Ayat-ayat Alkitab Ternama dari Zaŋ 10

Bagikan

Etɛɛ náá, mot djii zyɛ ɛ́ étɛp ɛzɛdjii, nɛ ɛzɛgó, nɛ ɛzɛsaab. Mam nazyɛ ɛ́, etɛɛ náá, bot neebela tsik, bɛ neebela esa djas di egoka nɛ nɔɔ étɛp bɛ needi tɔ mbɛɛ tsik ɛ.

Yɛ ɛ́ mam ɛ di mbɛɛ mbaalel ebhata, mbɛɛ mbaalel ka tsik'ɛ gha ɛ́ kɔ ɛsu ɛ ebhata bɛ.

Ɛsaŋ ɛ ebhata bam nɛ gwak gwood'am, mɛ nɛ gu bɛ, bɛ nɛ du mɛ.

Mɛ ɛpedjɛ bɛ tsik na kɔm-kɔm, bɛ aanàkwaadiib dhiiti dwoo. Mot tok nɛ ghwyil ɛdɛk mɛ bak.

Yɛ ɛ́ mam ɛ di ɛbɛ ɛ ndjaa. Mot aadhaa pɛ daa lam etɛp nyɛ neeni ɔ, nyɛ waabela tsik. Nyɛ ɛ́ nɛ ghwyil ɛni nɛ ɛwyis dáa nyɛ kwyɛl ɛ. Nyɛ waabela edee e dek.

Yɛ ɛ́ mam ɛ di mbɛɛ mbaalel ebhata. Etɛɛ náá, mɛ nɛ gu ebhata bam, ebhata bam pe nɛ gu mɛ.

Sa Saagam nadjɛ mɛ ɛ, eedhaa esonok djas. Étɛp tak ɛ di náá, dhiiti mot tok nɛ ghwyil ɛdɛk sa tak tɔ mbɔ Saagam. Mam nɛ Saagam, bis ɛ́ mot ngɔt.»

Tyee wat nɛ dáa Saagam di egu mɛ ɛ, mam pe nɛ gu Saagam. Yɛ ɛ́ deenek ɛ́ mɛ di eka tsik'am gha kɔ ɛsu ɛ ebhata bam.

Mot tok nɛ ghwyil ɛnɔɔ tsik'am. Yɛ ɛ́ mam mɛ ɛmet ɛ di eka yɛ nɛ ɛkwosak ɛ lyem'am. Mɛ ɛ́ nɛ ghwyil ɛdjɛ yɛ, mɛ ɛ́ nɛ ghwyil ɛbaanɔɔ yɛ. Yɛ ɛ́ ɛtiŋ ɛ Saagam nadjɛ mɛ ɛ.»

Yezu eebaazɛke náá: «Mɛ lɛɛ bin ɛ́ etɛp e tsɛɛtsɛ náá, yɛ ɛ́ mam ɛ di ɛbɛ ɛ ɛniel beeba ebhata.

Mot di ebaal ebhata, étɛp nyɛ neetuudaa nɛ epata ɔ, nyɛ tok mbaalel ebhata nɛ tsɛɛtsɛ, etɛɛ náá, ebhata tok bɛ. Nyɛ bee eben ezyɛ ɔɔ, nyɛ ɛ́ nɛ ghwyil ɛdhuugal ɛsaŋ ɛ ebhata, da nyɛ ɛ́ kpaa nɛ kaab. É di'enek, eben ɛ́ waaghaaga ɛsaa ebhata binɔk é nyel, nɔɔ bɛ, dɛ bɛ nɛ ɛtwak ɛ bɛ.

Yezu eezɛke náá: «Mɛ lɛɛ bin ɛ́ etɛp e tsɛɛtsɛ náá, mot ɛ di ààni tɔ beeba ebhata pɛ ɛniel ɔɔ, nyɛ tsel peeb tselak é dhiiti di ɔɔ, yenɔk mot ɛ mot djii, nyɛ ɛ́ mot ɛzɛm.