Ayat-ayat Alkitab Ternama dari Yohanès 1

Bagikan

Tapik mok keꞌjèk sènꞌòy rik umbeterime bok umpechaye ma Rik Nak. Dak Nanak naꞌog ma umnak kenèmbek hak untok mujadik kuwòt Allah.

Bil mulak eh tòp, èn bumi doh tèk-tik tok mèk-mok, Rik Nak hòj mok rik kenëh Eh Gah. Dak Gah nak mok samak Allah, bok Gah nak lah Rik Allah.

Chènlakh nak bedeyãr ma kelòj rèhngah, dak rèhngah nak tok dapad namtèrped eh.

Rik kenëh Eh Gah nak hòj najadik sènꞌòy dak nagel samak èk. Jadik èk hòj ènéh ma kuwase ròb renayak Eh; Rik Nak rayak bok bekuwase sebab Rik Nak Kuwòt tungal Apak. Dak Rik Nak napèrnéh kenèmbek rik kènmën tentang Allah bok kenèmbek nèjméj hup Eh ma èk.

Nòm Rik Nak lah Allah napèrhéj kenèmbek, bok tok mèk-mok ilok-ilok pon rik napèrhéj tanpe Rik Nak. Gah nak lah rik èg-og nèsgos ma kenèmbek perènhéj Eh, dak nèsgos Eh nak naꞌog chènlakh ma kenèmbek sènꞌòy.

Dak is jakal eh nak, Yohanès nanéh Yèsus nalèj-lãj ma rik nak, dak Yohanès nachal ma sènꞌòy èn anak, “Néh lah! Rik Nak lah Kuwòt Kambikh Biri Allah rik natèrhõy ma dose duniak!

Rik kenëh Eh Gah nak hòj mok èn duniak. Dak yab Allah napèrhéj duniak doh nòm Rik Nak, tapik sènꞌòy èn duniak doh tok umkèlnal ma Rik Nak. Nanak nalãj ma tèk milik rik Eh, tapik sènꞌòy kaum rik Eh umjèk ma Rik Nak.

Chènlakh rik kènmën hòj namlèj-lãj ma duniak untok namchelakh ma kenèmbek sènꞌòy.

Nòm Musa, Allah naꞌog Hukom Tuhan ma èk. Tapik nòm Yèsus Kristus, Allah hòj napèrnéh ma èk nèjméj hup Eh bok kenèmbek ilok rik kènmën.