Ayat-ayat Alkitab Ternama dari Gén 37

Bagikan

Ri José xuben k'a jun achik', y toq xutzijoj chike ri rach'alal, rije' kan más k'a xketzelaj

Y ri Jacob más nrajo' ri José chikiwech konojel ruk'ajol, roma rija' xalex toq ri Jacob ri'j chik. Xuben k'a jun rutziaq nim raqen ri xilon rupan ri kan janila jebejoj ok.

Toq xkitz'et ri rach'alal chi ja rija' ri janila najowex roma ri kitata', kan janila k'a xketzelaj, kan man yech'on ta chik chire rik'in ajowabel.

Y xuben chik k'a jun achik', y kan xutzijoj chuqa' chike ri rach'alal, y xubij: Yin kan xinben chik k'a jun achik', kan xinwachik'aj chi ri q'ij, ri ik', y julajuj ch'umila' nikiqasaj-ki' chinuwech, xcha'.

Ri rach'alal nich'upun kik'u'x chirij, jak'a ri rutata' janila nuch'ob rij re achik' re'.

roma xubij chike: Tiwak'axaj re achik' re xinben. K'o jun q'ij yojq'aton trigo pa juyu', y ri boraj wichin yin xpa'e-el, y ri boraj iwichin rix ri ek'o chuchi' ri wichin yin, nikiqasaj-ki' chuwech ri wichin yin, xcha'.

Wakami k'a tiqakamisaj, y niqaya' chupan la jul la', y xtiqabebij chi jun itzel chikop xukamisaj y xutej, y xtiqatz'et achike xtibanatej rik'in ri rachik', xecha'.

Y toq yeq'ax yan el ri chiri' ri k'ayinela', ri e rijatzul kan ri Ismael, ri aj kela' pa Madián, jari' toq ri rach'alal ri José xbekelesaj-pe ri pa jul, y xkik'uaj-q'anej richin nikik'ayij-el chike ri winaqi' ri'. Keri' toq xkik'ayij-el ri José, chi juwineq raqen saqipueq, y xuk'uex el k'a pan Egipto.

Y rije' xkibila-qa chikiwech: Jare' peteneq ri achik'anel.

Toq ri rach'alal xkitz'et-pe nej, rije' xkinojij richin nikikamisaj.

Man tiqakamisaj roj. Tiqaya' kan chupan re jul re k'o wawe' chupan re tz'iran ruwach'ulew. Man tiqajeluj ri qaq'a' chirij, xcha' ri Rubén. Keri' xubij richin nukol-el pa kiq'a' ri rach'alal richin nutzolij-el rik'in ri rutata'.