Ayat-ayat Alkitab Ternama dari Taga-Galacia 6

Bagikan

Isut' gapuna a ditayo koma mauma nga agaramid iti naimbag; ta dumtengto ti tiempo nga agapittayo no ditay maupay.

Ngarud, no adda gundawaytayo, agaramidtayo iti naimbag a maipaay kadagiti amin a tattao, nangruna kadagiti kakabsatyo iti pammati.

Agtitinnulongkayo iti pakadagsenan ti tunggal maysa tapno matungpalyo ti linteg ni Cristo.

Diyo allilawen dagiti bagbagiyo; saan a marabrabak ti Dios. Apitento ti tao ti aniaman nga imulana.

No agmula nga agpaay iti bukodna a naindagaan a tarigagay, apitennanto ti patay. No agmula nga agpaay iti Espiritu, apitennanto ti biag nga agnanayon.

Kakabsatko, no adda maduktalan nga agaramid iti aniaman a kita ti kinadakes, dakayo nga agtungtungpal iti Espiritu iturongna koma iti nasayaat a dalan. Ngem masapul a sayaatenyo a bagbagaan. Annadanyo dagiti bagbagiyo, amangan la ketdi no masulisogkayo met.

No pagarupen ti maysa a tao nga adda kabaelanna, idinto nga awan met, al-allilawenna laeng ti bagina. Masapul nga usigen ti tunggal maysa ti bukodna nga aramid. No naimbag, mabalinna a pagpannakkel ti gapuananna. Saan a masapul nga idiligna ti gapuananna iti gapuanan ti sabali a tao. Masapul a baklayen ti tunggal maysa ti bukodna nga awit.