Job 21
21
Job
1Tua ciangin Job in dawng a:
2 "Ka kammalte limtakin ngai un;
hih pen kei nong hehnepna uh hisak un.#Job 13:17
3 Ka gen laitak na thuak keikai unla,
ka pau khit ciangin hong zahpih pan un.#Job 6:14; 11:3
4 "Kei mawhsakna mihing khat tung ahi hiam?#Job 7:11
Bang hangin lungtom lo ding ka hi hiam?#Job 6:3
5 Kei hong en unla, lamdang sa un;
na khut pekun na kam uh hum un.#Thk 18:19
6 Hih thu ka ngaihsut ciangin kei hong lausak a,#Pc 45:3
hong pumlinsak hi.
7 Bang hangin migilote nungtata lai-in
khansau-a vanglian lailai uh ahi hiam?#Job 9:24
8 Amaute in a kim a pam-ua a tate uh a khantoh lam mu uh a,
a suan a khakte uh a mitun mu uh hi.#Ph 17:14; Mal 3:15
9 A innte uh muanhuai-a launa a om kei hi;#Job 5:24
amaute in Pasian cianggolh a thuak kha kei uh hi.#Job 9:34
10 A bawngtalte uh lanlo ngei lo a;
a bawngpite un no nei denin tolh ngei lo hi.#Pk 23:26
11 Amaute in a tate uh tuuhon bangin sawlkhia uh a;#Ph 78:52
a tanote uh lam uh hi.
12 Amaute in khuangta le harp tumin la sa uh a;
tamngai aw tawh nuam sa uh hi.#Pc 4:21
13 A nuntak sung uh cihtheihna-in zang uh a,#Job 8:7
a sih uh ciangin lungnuam b#21.13 Ahikeh thakhatintakin han c#21.13 Hebrew ah Sheol a zuan uh hi.#Job 24:19
14 Tua hi napi, Pasian tungah, ‘Ko hong nawngkaisak kei in!#Job 4:17
Na lampi thei nuam kei ung.#Tp 32:15
15 A na ka sep dingun a Thahatpa kua ahi hiam?
Ama tungah thu ngen le ung bang ngah ding ka hi uh hiam?’ci uh hi.#Job 5:2
16 Ahi hangin amau cihtheihna amau khutah om lo hi;
tua ahi ciangin migilote ngaihsutna le kei aa kigamla hi.
17 "Tua hi napi migilopa’ meivak bangzah vei mit ta ahi hiam?
Amaute tungah tuahsiatna bangzah vei tung ta a,#Job 18:12
Pasian in ama hehna bangzah vei tuaksak ta hiam?#Job 20:22,28
18 Amaute bangzah vei huih mutleng buhtu bang a,
huihpi in a letmang buhsi bang uh ahi hiam?#Job 13:25; Pn 10:25
19 ‘Pasian in mi khat thuak ding, a tapate ading a kholsak hi,’ kici hi.#Pk 20:5
Amah in a theih nadingin ama tung mah ah kithuk pah hen!#Jer 25:14
20 Ama siatna ama mit mah in mu pah hen;#Pk 32:33
Thahatpenpa thangpaihna amah kidawnsak pah hen. a#21.17-20 tg. 17 le 18-te lamdang sakna in kila thei a, 19 le 20-te thu telgenna in kila thei hi.#Job 20:28
21 Ahang in, a kiciangtansaksa zahkhate a bei khit cianga#Job 14:5
a nusiat a innkuanpihte bang awlmawh nawn ahi hiam?#Job 14:22
22 "A sangpen thu nangawn a khen khit nungsang,#Job 4:18; Ph 82:1
mi khatpeuh in Pasian tungah pilna hilh thei ahi hiam?#Job 35:11
23 Mi khat a thahat pen laitakin si a,
lungmuangtakin a tawlnga hi;#Job 3:13
24 a pumpi b#21.24 Hih kammal Hebrew in kician lo hi. sadim phitphet a,
a guhte in guhtui a hau hi.
25 Midang khat khakham veisapi in si a,#Job 10:1
hoih a kici khat beek a sinkha ngei kei hi.
26 Amaute a kibangin leivui lakah lumtuak uh a,#Job 17:16
than in pumtuam tuak hi.#Job 7:5; 24:20
27 "Kei nong khialhsak nadingun na tupna uh,
na ngaihsutnate uh hoihtakin ka thei khin hi.
28 Note in, ‘Tu in miliante inn koi-ah om a,#Job 1:3
migilote tenna puanbuk koi-ah om ahi hiam?’ na ci uh hi.#Job 8:22
29 Khualzin mite dong ngei lo na hi uh hiam?
amau hong gen - tuahsiat hun ciangin migilote peng zawsop a,#Job 31:3
30 thangpaihna hun panin c#21.30 Ahikeh mi khat tuahsiatna ni adingin kikoihkhol a / amah kihukhia amah kihukhia hi,#Job 20:22
ci-a hong gente uh thusim lo na hi uh hiam?
31 Kua in a mai-ah a gamtatna va langgen ahi hiam?
a gamtatsa a thuk kik kua ahi hiam?#Job 34:11
32 Amah han lamah kipua a,
a hankhuk kicingsak hi.#Isa 14:18
33 Mualkuam a leihoih ama adingin khum a;#Job 3:22
mi khempeuh in amah zui-in,
ama mai-ah simzawh loh mihonpi pai khin d#21.33 Ahikeh sim zawh loh mihonpi a pai bangin hi.#Job 3:19
34 "Tua ahi ciangin thu gina lo peuhin kei hong hehnem zo ding na hi uh hiam?
Zuauthu longal nong dawn nading uh bangmah om nawn lo hi," a ci hi.
Pilihan Saat Ini:
Job 21: ZIV
Sorotan
Salin
Bandingkan
Bagikan
Ingin menyimpan sorotan di semua perangkat Anda? Daftar atau masuk
Copyright 1994 Myanmar Center for World Mission