Ayat-ayat Alkitab Ternama dari 1 Htesaloni 5

Bagikan

Hkâ-nhám le, ru gabú nyî keq; abyìt alan kyûdûng nyì keq; hkyô hkat hkangmó má jeju hkya-ôn nyì keq, hkâsu mù gâ le, haú pé gi, Hkrisidùq Yesuq má, núngmòq é matú Garai Gasang ô nau é hkyô pé nghut lhê.

Nguì ngón hkyo é a-pûn awang nghut é Garai Gasang yhang, núngmòq lé, lhúnglháng lhoq sân-yúng pyám byi sháng gàq; ngá-nhûng é Yhûmsîng Yesuq Hkrisidùq dum lé é hkûn, núngmòq é sô, myìt nhiklhum, gùngdu gi, mara hûn râ hkyô a bò sháng gàq. Núngmòq lé ji yu é Sû gi, lhumzuî é Sû nghut lhê mù, Yhang, shí hkyô lé kut râ nghut lhê.

ó yùq lé nghut kôlhang, a ge é hkyo é yánmai, a ge é dông a taû kut râ lé lhoqpun lhoqkyîng nyì keq; núngmòq rayùq eq rayùq le, góbang bànshoq eq le, shi-kùt luî, hkâ-nhám le, ge é hkyô kut byî lhum nyì keq.

Haû mù luî, núngmòq gi, ahkuî, núngmòq kut nyi é eq rajung za, rayùq eq rayùq myìt wum byî lhum mù, htuqlùq htuqbáng kut lhûm nyì keq.

Gu-mang wuì ê, núngmòq lé ngá-mòq wum byî kat nau é gi, lagôn é bang lé lhoqpun lhoqkying keq; nhiknge é bang lé myìt wum byi keq; wum nyhôm é bang lé htuqlùq htuqbáng kut keq; yùq hkangmó lé, i-myìt hîng byî nyì keq

Hkâsu mù gâ le, Garai Gasang gi, Yhâng nhikmó-yô é hkyô lé hkâm zo râ matú, ngá-nhúng lé hkyin tô é a nghut é za, ngá-nhûng é Yhûmsîng Yesuq Hkrisidùq mai, hkyi yù hkyô lé ngá-nhúng wó yû râ matú hkyin to bê nghut lhê.

Núngmòq lhúnglhâng bang gi, maubó é yhang zô pé eq nyí é yhang zô pé nghut lhê. Ngá-nhúng gi, myín eq mauchut hkaû eq sêng é bang a nghut.