Ayat-ayat Alkitab Ternama dari Байбихьи 49

Bagikan

Ягьудал кодоса пачалъиялъул гӀанса кидаго бортиларо, пачалъиялъул гӀанса даим гьесухъ букӀина, гьелъул унго-унгояв бетӀергьанлъун Жив кколев ва киналгоги халкъал Жиндие мутӀигӀлъулев вачӀине мех щвезегӀан.

Юсуп релълъуна баракатаб цӀолбол гъабуялда, гӀемераб пихъ кьолеб, иццухъ жиб бижараб ва гъабуялъул чӀораца къедго бацараб. КигӀан кутакалда гьесие зарал гьабизе лъугьаниги, рокьукъго гьесда чӀорал речӀчӀаниги

гьесул чӀорбутӀалъул бутӀ кидаго чучиларо, гьесул кверзул къуватги тӀагӀинаро. Щайгурелъул гьелъие кьучӀ – Якъубил Къудратав БетӀергьанасул къвакӀараб Квер ва ГӀизраилие Кьурулъунги Вехьлъунги чӀарасул ЦӀар! Гьев – дур инсул Аллагь; Гьес хадубги квербакъаги дуе! ХӀалкӀолъи ЦӀикӀкӀарас дуе баракат кьеги – зодил борхалъудасанги, ралъдал гъварилъудасанги! Гьес дуе гӀемерал лъимал кьеги, гӀи-боцӀул тӀинчӀ-къед цӀикӀкӀинабеги!

Ягьуда, вацаз дуе рецц-бакъ гьабила! Дуе наку чӀвала дур инсул васаз; тушбабазул гъванщида тӀад букӀина дур хъат. Ягьуда, дир вас, мун гӀолохъанаб гъалбацӀалда релълъуна, давлагун чанаса буссунеб! ГъалбацӀалъ гӀадин, ракьалда вегун гъоркьчӀел гьабула гьас, эбелаб гъалбацӀалъ гӀадин – гьелда хъатӀизе кӀолев чи щив вукӀунев!

Рувим – дир тӀоцевесев вас, дир гуч, бихьинаб балугълъиялъул тӀоцебесеб пихъ. Къадру-къудраталъул тӀоцебесеб ихтиярги дур. Амма лъадал чвахиялдагӀанги напсалда чангит базе кӀоларев, тӀоцевесевлъун гьанже тӀокӀалъ вукӀинаро мун: Инсул чӀужуялъул бусаде вахиндал, дир гьеб бусен дуца хъублъизабидал!