Ayat-ayat Alkitab Ternama dari Taga-Roma 5

Bagikan

Ngem impakita ti Dios ti ayatna kadatayo: Idi managbasoltayo pay laeng, natay ni Cristo gapu kadatayo!

Saannatayo a paayen daytoy a namnama ta imbukbok ti Dios ti ayatna kadagiti pusotayo babaen iti Espiritu Santo a sagutna kadatayo.

Agragsaktayo met kadagiti rigrigattayo, ta ammotayo a ti rigat pataudenna ti panagibtur. Ti panagibtur yegna ti yaanamong ti Dios. Ti yaanamongna pataudenna ti namnama.

Itan ta napalintegtayo babaen iti pammati, naikappiatayon iti Dios gapu ken ni Apotayo a Jesu-Cristo. Nayasidegtayo babaen iti pammati iti parabur ti Dios ket daytoy ita ti laklak-amentayo. Agrag-otayo ngarud iti namnama a mairanudtayo iti dayag ti Dios!

Iti tiempo a pinili ti Dios, idi awan pay laeng ti kabaelantayo, natay ni Cristo gapu kadagiti managdakdakes.

Babaen iti darana, napalintegtayon iti sangoanan ti Dios. Ad-adda pay ngarud a maisalakantayto gapu kenkuana.

Kas ti panagbalin a managbasol ti sangkataoan gapu iti panagsukir ti maysa a tao, kastanto met ti pannakapalinteg dagiti tattao iti imatang ti Dios gapu iti panagtulnog ti maysa a tao.

Ngem saan la a dayta, agrag-otayo pay gapu iti inaramid ti Dios babaen ken ni Apotayo a Jesu-Cristo a namagbalin kadatayo a gagayyem ti Dios.