Ayat-ayat Alkitab Ternama dari Mege Gaya 7

Bagikan

So kiya de maha su klaun, Utux Tmninun, Utux Baro su we, heya ka Utux Baro ma, Utux Baro stmaan bale ka heya. Psdehu ba gmaalu betaq 10'00 knxalan dseediq gmaalu heya ma, muyu ba gaya pndakar na.

Ado isu we nseediq mrtaso Utux Tmninun, Utux Baro su ka isu. Utux Tmninun, Utux Baro su we gmnao isu peeyah kana seediq bobo dxeral ma, ngalan namu na seediq na.

Ado gmaalu yamu ka Utux Tmninun ma, ado asi ka muyu sndhegan na pusu rdrudan namu. Kiya de Utux Tmninun we sooda na paru beyax baga dmnudul yamu mlatac ma, dmoi baga yamu peeyah qnlhangan Paroh qbsuran paru Micrayim pntqliyan namu.

Gmnaalu sunan ma gmnao yamu ka Utux Tmninun we, uxe ka mgkala knhbragan seediq klegan ka yamu. Bale ba we tgtikuh ba seediq meniq kana klegan seediq ka yamu.

Mpgkala kana seediq bobo dxeral ka qnbleyaq su. Mpkuuka ka rseno uka laqi ma mqedil ini tlaqi. Tnbugan su we maha uka ka ini twawa.