Ayat-ayat Alkitab Ternama dari Jaan 21

Bagikan

'Ü bɩaraa' 'lɩ nɩ, Jesu nya 'bete Simɔɔ Piɛɛrë: «Jonaasëa 'jʋ Simɔɔ, ‑wa 'mɩ ‑nya ‑si ü kʋa' ‑pɩ 'wʋ?» 'Ɔ ‑nëma: «‑Yɛɛ! 'Pläkänyɔɔ, 'sɩrɩ 'n ‑waa' ‑mɩ ‑jre 'iin.» 'Iibäa' Jesu nɩ: «'Fini 'na ‑bablëëjü 'klɩ.» 'Ɔnya 'bete 'ɔɔn 'sɔɔwʋ: «Jonaasëa 'jʋ Simɔɔ, ‑wa 'mɩ?» Piɛɛrë ‑nëma: «‑Yɛɛ! 'Pläkänyɔɔ, 'sɩrɩ 'n ‑waa' ‑mɩ ‑jre 'iin.» Jesu nya ‑gbala 'ɔɔn: «‑Tʋ 'na ‑bablëë 'nyügba.» 'Ɔnya ka 'sɔɔwʋ tää, 'ɔnya 'bete 'ɔɔn: «Jonaasëa 'jʋ Simɔɔ, ‑wa 'mɩ?» 'I pa Piɛɛrë ‑gba 'kä Jesu 'mä 'ɔɔn 'bete 'wʋ tää 'wʋ: «‑Wa 'mɩ?» 'Ɔ ‑nëma: «'Pläkänyɔɔ, ‑jre wiia 'fɩɔ; ‑jre 'iin 'sɩrɩ 'n ‑waa' ‑mɩ.» Jesu nya ‑gbala 'ɔɔn: «'Fini 'na ‑bablëë 'klɩ.

'Tasɩrɩa 'cɩcasa 'n ‑gbala ‑mɩ, ‑bä käa' ‑sëgbajʋ nɩ, ‑na 'mʋgbɛ ma wlo ‑na ‑pɛɛtʋ; 'kä ‑ma mö ‑tɛ 'lɩ ‑waa'. ‑Maa 'taɩn 'lɩ ‑nëmäa' 'klɩbɩa nɩ, ‑na 'dari ‑nëmä to, 'kä nyɔɔ ‑moloo nya ‑mɩ 'uun wlo, ‑plɩɩlɩ ‑nyɩ 'bataa' 'kä 'ɔnya 'lɩ ‑mɩ fa.»

'Ɔnya ‑gbala 'üün: «'Ba be 'ana ‑tata ‑gɔlʋa 'dupa 'pɛlɩ, 'anya ‑srü 'jäa.» 'Ünya be 'lɩ 'ään, ‑srüa ‑sümlökʋa ‑gʋ nɩ, 'ünyɩ 'lɩ ‑a bɩa ü 'ba 'ään 'nie 'lɩ.

Simɔɔ Piɛɛrë ‑nëma: «Fɩakalɩ 'n mö.» 'Iibäa' 'üa 'fɩɔ nɩ: «A nyra ‑mɔ mö.» 'Ünya 'jra ‑gɔlʋ 'doo 'lɩ, ‑maa 'ia ‑gbialäa 'mlɩ nɩ, 'ünyɩ dɛɛ ‑a fɩa.