Ayat-ayat Alkitab Ternama dari Lntadan 12

Bagikan

Ado keeman ciida we, meeyah ku mkkesa kana dxeral Micrayim, kana tgqbsuran na gaga dxeral Micrayim, ani seediq ma tnbugan we phqilun mu kana. Pkdraun mu ka kana duutux Micrayim. Yaku we Utux Tmninun. Dara mneniq sapah nniqan namu we kiya ka pnskraya. Mita ku dara nii de, mphrinas ku yamu. Moda ku phuqil dxeral Micrayim ciida, pnqraqil nii we uxe meyah smeeliq heyi namu.”

“Lnglungi ka ali nii. Ali nii we smseman Utux Tmninun. Lqlaqi laqi namu nexal we puyu ali smseman nii ani betaq knuwan.

Nasi smiling yamu ka lqlaqi namu: ‘Maanu ba elu kari na ka smseman nii ha?’ Rengo ka yamu: ‘Nii we ssapuh ta smseman hrnasan Utux Tmninun ka nii. Ado phuqil dseediq Micrayim ciida ka Utux Tmninun we, wada moda hmrinas sapah seediq Israel mosa sapah Micrayim. Betaq dmoi baga kana knkingal sapah ta ka heya.’” Kiya de tgtemaq thmuku Utux Tmninun ka seediq Israel.