likaambila litweela liliiloma liri, “Kanatsaka umwesanwa woowo, nga ni wikana wamweene.” 10Buli mundu ukana uwasheewe, s'anyala wamukholakho buubi bwoosi ta. Nashiryo umuundu n'aba ni khukana aba wolelesile kamakaambila.
11Inywe mwamanya nga inyaanga n'ili alunaari. Mwamanya muri imbuka yoolele isi inywe mwakhiile khusisimukha khukhwaama mwiilo. Khulwekhuba buwonesi ari buli ambi, khuminyisa nga ni khwambaasa amataayi, isi khwekyelela bafukiilisi mu Wele. 12Shiilo shaweelekho, ari antsye bukana khusha. Nashiryo kha khwiyabule bikholwa bye shishilima, khukwaare bikwaaro bye khusoolanilamo mu buwaanga. 13Lekha khwibirise bulayi nga babakyeendela mu buwaanga, ne shiili nga babaali khukalulukhila mu bumeesi, namwe mu buyeyani, namwe mu lukhobe, namwe mu khulomana ni mu libuba ta. 14Ni mukwaare Umukasya Yezu Kristu, mulekhe khukhwibaasilisila mu khukhola bibyonako, khusangaasa kumubili nga ni kukana ta.
Pilihan Saat Ini:
:
Sorotan
Salin
Bandingkan
Bagikan
Ingin menyimpan sorotan di semua perangkat Anda? Daftar atau masuk
Lumasaaba Catholic Bible © The Bible Society of Uganda, 2017.