Ayat-ayat Alkitab Ternama dari Ex 12

Bagikan

Y chupan chuqa' ri aq'a' ri' xkiq'ax chupan chijun ri ruwach'ulew richin Egipto y kan xkenkamisaj k'a konojel ri e nabey taq al alaboni' chikikojol ri winaqi'. Y keri' chuqa' chikikojol ri kawej. Y xtinq'et k'a tzij pa kiwi' ri dios richin Egipto. Ja yin Jehová ri yibin. Ri kik' jari' ri retal richin ri jay ri akuchi ixk'o-wi rix, y xtintz'et k'a yin ri kik' y choj k'a xkiq'ax-el pan iwi' y kan man xtok ta k'a iwik'in rix ri nima-ruk'ayewal richin kamik, toq yin xkenkamisaj ri nabey taq al alaboni' wawe' pan Egipto.

Y re q'ij re' kan k'o chi xtinimaq'ijuj rix, chuqa' keri' xtikiben ri iwijatzul ri xkepe chi wiq chi tanaj. Kan keri' k'a ri k'o chi niben richin jantape'.

Rik'in juba' ri iwalk'ual xtikik'utuj chiwe: ¿Achike roma ninimaq'ijuj re q'ij re'? Wi keri', rix kan tibij chike: Re ti chikop re' jare' ri niqakamisaj richin niqaya' ruq'ij ri Jehová, roma rija' xuya' ri solbelri'il chiqe chupan ri aq'a' toq xerukamisaj ri nabey taq ak'uala' kichin ri aj-Egipto; y roj kan xojtotej kan, xcha' ri Moisés. Y jari' toq ri winaqi' xexuke' y xkiqasaj-ki' pan ulew richin xkiya' ruq'ij ri Jehová.